ಟೋಲ್‌ನಾಕಾಕ್ಕೆ ಮತ್ತೆ ಮಳೆ ಕಿಟಿಕಿಟಿ

ಧಾರವಾಡ: ಕಳೆದ ಮೂರು ದಿನಗಳಿಂದ ತಗ್ಗಿದ ಮಳೆಗೆ ಧಾರವಾಡದ ಟೋಲ್‌ನಾಕಾದಲ್ಲಿ ಸಂಚರಿಸುವ ವಾಹನ ಮತ್ತು ಬೈಕ್‌ ಸವಾರರು ನಿಟ್ಟುಸಿರು ಬಿಟ್ಟಿದ್ದರು. ನೆಮ್ಮದಿಯಿಂದ ಸಂಚಾರ ಕೂಡ ನಡೆಸುತ್ತಿದ್ದರು. ಆದರೆ, ಶುಕ್ರವಾರ ಸಂಜೆ ಸುರಿದ ಭಾರೀ ಮಳೆಗೆ ಟೋಲ್‌ನಾಕಾ ಎಂದಿನಂತೆ ಕೆರೆಯಾಗಿತ್ತು. ಚಿಗರಿ, ಸರಕಾರಿ ಸಾರಿಗೆ ಬಸ್‌ಗಳನ್ನು ಸಂಚರಿಕೊಂಡು ಹೋದರೆ ಬೈಕ್‌ನವರ ಮಾತ್ರ ನಿಂತು ನೋಡುವ ಸ್ಥಿತಿ ನಿರ್ಮಾಣವಾಗಿತ್ತು. ಜತೆಗೆ ಅರ್ಧ ಗಂಟೆ ಟ್ರಾಫಿಕ್‌ ಸಮಸ್ಯೆ ಕೂಡ ಆಗಿತ್ತು. ಇದನ್ನು ಕಂಡ ಸಾರ್ವಜನಿಕರು ಮಳೆಯಾದರೆ ಕೆರೆಯಾಗುವ ಟೋಲ್‌ನಾಕಾ ರಸ್ತೆಗೆ ಮುಕ್ತಿ ಎಂದು ಗೊಣಗುತ್ತಿದ್ದರು.