ಕಾರ್ಯಾಧ್ಯಕ್ಷ ಸ್ಥಾನಕ್ಕೆ ಕಿತ್ತೂರ ರಾಜೀನಾಮೆ

ಹುಬ್ಬಳ್ಳಿ : ಧಾರವಾಡ ಮಹಾನಗರ ಜಿಲ್ಲಾ ಕಾರ್ಯಾಧ್ಯಕ್ಷ ಸ್ಥಾನಕ್ಕೆ ಪಾಲಿಕೆ ಸದಸ್ಯ ಅಲ್ತಾಫನವಾಜ್‌ ಕಿತ್ತೂರ ಶುಕ್ರವಾರ ರಾಜೀನಾಮೆ ನೀಡಿದ್ದಾರೆ.

ಜೆಡಿಎಸ್‌ ಪಕ್ಷದ ವರಿಷ್ಠರು ಸರಿಯಾದ ಸಮಯಕ್ಕೆ ನನಗೆ ಟಿಕೆಟ್‌ ನೀಡದೇ ತೊಂದರೆ ಕೊಟ್ಟರು. ಕ್ಷೇತ್ರದಲ್ಲಿ 2 ಲಕ್ಷಕ್ಕೂ ಹೆಚ್ಚು ಮತದಾರರನ್ನು ಸಮಕ್ಷಮ ಭೇಟಿ ಮಾಡಿ ಮತಯಾಚಿಸಿದ್ದೆ. ಪಕ್ಷಕ್ಕಾಗಿ ನಿಷ್ಠಾವಂತನಾಗಿ ದುಡಿದೇ ಆದರೂ ಕೊನೆಯ ಕ್ಷಣದಲ್ಲಿ ಇಬ್ಬರಿಗೆ ಬಿ ಫಾರ್ಮ್‌ ನೀಡಿ ಗೊಂದಲ ಸೃಷ್ಟಿಸಿದರು. ನಾನು ನಾಮಪತ್ರ ಸಲ್ಲಿಸುವಾಗ, ಪ್ರಚಾರ ಮಾಡುವಾಗ ಪಕ್ಷದ ಸ್ಥಳೀಯ ನಾಯಕರು ಕೈಜೋಡಿಸಲಿಲ್ಲ ಹಾಗೂ ಪ್ರಚಾರಕ್ಕೆ ಕಡಿಮೆ ಸಮಯ ಇದಿದ್ದರಿಂದ ಬೇಸರವಾಯಿತು. ಆದ್ದರಿಂದ ಜೆಡಿಎಸ್‌ ಕಾರ್ಯಾಧ್ಯಕ್ಷ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದೇನೆ ಎಂದು ಕಿತ್ತೂರ ಸ್ಪಷ್ಟಪಡಿಸಿದ್ದಾರೆ.