ಭೂಮಾಪನ ಇಲಾಖೆ ನೌಕರರ ಪ್ರತಿಭಟನೆ

ಹುಬ್ಬಳ್ಳಿ : ಭೂಮಾಪನ ಇಲಾಖೆಯ ನೌಕರರ ವಿವಿಧ ಬೇಡಿಕೆ ಈಡೇರಿಸುವಂತೆ ಆಗ್ರಹಿಸಿ ಕೇಂದ್ರ ಸಂಘವು ನೀಡಿದ ಬೆಂಗಳೂರು ಚಲೋ ಹೋರಾಟ ಬೆಂಬಲಿಸಿ ನಗರದ ನೌಕರರು ಕಪ್ಪು ಬಟ್ಟೆ ಧರಿಸಿ ಕಚೇರಿ ಎದುರು ಸೋಮವಾರ ಪ್ರತಿಭಟನೆ ನಡೆಸಿದರು. ಆ.31ರ ವರೆಗೆ ಯಾವುದೇ ಕರ್ತವ್ಯಕ್ಕೆ ಹಾಜರಾಗದೆ, ಮುಷ್ಕರ ನಡೆಸಲು ನೌಕರರು ತೀರ್ಮಾನಿಸಿದ್ದಾರೆ.

ನೌಕರರ ಬೇಡಿಕೆಗಳು: ಸರಕಾರ ಭೂಮಾಪಕರಿಗೆ ತಿಂಗಳಿಗೆ 30 ಕಡತಗಳ ಗುರಿ ನಿಗದಿಪಡಿಸಿ ಸುತ್ತೋಲೆ ಹೊರಡಿಸಿದ್ದು, ಈ ಅವೈಜ್ಞಾನಿಕ ಸುತ್ತೋಲೆಯನ್ನು ಕೂಡಲೇ ಹಿಂಪಡೆಯಬೇಕು. ಹಿಂದೆ ಜಾರಿಯಲ್ಲಿದ್ದಂತೆ 23 ಕಡತಗಳ ವಿಲೇವಾರಿಯನ್ನು ಮಾಸಿಕ ಗುರಿಯನ್ನಾಗಿ ನಿಗದಿ ಮಾಡಬೇಕು. ನೌಕರರಿಗೆ ವಿಧಿಸಿರುವ ಶಿಸ್ತುಕ್ರಮ ಹಾಗು ದಂಡನೆಯ ಆದೇಶ ಹಿಂಪಡೆಯಬೇಕು ಎಂದು ನೌಕರರು ಆಗ್ರಹಿಸಿದರು.