ಸ್ಕೂಲ್‌ ಕ್ಯಾಬ್‌ ಪರಿವರ್ತನೆಗೆ ಅವಕಾಶ

ಧಾರವಾಡ : ಶಾಲಾ ಮಕ್ಕಳ ಸುರಕ್ಷ ತೆ ಹಾಗೂ ಸುಗಮ ಪ್ರಯಾಣದ ಹಿತದೃಷ್ಟಿಯಿಂದ ವಾಹನಗಳಲ್ಲಿ ಶಾಲಾ ಮಕ್ಕಳನ್ನು ಅಧಿಕೃತ ಕರೆದೊಯ್ಯಲು ಕರ್ನಾಟಕ ಶಾಲಾ ಕ್ಯಾಬ್‌ ಯೋಜನೆಯನ್ವಯ ಮೋಟಾರ್‌ಕ್ಯಾಬ್‌, ಮ್ಯಾಕ್ಸಿ ಕ್ಯಾಬ್‌ಗಳನ್ನು ಸ್ಕೂಲ್‌ ಕ್ಯಾಬ್‌ ಆಗಿ ಪರಿವರ್ತಿಸಲು ಅವಕಾಶ ಇದೆ ಎಂದು ಪ್ರಾದೇಶಿಕ ಸಾರಿಗೆ ಅಧಿಕಾರಿ ರವೀಂದ್ರ ವಿ.ಕವಲಿ ತಿಳಿಸಿದ್ದಾರೆ.

ಈ ಕುರಿತು ಬುಧವಾರ ಪತ್ರಿಕಾ ಪ್ರಕಟಣೆ ನೀಡಿರುವ ಅವರು, ಮೋಟಾರು ವಾಹನಗಳ ತೆರಿಗೆ ನಿಯಮಾವಳಿನ್ವಯ ಸ್ಕೂಲ್‌ ಕ್ಯಾಬ್‌ ಆಗಿ ಪರಿವರ್ತಿಸಿಕೊಂಡ ವಾಹನಗಳಿಗೆ ಶೇ.50 ತೆರಿಗೆ ವಿನಾಯಿತಿ ನೀಡಲಾಗುತ್ತಿದೆ. ಪರಿವರ್ತನೆ ಪೂರ್ವದಲ್ಲಿ ಪ್ರತಿ ಶಾಲಾ ಆಡಳಿತ ಮಂಡಳಿ ಹಾಗೂ ಖಾಸಗಿ ವಾಹನಗಳ ಮಾಲೀಕರನ್ನೊಳಗೊಂಡ ಒಡಂಬಡಿಕೆ ಮಾಡಿಕೊಂಡು ಒಪ್ಪಂದ ಪತ್ರ ಹಾಜರುಪಡಿಸಿ ಶಾಲಾ ವಾಹನ ಅನುಸರಿಸಬೇಕಾದ ನಿಬಂಧನೆ ಪಾಲಿಸಿ ಪ್ರಾದೇಶಿಕ ಸಾರಿಗೆ ಅಧಿಕಾರಿಗಳ ಕಚೇರಿಗೆ ಅರ್ಜಿ ಸಲ್ಲಿಸಿದಲ್ಲಿ, ಶಾಲಾ ಮಕ್ಕಳನ್ನು ಕರೆದೊಯ್ಯಲು ವಾಹನಗಳಿಗೆ ಸ್ಕೂಲ್‌ ಕ್ಯಾಬ್‌ ಪರವಾನಿಗೆ ನೀಡಲಾಗುವುದು. ಈ ಅಧಿಸೂಚನೆಯನ್ವಯ ಅನಧಿಕೃತ ಶಾಲಾ ಮಕ್ಕಳನ್ನು ಕೊಂಡೊಯ್ಯುತ್ತಿರುವ ವಾಹನ ಅಧಿಕೃತಗೊಳಿಸಲು ಇರುವ ಸದಾವಕಾಶ ಉಪಯೋಗಿಸಿಕೊಳ್ಳುವಂತೆ ತಿಳಿಸಿದ್ದಾರೆ.