ರೈಲು ಸಂಚಾರ ವಿಸ್ತರಣೆ

ಹುಬ್ಬಳ್ಳಿ: ಯಶವಂತಪುರ-ಹರಿಹರ-ಯಶವಂತಪುರ (07309/ 07310)ಎಕ್ಸ್‌ಪ್ರೆಸ್‌ ತತ್ಕಾಲ್‌ ರೈಲು ಸಂಚಾರವನ್ನು ವಾಸ್ಕೋ ಡ ಗಾಮಾ ವರೆಗೆ ವಿಸ್ತರಿಸಲು ನೈರುತ್ಯ ರೈಲ್ವೆ ವಲಯ ನಿರ್ಧರಿಸಿದೆ.

ನ.8ರಿಂದ ಮುಂದಿನ ಆರು ತಿಂಗಳವರೆಗೆ ಮಂಗಳವಾರ, ಭಾನುವಾರ ಹೊರತುಪಡಿಸಿ ಎಲ್ಲಾದಿನಗಳಲ್ಲೂಈ ರೈಲು ಸಂಚರಿಸಲಿದೆ. ಯಶವಂತಪುರದಿಂದ ಮಧ್ಯಾಹ್ನ 2.30ಕ್ಕೆ ಹೊರಡುವ ರೈಲು ತುಮಕೂರು, ದಾವಣಗೆರೆ, ಹುಬ್ಬಳ್ಳಿ, ಲೋಂಡಾ ಮಾರ್ಗವಾಗಿ ವಾಸ್ಕೋ ಡ ಗಾಮಾ ನಿಲ್ದಾಣವನ್ನು ಮರುದಿನ ಬೆಳಗ್ಗೆ 6ಕ್ಕೆ ತಲುಪಲಿದೆ.

ವಾಸ್ಕೋ ಡಿ ಗಾಮಾ ನಿಲ್ದಾಣದಿಂದ ರಾತ್ರಿ 9.20ಕ್ಕೆ ಹೊರಡುವ ರೈಲು ಮರುದಿನ ಮಧ್ಯಾಹ್ನ 12.30ಕ್ಕೆ ಯಶವಂತಪುರ ತಲುಪಲಿದೆ ಎಂದು ಪ್ರಕಟಣೆ ತಿಳಿಸಿದೆ.