‘ರಜೆ ಅವಧಿ ಕಡಿತ ಆದೇಶ ಹಿಂಪಡೆಯಿರಿ’

ಧಾರವಾಡ : ಕಳೆದ ಎರಡು ವರ್ಷಗಳಿಂದ ಪದವಿ ಪೂರ್ವ ಶಿಕ್ಷ ಣ ಇಲಾಖೆ ಬೇಸಿಗೆ ರಜಾ ಅವಧಿಯನ್ನು ಹಿಂದಿಗಿಂತ 14 ದಿನ ಕಡಿಮೆಗೊಳಿಸಿ ಮೇ 2ರಿಂದಲೇ ಕಾಲೇಜು ಪುನಾರಂಭಿಸಲು ಹೊರಡಿಸಿರುವ ಆದೇಶ ಅವೈಜ್ಞಾನಿಕವಾಗಿದ್ದು, ಆದೇಶ ಹಿಂಪಡೆಯಬೇಕು ಎಂದು ವಿಧಾನ ಪರಿಷತ್‌ ಸದಸ್ಯ ಎಸ್‌.ವಿ. ಸಂಕನೂರ ಮುಖ್ಯಮಂತ್ರಿಗಳನ್ನು ಒತ್ತಾಯಿಸಿದ್ದಾರೆ.

ಈ ಹಿನ್ನೆಲೆಯಲ್ಲಿ ಪದವೀಧರ ಮತ್ತು ಶಿಕ್ಷ ಕರ ಮತಕ್ಷೇತ್ರದಿಂದ ಆಯ್ಕೆಯಾದ ವಿಧಾನ ಪರಿಷತ್‌ ಸದಸ್ಯರುಗಳನ್ನು ಹಾಗೂ ಪದವಿ ಪೂರ್ವ ನೌಕರರ ಸಂಘಟನೆಯವರೊಂದಿಗೆ ಮುಖ್ಯಮಂತ್ರಿಗಳು ಚರ್ಚೆ ನಡೆಸಬೇಕು. ಇದಕ್ಕೆ ಸಭೆ ನಿಗದಿಗೊಳಿಸುವಂತೆ ಸಂಕನೂರ ಅವರು ಸಿಎಂಗೆ ಬರೆದ ಪತ್ರದಲ್ಲಿ ತಿಳಿಸಿದ್ದಾರೆ.