ಆಸ್ತಿ ವಿವಾದ ಹಿನ್ನೆಲೆ ಹಲ್ಲೆ

ಧಾರವಾಡ : ಆಸ್ತಿ ವಿವಾದ ಹಿನ್ನೆಲೆ ಅತ್ತಿಗೆ ಹಾಗೂ ಅಣ್ಣನಿಗೆ ತಮ್ಮಂದಿರು ಹಾಗೂ ನಾದಿನಿಯರು ಥಳಿಸಿದ ಘಟನೆ ಇತ್ತೀಚೆಗೆ ನಿಗದಿ ಗ್ರಾಮದಲ್ಲಿ ನಡೆದಿದೆ

ನಿಗದಿ ಗ್ರಾಮದ ಬೀಮಪ್ಪಾ ಹಳ್ಯಾಳ ಹಾಗೂ ಆತನ ಪತ್ನಿ ಸುಶೀಲಾ ಹಳ್ಯಾಳ ಅವರ ಮೇಲೆ ಹಲ್ಲೆ ನಡೆದಿದೆ.ತಾಲೂಕಿನ ನಿಗದಿ ಗ್ರಾಮದಲ್ಲಿ ಏ. 16 ರಂದು ಮೊಮ್ಮಕ್ಕಳನ್ನು ಕರೆದುಕೊಂಡು ಹೊಲಕ್ಕೆ ಹೋದಾಗ 2.35 ಗುಂಟೆ ಜಮೀನಿನ ವಿಚಾರವಾಗಿ ಮೈದುನರಾದ ಮಂಜುನಾಥ, ಪರಮೇಶ್ವರ, ಮಡಿವಾಳಿ, ಈಶ್ವರ ಹಾಗೂ ಅವರ ಹೆಂಡತಿಯರು ಹಲ್ಲೆ ನಡೆಸಿದ್ದಾರೆ. ಸದ್ಯ ಜಿಲ್ಲಾ ಆಸ್ಪತ್ರೆಯಲ್ಲಿ ಗಾಯಾಳುಗಳು ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಈ ಕುರಿತು ಸುಶೀಲ ಹಳ್ಯಾಳ ಅಳ್ಳಾವರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.