ಮೂಲನಿವಾಸಿಗಳ ಒಕ್ಕೂಟದ ಪೂರ್ವಭಾವಿ ಸಭೆ

ಧಾರವಾಡ: ಕೇಂದ್ರ ಸರಕಾರ ಜಾರಿಗೆ ತರುತ್ತಿರುವ ಎನ್‌ಆರ್‌ಸಿ, ಸಿಎಎ, ಎನ್‌ಪಿಆರ್‌ ಕುರಿತ ಸಾರ್ವಜನಿಕರಿಗೆ ಮನೆಮನೆಗೆ ತೆರಳಿ ಹಾಗೂ ಸಭೆ ನಡೆಸಿ ಜಾಗೃತಿ ಮೂಡಿಸುವ ಜತೆಗೆ ಕಾನೂನು ಜಾರಿ ಆಗದಂತೆ ಸೂಕ್ತ ಹೋರಾಟ ಕಟ್ಟಲು ಭಾರತೀಯ ಮೂಲಸಿವಾಸಿಗಳ ಒಕ್ಕೂಟ ನಿರ್ಣಯ ಕೈಗೊಂಡಿದೆ.

ನಗರದ ಕರ್ನಾಟಕ ವಿದ್ಯಾವರ್ಧಕ ಸಂಘದ ರಾ.ಹ.ದೇಶಪಾಂಡೆ ಸಭಾ ಭವನದಲ್ಲಿಬುಧವಾರ ಹಮ್ಮಿಕೊಂಡ ಎನ್‌ಆರ್‌ಸಿ, ಸಿಎಎ, ಎನ್‌ಪಿಆರ್‌ ಪ್ರತಿಭಟನೆ ಕುರಿತು ಪೂರ್ವಭಾವಿ ಸಭೆಯಲ್ಲಿ ನಿರ್ಣಯ ಕೈಗೊಳ್ಳಲಾಯಿತು.

ಚಿಂತಕ ಲಕ್ಷ್ಮಣ ಬಕ್ಕಾಯಿ ಮಾತನಾಡಿದರು. ಸಭೆಯಲ್ಲಿ 30ಕ್ಕೂ ಹೆಚ್ಚು ಜನರಿಂದ ಎನ್‌ಆರ್‌ಸಿ, ಸಿಎಎ, ಎನ್‌ಪಿಆರ್‌ ಬಗ್ಗೆ ಅಭಿಪ್ರಾಯ ಸಂಗ್ರಹಿಸಿದ ನಂತರ ಬರುವ ದಿನಗಳಲ್ಲಿಮತ್ತೊಮ್ಮೆ ಸಭೆ ಸೇರಿ ಮುಂದಿನ ಹೋರಾಟದ ಬಗ್ಗೆ ರೂಪರೇಷೆ ಸಿದ್ದಪಡಿಸುವ ಜತೆಗೆ ರಾಜಕೀಯ ವ್ಯಕ್ತಿಗಳನ್ನು ಹೊರಗಿಟ್ಟು ಹೋರಾಟ ಮಾಡಲು ನಿರ್ಣಯ ಕೈಗೊಳ್ಳಲಾಯಿತು.

ಇಮ್ರಾನ ಕಳ್ಳಿಮನಿ, ಸಲಿಂ ಸಂಗನಮುಲ್ಲಾ, ವೆಂಕಟೇಶ ಸಗಬಾಲ್‌, ಅಲಿ ಪಠಾಣ, ಮಂಜುಳಾ ಚಲವಾದಿ, ನದಾಫ್‌,ಸಲೀಂ, ಕಲ್ಮೇಶ ಹಾದಿಮನಿ ಇದ್ದರು.