ಹು-ಧಾ ಸ್ಮಾರ್ಟ್‌ಸಿಟಿ ಯೋಜನೆ ಅನುಷ್ಠಾನದಲ್ಲಿ ಸಾಧನೆ,ದೇಶದಲ್ಲಿ13, ರಾಜ್ಯದಲ್ಲಿ 1ನೇ ರಾರ‍ಯಂಕ್‌ ಗರಿ

ಹುಬ್ಬಳ್ಳಿ: ಹುಬ್ಬಳ್ಳಿ-ಧಾರವಾಡ ಸ್ಮಾರ್ಟ್‌ ಸಿಟಿ ಸಂಸ್ಥೆ ಅನುಷ್ಠಾನದಲ್ಲಿದೇಶದ 100 ಸ್ಮಾರ್ಟ್‌ ಸಿಟಿಗಳಲ್ಲಿ13ನೇ ರಾರ‍ಯಂಕ್‌, ರಾಜ್ಯದಲ್ಲಿಮೊದಲ ರಾರ‍ಯಂಕ್‌ ಪಡೆದ ಹೆಗ್ಗಳಿಕೆಗೆ ಪಾತ್ರವಾಗಿದೆ.

ಸ್ಮಾರ್ಟ್‌ ಸಿಟಿ ಯೋಜನೆ ಆರಂಭವಾದಾಗಿನಿಂದ ಇಲ್ಲಿವರೆಗೆ ಒಟ್ಟು 57 ಯೋಜನೆಗಳು ಮಂಜೂರಿಯಾಗಿದ್ದು, ಅದರಲ್ಲಿಈವರೆಗೆ 10 ಯೋಜನೆಗಳು ಪೂರ್ಣಗೊಂಡಿವೆ. ವಿವಿಧ ಹಂತದ 43 ಯೋಜನೆಗಳ ಕಾಮಗಾರಿ ನಡೆದಿವೆ. ಉಳಿದ ನಾಲ್ಕು ಯೋಜನೆಗಳು ಟೆಂಡರ್‌ ಹಂತದಲ್ಲಿವೆ. ಡಿಪಿಆರ್‌ ಯೋಜನೆಗಳಲ್ಲಿ150 ಕೋಟಿ ರೂ.ಗಳ ಒಂದು ಯೋಜನೆ ಮಾತ್ರ ಪರಿಶೀಲನೆಯಲ್ಲಿದೆ.

ಹೆಚ್ಚಿನ ಅಂಕ ಪ್ರಾಪ್ತಿ
ಚಾಲ್ತಿಯಲ್ಲಿರುವ ಯೋಜನೆಗಳಲ್ಲಿಅರ್ಥಿಕ ಪ್ರಗತಿ ಚೆನ್ನಾಗಿ ಆಗಿದೆಯಲ್ಲದೇ, ಯೋಜನೆಯ ಮಾರ್ಗಸೂಚಿಯ ನಿಯಮಾವಳಿಯಂತೆ ಹುಬ್ಬಳ್ಳಿ-ಧಾರವಾಡ ಸ್ಮಾರ್ಟ್‌ ಸಿಟಿ ಯೋಜನೆಗಳನ್ನು ಅನುಷ್ಠಾನ ತಂದಿದ್ದರಿಂದ ಕೇಂದ್ರ ಸರಕಾರದ ಸ್ಮಾರ್ಟ್‌ಸಿಟಿ ಯೋಜನೆ ಪ್ರಕಟಿಸಿರುವ ಅಂಕಗಳಲ್ಲಿಹುಬ್ಬಳ್ಳಿ-ಧಾರವಾಡ ಸ್ಮಾರ್ಟ್‌ಸಿಟಿ ಕಂಪೆನಿಗೆ ಹೆಚ್ಚಿನ ಅಂಕ ಲಭಿಸಿದೆ. ಇದರಿಂದ ರಾಜ್ಯದಲ್ಲಿಒಂದನೇ ಸ್ಥಾನ ಹಾಗೂ ದೇಶದಲ್ಲಿ13 ಸ್ಥಾನಕ್ಕೆ ಏರಿಕೆಯಾಗಿದೆ ಎಂದು ಹು-ಧಾ ಸ್ಮಾರ್ಟ್‌ಸಿಟಿ ಕಂಪೆನಿ ವಿಶೇಷ ಅಧಿಕಾರಿ ಎಸ್‌.ಎಚ್‌.ನರೇಗಲ್‌ ತಿಳಿಸಿದ್ದಾರೆ.

ಬೀದಿದೀಪ ಯೋಜನೆಯಂದ ಅಂಕ
ಎಲ…ಇಡಿ ಸ್ಟ್ರೀಟ್‌ಲೈಟ್‌ ಯೋಜನೆಗೆ ಕಾರ್ಯಾದೇಶ ನೀಡಲಾಗಿದ್ದು, 64 ಕೋಟಿ ರೂ. ಯೋಜನಾ ವೆಚ್ಚದ ಈ ಯೋಜನೆಯನ್ನು ಸಾರ್ವಜನಿಕ-ಖಾಸಗಿ ಸಹಭಾಗಿತ್ವ ಅಡಿಯಲ್ಲಿಅನುಷ್ಠಾನ ತಂದಿರುವುದು ಹೆಚ್ಚಿನ ಅಂಕ ಲಭಿಸಲು ಸಾಧ್ಯವಾಗಿದೆ. ಪ್ರಸಕ್ತ ವಾರದಲ್ಲಿ54.24 ಕೋಟಿ ರೂ.ಗಳ ಮೂರು ಯೋಜನೆಗಳಿಗೆ ಟೆಂಡರ್‌ ಆಹ್ವಾನಿಸಲಾಗಿದೆ ಎಂದು ಹೇಳಿದ್ದಾರೆ.

ಆರಂಭವಾಗಿರುವ ಕಾಮಗಾರಿ ಗಳಲ್ಲಿ10 ಯೋಜನೆಗಳ ಅಂದಾಜು ಮೊತ್ತ 96 ಕೋಟಿ ಜನೆವರಿ 2021 ಅಂತ್ಯದೊಳಗೆ ಮುಕ್ತಾಯಗೊಳ್ಳಲಿವೆ. ಈ ಯೋಜನೆಗಳ ಪ್ರಗತಿಯಲ್ಲಿನಮಗೆ ಅಂಕಗಳು ದೊರೆತಿವೆ. ಈ ವಾರ ಹಳೆ ಬಸ್‌ ನಿಲ್ಧಾಣ ಅಭಿವೃದ್ಧಿ ಸೇರಿದಂತೆ ಮತ್ತೆ 52.25 ಕೋಟಿ ರೂ. ವೆಚ್ಚದ ಯೋಜನೆಗೆ ಟೆಂಡರ್‌ ಕರೆಯಲಾಗುತ್ತದೆ. ಈ ಎಲ್ಲಕಾರಣಗಳಿಂದ ಹೆಚ್ಚಿನ ಅಂಕಗಳನ್ನು ಪಡೆಯಲು ಸಾಧ್ಯವಾಗಿದೆ ಎಂದು ತಿಳಿಸಿದ್ದಾರೆ.