ಮನೆ ತೆರವಿಗೆ ನಿವಾಸಿಗಳ ವಿರೋಧ

ಧಾರವಾಡ : ಡಾ.ಅಂಬೇಡ್ಕರ್‌ ಕಾಲೋನಿಯಲ್ಲಿನ ಮನೆಗಳನ್ನು ತೆರವುಗೊಳಿಸದಂತೆ ಒತ್ತಾಯಿಸಿ ನಗರದ ವಿದ್ಯಾರಣ್ಯ ಕಾಲೇಜು ಬಳಿಯ ಅಂಬೇಡ್ಕರ್‌ ಕಾಲೋನಿ ನಿವಾಸಿಗಳು ಪ್ರತಿಭಟನೆ ನಡೆಸಿದರು.

ಡಾ. ಅಂಬೇಡ್ಕರ್‌ ಕಾಲೋನಿಯ ಜಾಗೆ ಈ ಮೊದಲು ದೈವಜ್ಞ ಹೌಸಿಂಗ್‌ ಸೊಸೈಯಿಟಿಗೆ ಸೇರಿತು ಎಂದು ಹೇಳಲಾಗುತ್ತಿದೆ. ಕೋರ್ಟ್‌ ಕೂಡ ಈ ಸ್ಥಳವನ್ನು ದೈವಜ್ಞ ಹೌಸಿಂಗ್‌ ಸೊಸೈಯಿಟಿಗೆ ನೀಡಬೇಕೆಂದು ಕಳೆದ ಗುರುವಾರ (ಜು.18)ಆದೇಶ ನೀಡಿದೆ. ಅದೇ ಆದೇಶದ ಪ್ರತಿ ಹಿಡಿದಕೊಂಡು ಜೆಸಿಬಿ ಜತೆಗೆ ಅಂಬೇಡ್ಕರ್‌ ಕಾಲೋನಿಗೆ ಆಗಮಿಸಿದ ಕೋರ್ಟ್‌ ಬಿಲೀಫ್‌ಗಳು ಕೋರ್ಟ್‌ ಆದೇಶದ ಕುರಿತು ಸ್ವವಿವರವಾಗಿ ನಿವಾಸಿಗಳಿಗೆ ತಿಳಿಸಿದರು. ನಂತರ ಕಾಲೋನಿಯಲ್ಲಿನ ಸುಮಾರು 24 ಮನೆಗಳನ್ನು ತೆರವುಗೊಳಿಸಲು ಮುಂದಾದರು.

ಈ ವೇಳೆ ನಿವಾಸಿಗಳು ಯಾವುದೇ ಕಾರಣಕ್ಕೂ ಮನೆಗಳನ್ನು ತೆರವುಗೊಳಿಸಲು ಅನುವು ಮಾಡಿಕೊಡುವುದಿಲ್ಲ. ನಾವು 25 ರಿಂದ 30 ವರ್ಷದಿಂದ ಈ ಸ್ಥಳದಲ್ಲಿ ಜೀವನ ನಡೆಸುತ್ತಿದ್ದೇವೆ. ಈಗ ಏಕಾಏಕಿ ಆಗಮಿಸಿ ನೋಟಿಸ್‌ ನೀಡದೇ ಮನೆ ತೆರವುÜ ಮಾಡಬೇಕು ಎಂದರೆ ಹೇಗೆ? ಮಕ್ಕಳು ಸೇರಿದಂತೆ ನಮ್ಮ ಬದುಕು ಬೀದಿ ಪಾಲಾಗಲಿದೆ. ಮಕ್ಕಳ ಮುಂದಿನ ಭವಿಷ್ಯ ಜೀವನ ಗತಿ ಏನು?, ಎಂದ ಅವರು, 40 ವರ್ಷಗಳ ಹಿಂದೆ ದೇಸಾಯಿ ದೇಶಪಾಂಡೆ ಎಂಬುವವರು ನಂಬಿಕೆಯ ಆಧಾರದ ಮೇಲೆ ಈ ಜಾಗೆಯನ್ನು ದಲಿತರಿಗೆ ತಮ್ಮ ಸ್ವಂತ ಜಮೀನಿನಲ್ಲಿ ಈ ಭೂಮಿ ನೀಡಿದ್ದಾರೆ. ಆದರೆ, ಈಗಿಂದೀಗಲೇ ಮನೆ ತೆರವುಗೊಳಿಸಿ ಎಂದರೆ ಮುಂದೆ ಜೀವನ ನಡೆಸುವುದು ಕಷ್ಟವಾಗಲಿದೆ ಎಂದು ತಮ್ಮ ಅಳಲು ತೋಡಿಕೊಂಡರು.

ಆದರೆ, ಇದಕ್ಕೆ ಜಗ್ಗದ ಕೋರ್ಟ್‌ ಬಿಲೀಫ್‌ಗಳು, ಕೋರ್ಟ್‌ ಆದೇಶವನ್ನು ಎಲ್ಲರೂ ಪಾಲಿಸಬೇಕು. ಮನೆಗಳಲ್ಲಿನ ವಸ್ತುಗಳನ್ನು ತೆಗೆದುಕೊಳ್ಳಲು ಒಂದು ಗಂಟೆ ಅವಕಾಶ ನೀಡಲಾಗುವುದು. ನಂತರ ತೆರವುಗೊಳಸುತ್ತೇವೆ ಎಂದಾಗ ರೊಚ್ಚಿಗೆದ್ದ ನಿವಾಸಿಗಳು ಕೋರ್ಟ್‌ ಬಿಲೀಫ್‌ಗಳನ್ನು ತರಾಟೆಗೆ ತೆಗೆದುಕೊಂಡರು. ಈ ಹೊತ್ತಿನಲ್ಲಿ ಬಿಗುವಿನ ವಾತವರಣ ಕೂಡ ನಿರ್ಮಾಣವಾಯಿತು. ಈ ವಿಚಾರ ತಿಳಿದು ಸ್ಥಳಕ್ಕಾಗಮಿಸಿದ ಪೊಲೀಸ್‌ರು, ರಕ್ಷ ಣೆ ಇಲ್ಲದೇ ಕಾರ್ಯಚರಣೆಗೆ ಮುಂದಾಗಬೇಡಿ. ಇದರಿಂದ ಅನಾಹುತಗಳು ನಡೆಯುವ ಸಂಭವವಿರುತ್ತದೆ ಹೀಗಾಗಿ ಪೊಲೀಸ್‌ರ ರಕ್ಷ ಣೆಯೊಂದಿಗೆ ಕಾರ್ಯಚರಣೆ ಆರಂಭಿಸಿ ಎಂದು ಸಲಹೆ ನೀಡಿದರು. ಆ ಬಳಿಕ ಪೊಲೀಸ್‌ರ ಸಲಹೆ ನಿವಾಸಿಗಳ ಆಗ್ರಹದಿಂದ ತೆರವು ಕಾರ್ಯಚರಣೆ ಮುಂದೂಡಲಾಯಿತು. ಅಲ್ಲದೇ ತೆರವು ಕಾರ್ಯಚರಣೆಗೆ ಪೊಲೀಸರ್‌ ರಕ್ಷ ಣೆ ಒದಗಿಸುವ ಕುರಿತು ಕೋರ್ಟ್‌ ಜು.24ರ ಆದೇಶ ನೀಡಬಹುದು. ಅಲ್ಲಿಯವರೆಗೆ ನಿವಾಸಿಗಳು ಸ್ಥಳಾಂತರಗೊಳ್ಳಬೇಕು ಎಂದು ಕೋರ್ಟ್‌ ಬಿಲೀಫ್‌ಗಳು ತಿಳಿಸಿದ್ದಾರೆ.