ರೊಟ್ಟಿ, ಎಣಗಾಯಿ ಪಲ್ಯೆ ಸವಿದ ರಾಹುಲ್‌

ಹುಬ್ಬಳ್ಳಿ : ಹುಬ್ಬಳ್ಳಿಗೆ ಆಗಮಿಸಿದ ಎಐಸಿಸಿ ಅಧ್ಯಕ್ಷ ರಾಹುಲ್‌ ಗಾಂಧಿ ವಿಮಾನ ನಿಲ್ದಾಣದಲ್ಲಿ ಶನಿವಾರ ಉತ್ತರ ಕರ್ನಾಟಕ ಶೈಲಿಯ ಊಟದ ರುಚಿ ಸವಿದರು.

ಕಾಂಗ್ರೆಸ ಮುಖಂಡ ರಜತ ಉಳ್ಳಾಗಡ್ಡಿಮಠ ಅವರ ತಾಯಿ ಸುನೀತಾ ಅವರು ರಾಹುಲ್‌ ಗಾಂಧಿ ಅವರಿಗೆ ಜೋಳದ ರೊಟ್ಟಿ, ಎಣಗಾಯಿಪಲ್ಯೆ, ಶೇಂಗಾ, ಗುರೆಳ್ಳ ಚಟ್ನಿ, ಮೊಸರು, ಚಪಾತಿ ತಯಾರಿಸಿದ್ದರು. ಅದರಂತೆ ಅಲ್ತಾಫ್‌ ಹಳ್ಳೂರ ಅವರ ಪತ್ನಿ ಹಾಗೂ ಕುಟುಂಬಸ್ಥರು ರಾಹುಲ್‌ ಗಾಂಧಿ ಅವರಿಗೆ ಪರೋಟಾ, ಖೈಮಾ, ಮಟನ್‌ ಬಿರಿಯಾನಿ ಮತ್ತು ಸಿಗಡಿ ಮೀನ ತಯಾರಿಸಿದ್ದರು.

ಇಲ್ಲಿಯ ಹುಬ್ಬಳ್ಳಿ ವಿಮಾನ ನಿಲ್ದಾಣದಲ್ಲಿ ಎರಡು ಮನೆಯಿಂದ ಬಂದಂತಹ ಉತ್ತರ ಕರ್ನಾಟಕ ಶೈಲಿಯ ಊಟದ ರುಚಿ ಸವಿದರು. ರಾಹುಲ್‌ ಗಾಂಧಿ ಬರುವ ಹಿನ್ನೆಲೆಯಲ್ಲಿ ಉಳ್ಳಾಗಡ್ಡಿಮಠ ಮತ್ತು ಹಳ್ಳೂರ ಕುಟುಂಬಕ್ಕೆ ಅಡುಗೆ ಮಾಡಿಕೊಳ್ಳುವಂತೆ ಮುಂಚೆಯೇ ತಿಳಿಸಲಾಗಿತ್ತು ಎಂದು ತಿಳಿದು ಬಂದಿದೆ.