ಸಂತ್ರಸ್ತರ ನಿರ್ಲಕ್ಷ್ಯ ಖಂಡಿಸಿ ಪ್ರತಿಭಟನೆ

ಕುಂದಗೋಳ : ಧಾರಾಕಾರ ಮಳೆಯಿಂದ ರಾಜ್ಯದ ಜನ ಸಂಕಷ್ಟಕ್ಕೆ ಒಳಗಾಗಿದ್ದರೂ ಸರ್ಕಾರಗಳು ಸಂತ್ರಸ್ತರ ನೆರವಿಗೆ ಬರುತ್ತಿಲ್ಲಎಂದು ಆರೋಪಿಸಿ ಕಾಂಗ್ರೆಸ್‌ ಪಕ್ಷದಿಂದ ಧರಣಿ ನಡೆಸಿ ತಹಸೀಲ್ದಾರ ಮೂಲಕ ರಾಜ್ಯಪಾಲರಿಗೆ ಗುರುವಾರ ಮನವಿ ಸಲ್ಲಿಸಲಾಯಿತು.

ಶಾಸಕಿ ಕೆ.ಸಿ.ಶಿವಳ್ಳಿ ಮಾತನಾಡಿ ರಾಜ್ಯ ಸಂತ್ರಸ್ತರನ್ನು ನಿರ್ಲಕ್ಷಿಸಿದ್ದು, ಇಲ್ಲಿಅನೇಕ ಜನರು ಮನೆಗಳನ್ನು ಕಳೆದುಕೊಂಡು ಕಷ್ಟದ ಜೀವನ ನಡೆಸುತ್ತಿದ್ದಾರೆ, ಸೇತುವೆ, ರಸ್ತೆ, ಶಾಲಾ ಕಟ್ಟಡಗಳು, ಸಂಪೂರ್ಣ ಹಾಳಾಗಿದ್ದು ಸಂಚಾರಕ್ಕೂ ಸಂಚಕಾರ ಬಂದಿದ್ದು, ಸರ್ಕಾರಗಳು ಎಚ್ಚರಗೊಳ್ಳುತ್ತಿಲ್ಲಎಂದು ಆರೋಪಿಸಿದರು.

ಧರಣಿಯಲ್ಲಿಜಿ.ಪಂ ಸದಸ್ಯ ಉಮೇಶ ಹೆಬಸೂರ, ಎಪಿಎಂಸಿ ಅಧ್ಯಕ್ಷ ಬೀರಪ್ಪ ಕುರಬರ, ಅನಿಲಕುಮಾರ ಪಾಟೀಲ, ಅಪ್ಪಣ್ಣ ಹಿರೇಗೌಡ್ರ, ಅರವಿಂದ ಕಟಗಿ, ಫಕ್ಕೀರಪ್ಪ ಮೂಲಿಮನಿ, ಮುತ್ತು ಶಿವಳ್ಳಿ, ದಯಾನಂದ ಕುಂದೂರ, ಸಕ್ರು ಲಮಾಣಿ ಅನೇಕರಿದ್ದರು.