ನಮ್ಮ ಸ್ವಚ್ಛ ಸುಂದರ ವಾರ್ಡ್‌ ಕಾರ್ಯಕ್ರಮ ಇಂದು

ಹುಬ್ಬಳ್ಳಿ: ಇಲ್ಲಿಯ ಕುಂಭಕೊಣಂ ಪ್ಲಾಟ್‌ ಹಾಗೂ ಬೈಲಪ್ಪನವರ ನಗರ ಅಸೋಸಿಯೇಶನ್‌ ವತಿಯಿಂದ ಕುಂಭಕೊಣಂ ಪ್ಲಾಟ್‌ ಗಾರ್ಡನ್‌ನಲ್ಲಿ ನಮ್ಮ ಸ್ವಚ್ಛ ಸುಂದರ ವಾರ್ಡ್‌ ಕಾರ್ಯಕ್ರಮ ಡಿ. 1ರಂದು ಸಂಜೆ 5ಕ್ಕೆ ನಡೆಯಲಿದೆ.

ಮಾಜಿ ಸಿಎಂ ಜಗದೀಶ ಶೆಟ್ಟರ್‌ ಸಮಾರಂಭವನ್ನು ಉದ್ಘಾಟಿಸುವರು. ಮುಖ್ಯ ಅತಿಥಿಗಳಾಗಿ ಸಂಸದ ಪ್ರಹ್ಲಾದ ಜೋಶಿ, ವಿಧಾನ ಪರಿಷತ್‌ ಸದಸ್ಯ ಪ್ರದೀಪ ಶೆಟ್ಟರ್‌, ಶಾಸಕ ಅರವಿಂದ ಬೆಲ್ಲದ, ಮೇಯರ್‌ ಸುಧೀರ್‌ ಸರಾಫ್‌, ಪಾಲಿಕೆ ಆಯುಕ್ತ ಶಕೀಲ್‌ ಅಹ್ಮದ್‌, ಉಪಮೇಯರ್‌ ಮೇನಕಾ ಹುರಳಿ, ಮಹಾನಗರ ಬಿಜೆಪಿ ಜಿಲ್ಲಾಧ್ಯಕ್ಷ ನಾಗೇಶ ಕಲಬುರ್ಗಿ, ಸೆಂಟ್ರಲ್‌ ಕ್ಷೇತ್ರದ ಬಿಜೆಪಿ ಅಧ್ಯಕ್ಷ ತಿಪ್ಪಣ್ಣ ಮಜ್ಜಗಿ ಭಾಗವಹಿಸಲಿದ್ದಾರೆ. ಪಾಲಿಕೆ ಸದಸ್ಯೆ ಹಾಗೂ ನಗರ ಯೋಜನೆ ಅಧ್ಯಕ್ಷೆ ಲಕ್ಷ್ಮೇ ಉಪ್ಪಾರ ಅಧ್ಯಕ್ಷತೆ ವಹಿಸುವರು ಎಂದು ಪ್ರಕಟಣೆ ತಿಳಿಸಿದೆ.