ಗುಡಗೇರಿ ಗ್ರಾಮದಲ್ಲಿ ಪಲ್ಲಕ್ಕಿ ಉತ್ಸವ

ಕುಂದಗೋಳ: ತಾಲೂಕಿನ ಗುಡಗೇರಿ ಗ್ರಾಮದ 1008 ಶ್ರೀ ಪಾರ್ಶನಾಥ ತೀರ್ಥಂಕರ ಹಾಗೂ ಪದ್ಮಾವತಿ ಅಮ್ಮನವರ ಬಸದಿಯ 44ನೇ ವರ್ಷದ ವಾರ್ಷಿಕ ಪೂಜೆಯು ವಿವಿಧ ಧಾರ್ಮಿಕ ಕಾರ್ಯಕ್ರಮಗಳೊಂದಿಗೆ ಸಂಪನ್ನಗೊಂಡಿತು.

ಬೆಳಗ್ಗೆ ಬಸದಿಯ ಮೂಲ ನಾಯಕ ಪಾರ್ಶನಾಥ ತೀರ್ಥಂಕರಿಗೆ ಪಂಚಾಮೃತ ಅಭಿಷೇಕ ಲೋಕಶಾಂತಿಗಾಗಿ ಮಹಾಶಾಂತಿ ಮಂತ್ರ ಘೋಷಗಳು ಜರುಗಿದವು. ಪದ್ಮಾವತಿ ಅಮ್ಮನವರಿಗೆ ವಿಶೇಷ ಪೂಜೆ, ಕುಂಕುಮಾರ್ಚನೆ ನೆರವೇರಿತು. ನಂತರ ಉತ್ಸವ ಮೂರ್ತಿಗಳನ್ನು ಗ್ರಾಮದ ಪ್ರಮುಖ ಬೀದಿಗಳಲ್ಲಿಮೆರವಣಿಗೆ ಜರುಗಿತು. ಮೆರವಣಿಗೆ ಯುದ್ದಕ್ಕೂ ಶ್ರಾವಕ-ಶ್ರಾವಕಿಯರು ತೀರ್ಥಂಕರಿಗೆ ಹಣ್ಣು ಕಾಯಿಗಳನ್ನು ಅರ್ಪಿಸಿದರು. ಕೊನೆಯಲ್ಲಿಬಸದಿಯಲ್ಲಿಸೋಂದಾ ಶ್ರೀ ಭಟ್ಟಾಕಲಂಕ ಪಟ್ಟಾಚಾರ್ಯರ ಪ್ರವಚನ ಜರುಗಿತು.