ಮಕ್ಕಳಿಗೆ ಪೂರ್ವ ಪ್ರಾಥಮಿಕ ಶಿಕ್ಷಣ ನೀಡಿ :ಮುರಗೋಡ

ಧಾರವಾಡ : ಅಂಗನವಾಡಿ ಕೇಂದ್ರಗಳನ್ನು 1 ರಿಂದ 4 ವರ್ಷದ ಮಕ್ಕಳ ಆರೈಕೆ ಕೇಂದ್ರಗಳನ್ನಾಗಿ ಮಾಡಬೇಕು. 4ರಿಂದ 6 ವರ್ಷದ ಮಕ್ಕಳಿಗೆ ಕಿರಿಯ ಹಾಗೂ ಹಿರಿಯ ಪ್ರಾಥಮಿಕ ಶಾಲೆಗಳಲ್ಲಿ ಪೂರ್ವ ಪ್ರಾಥಮಿಕ ಶಿಕ್ಷ ಣವನ್ನು ಪ್ರಸ್ತಕ ಸಾಲಿನ ಶೈಕ್ಷ ಣಿಕ ವರ್ಷದಿಂದಲೇ ನೀಡಬೇಕು ಎಂದು ಜಿಲ್ಲಾ ಶಾಲಾಭಿವೃದ್ಧಿ ಮತ್ತು ಮೇಲುಸ್ತುವಾರಿ ಸಮಿತಿಗಳ ಸಮನ್ವಯ ವೇದಿಕೆ ಅಧ್ಯಕ್ಷ ಈರಣ್ಣಾ ಮುರಗೋಡ ಹೇಳಿದರು.

ನಗರದಲ್ಲಿ ಬುಧವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಮಕ್ಕಳ ಆರೋಗ್ಯ, ಪೌಷ್ಟಿಕತೆ ಕುರಿತು ಅರಿವಿನ ಜತೆಗೆ ಸಮಾಜದಲ್ಲಿನ ಭಾವನಾತ್ಮಕ ಸಾಮರ್ಥ್ಯ‌ಗಳಿಗೆ ಒತ್ತು ನೀಡುವ ನೀತಿ ರೂಪಿಸುವುದರ ಜತೆಗೆ ಮಕ್ಕಳ ಅಭಿವೃದ್ಧಿಗೆ ಸಹಾಯಕವಾಗುವ ಪಾತ್ರ ನಿರ್ವಹಿಸಬೇಕು. ಮಕ್ಕಳಿಗೆ ಜೀವನ ಪರ್ಯಂತ ಕಲಿಕೆಗೆ ಭದ್ರ ಅಡಿಪಾಯ ಸಿಗುತ್ತದೆ ಎಂದರು.

ಶಿಶು ಪಾಲನೆಯಲ್ಲಿ ತರಬೇತಿ ಪಡೆದ ಶಿಕ್ಷ ಕಿಯರು ಶಿಶುಪಾಲನಾ ಕೇಂದ್ರದಲ್ಲಿ ಬೇರೆ ಕಾರ್ಯಗಳ ಒತ್ತಡವಿಲ್ಲದೆ ಮಕ್ಕಳ ಜತೆ ಆಟ-ಪಾಠಗಳಲ್ಲಿ ಬೆರೆಯಬೇಕು. ಸಹಾಯಕರು ಸರಕಾರ ನೀಡಿದ ಸಮತೋಲನ ಆಹಾರ ವಿತರಿಸಿ, ಮಕ್ಕಳ ಬೇಕು ಬೇಡಗಳಿಗೆ ಸ್ಪಂದಿಸಲು ಪ್ರತಿ ಶಿಶು ಪಾಲನಾ ಕೇಂದ್ರಕ್ಕೆ ಮೂರು ಸಿಬ್ಬಂದಿ ನೇಮಿಸಬೇಕು ಎಂದರು.

ಶಿಶು ಪಾಲನಾ ಕೇಂದ್ರಗಳ ನಂತರದಲ್ಲಿ ಬರುವ ಮುಂದಿನ ಹಂತವೆಂದರೆ ಪ್ರಾಥಮಿಕ ಶಾಲೆ. ಈ ಹಂತವು ಪೂರ್ವ ಪ್ರಾಥಮಿಕ ಹಾಗೂ ಪ್ರಾಥಮಿಕ ಶಿಕ್ಷ ಣದ ಹಂತವನ್ನು ಒಳಗೊಂಡಿರುತ್ತದೆ. ಈ ಹಂತದಲ್ಲಿ ನರ್ಸರಿ ಶಿಕ್ಷ ಕರ ತರಬೇತಿ ಹೊಂದಿದ ಇಬ್ಬರು ಶಿಕ್ಷ ಕರು ಮತ್ತು ಒಬ್ಬರು ಆರೋಗ್ಯ ಕಾರ್ಯಕರ್ತೆ ನೇಮಕವಾಗಬೇಕು ಎಂದರು.