ಹುಬ್ಬಳ್ಳಿ: ವಾಹನ ಸವಾರರೇ ಹುಷಾರ್.. ಹೆಲ್ಮೆಟ್ ಹಾಕದೆ ಸಂಚರಿಸಿದೆ ಬೀಳುತ್ತೆ ಸಾವಿರಾರು ರೂಪಾಯಿ ದಂಡ.. ಹುಬ್ಬಳ್ಳಿಯಲ್ಲಿ ಬೈಕ್ ಸವಾರನಿಗೆ ಬಿದ್ದ ದಂಡ ಕೇಳಿದ್ರೆ ನೀವೇ ಬೆಚ್ಚಿ ಬೀಳ್ತೀರಾ! ಹೌದು, ಬರೀ ಹೆಲ್ಮೆಟ್ ಹಾಕದೇ ಅಡ್ಡಾಡ್ತಿದ್ದ ಸವಾರನಿಗೆ ಬಿದ್ದಿದೆ ಬರೋಬ್ಬರಿ 17,500 ರೂಪಾಯಿ ದಂಡ. ಈ ಪರಿ ದಂಡ ಬಿದ್ದಿರೋದಕ್ಕೆ ಬೆಚ್ಚಿ ಬಿದ್ದ ಸವಾರ ತನ್ನ ಬೈಕ್ ನ್ನೇ ಟ್ರಾಫಿಕ್ ಪೊಲೀಸರಿಗೆ ಒಪ್ಪಿಸಿ ಹೊರಟು ಹೋಗಿದ್ದಾನೆ.
ಇತ್ತೀಚಿನ ವರ್ಷಗಳಲ್ಲಿ ಸರ್ಕಾರದ ಆದೇಶದಂತೆ ಟ್ರಾಫಿಕ್ ನಿಯಮ ಉಲ್ಲಂಘಿಸುವವರಿಗೆ ದೊಡ್ಡ ಪ್ರಮಾಣದ ದಂಡ ವಿಧಿಸಲಾಗುತ್ತಿದೆ. ಹೆಲ್ಮೆಟ್ ಹಾಕದಿರೋದು, ಸಿಗ್ನಲ್ ಜಂಪ್, ಓವರ್ ಸ್ಪೀಡ್, ತ್ರಿಬಲ್ ರೈಡಿಂಗ್, ಡ್ರಂಕ್ & ಡ್ರೈವ್ ಹೀಗೆ ದಂಡದ ವಿಧಾನಗಳ ದೊಡ್ಡ ಪಟ್ಟಿಯೇ ಇದೆ. ಬಹಳಷ್ಟು ಜನ ರಸ್ತೆಯಲ್ಲಿ ಸಂಚಾರಿ ಪೊಲೀಸರು ಕಾಣದೇ ಇದ್ದಲ್ಲಿ ತಾವು ಬಚಾವ್ ಆದೆವು ಅಂತ ಹೋಗ್ತಾ ಇರ್ತಾರೆ. ಆದ್ರೆ ಹಾಗೆ ಹೋದ್ರೂ ಸಿಸಿ ಕ್ಯಾಮರಾ ಕಣ್ಗಾವಲಿನಿಂದ ತಪ್ಪಿಸಿಕೊಳ್ಳೋಕೆ ಸಾಧ್ಯವಿಲ್ಲ ಅನ್ನೋದಕ್ಕೆ ವಾಣಿಜ್ಯ ನಗರೀ ಹುಬ್ಬಳ್ಳಿಯಲ್ಲಿ ನಡೆದ ಘಟನೆಯೇ ಸಾಕ್ಷಿಯಾಗಿದೆ.
ಹೀಗೆ, ಹೆಲ್ಮೆಟ್ ಹಾಕದೆ ಪದೇ ಪದೇ ಟ್ರಾಫಿಕ್ ರೂಲ್ಸ್ ಬ್ರೇಕ್ ಮಾಡಿ ಅಡ್ಡಾಡುತ್ತಿದ್ದವರಿಗೆ ಸಂಚಾರಿ ಪೊಲೀಸರಿಂದ ದೊಡ್ಡ ದಂಡವೇ ಬಿದ್ದಿದೆ. ಇನ್ನು ಪೊಲೀಸರ ಬಲೆಗೆ ಬಿದ್ದು, ದೊಡ್ಡ ದಂಡದ ಲಿಸ್ಟ್ ತೆಗೆದುಕೊಂಡಾತನನ್ನು ಹುಬ್ಬಳ್ಳಿಯ ಮಹ್ಮದ್ ರಫೀಕ್ ಗುಡಗೇರಿ ಎಂದು ಗುರುತಿಸಲಾಗಿದೆ. ಈತ ಒಂದಲ್ಲ, ಎರಡಲ್ಲ, ಬರೋಬ್ಬರಿ 23 ಬಾರಿ ಸಂಚಾರ ನಿಯಮಗಳನ್ನು ಉಲ್ಲಂಘಿಸಿದ್ದಾನೆ. ಅದರ ಪರಿಣಾಮ ಶುಕ್ರವಾರ (ನವೆಂಬರ್‌ 25) ಈತನಿಗೆ 17,500 ಸಾವಿರ ರೂ. ದಂಡ ಪಾವತಿಸುವಂತೆ ಸೂಚಿಸಲಾಗಿದೆ.
2017ರಿಂದಲೂ ಸಂಚಾರಿ ನಿಯಮ ಉಲ್ಲಂಘನೆ!
2017 ರಿಂದಲೂ ಈತ ನಗರದ ವಿವಿಧೆಡೆ ಹೆಲ್ಮೆಟ್ ಹಾಕದೆ ಸಂಚರಿಸಿದ್ದಾನೆ. ಆತನ ದುರದೃಷ್ಟವೋ ಏನೋ ಗೊತ್ತಿಲ್ಲ ಶುಕ್ರವಾರ ಹುಬ್ಬಳ್ಳಿ ಉತ್ತರ ಸಂಚಾರಿ ಠಾಣೆ ಪೊಲೀಸರ ಕಣ್ಣಿಗೆ ಬಿದ್ದಿದ್ದಾನೆ. ಈತನ ಬೈಕ್ ನಂಬರ್ ಎಂಟ್ರಿ ಮಾಡುತ್ತಿದ್ದಂತೆಯೇ ದಂಡದ ದೊಡ್ಡ ಪಟ್ಟಿಯೇ ಹೊರಬಿದ್ದಿದೆ. ಎಎಸ್ಐ ರಮಜಾನಭಿ ಅಳಗಡವಾಡಿ ಮತ್ತು ಕಾನಸ್ಟೇಬಲ್ ಸಂತೋಷ ಚವ್ಹಾಣ್ ಬೈಕ್ ಸವಾರನನ್ನು ತಡೆದು ದಂಡದ ಲಿಸ್ಟ್ ಕೊಟ್ಟಿದ್ದಾರೆ.
ದುಡ್ಡು ಕಟ್ಟಲು ಆಗದೇ ಬೈಕ್ ಬಿಟ್ಟು ಹೋದ ಯುವಕ
ನಂತರ ದಂಡದ ದೊಡ್ಡ ಪಟ್ಟಿ ನೋಡುತ್ತಿದ್ದಂತೆ ಶಾಕ್ ಆದ ಬೈಕ್ ಸವಾರ, ಅಷ್ಟೊಂದು ದುಡ್ಡು ನನ್ನ ಬಳಿ ಇಲ್ಲ. ಬೈಕ್ ನ್ನು ನೀವೇ ಇಟ್ಟುಕೊಳ್ಳಿ ಅಂತ ಟ್ರಾಫಿಕ್ ಪೊಲೀಸರಿಗೆ ಕೊಟ್ಟು ಹೊರಟು ಹೋಗಿದ್ದಾನೆ. ಸದ್ಯ ದಂಡದ ಬದಲಿಗೆ ಬೈಕ್ ತೆಗೆದುಕೊಂಡು ಬಂದಿರೋ ಪೊಲೀಸರು ಸಂಚಾರಿ ಠಾಣೆಯಲ್ಲಿ ಅದನ್ನು ಭದ್ರವಾಗಿ ಇಟ್ಟಿದ್ದಾರೆ. ಈ ಘಟನೆ ಹುಬ್ಬಳ್ಳಿ-ಧಾರವಾಡದಲ್ಲಿ ಟ್ರಾಫಿಕ್ ನಿಯಮ ಉಲ್ಲಂಘಿಸುವ ಬೈಕ್ ಸವಾರರನ್ನು ಬೆಚ್ಚಿ ಬೀಳಿಸಿದೆ.
ಇತ್ತೀಚಿನ ವರ್ಷಗಳಲ್ಲಿ ಸರ್ಕಾರದ ಆದೇಶದಂತೆ ಟ್ರಾಫಿಕ್ ನಿಯಮ ಉಲ್ಲಂಘಿಸುವವರಿಗೆ ದೊಡ್ಡ ಪ್ರಮಾಣದ ದಂಡ ವಿಧಿಸಲಾಗುತ್ತಿದೆ. ಹೆಲ್ಮೆಟ್ ಹಾಕದಿರೋದು, ಸಿಗ್ನಲ್ ಜಂಪ್, ಓವರ್ ಸ್ಪೀಡ್, ತ್ರಿಬಲ್ ರೈಡಿಂಗ್, ಡ್ರಂಕ್ & ಡ್ರೈವ್ ಹೀಗೆ ದಂಡದ ವಿಧಾನಗಳ ದೊಡ್ಡ ಪಟ್ಟಿಯೇ ಇದೆ. ಬಹಳಷ್ಟು ಜನ ರಸ್ತೆಯಲ್ಲಿ ಸಂಚಾರಿ ಪೊಲೀಸರು ಕಾಣದೇ ಇದ್ದಲ್ಲಿ ತಾವು ಬಚಾವ್ ಆದೆವು ಅಂತ ಹೋಗ್ತಾ ಇರ್ತಾರೆ. ಆದ್ರೆ ಹಾಗೆ ಹೋದ್ರೂ ಸಿಸಿ ಕ್ಯಾಮರಾ ಕಣ್ಗಾವಲಿನಿಂದ ತಪ್ಪಿಸಿಕೊಳ್ಳೋಕೆ ಸಾಧ್ಯವಿಲ್ಲ ಅನ್ನೋದಕ್ಕೆ ವಾಣಿಜ್ಯ ನಗರೀ ಹುಬ್ಬಳ್ಳಿಯಲ್ಲಿ ನಡೆದ ಘಟನೆಯೇ ಸಾಕ್ಷಿಯಾಗಿದೆ.
ಹೀಗೆ, ಹೆಲ್ಮೆಟ್ ಹಾಕದೆ ಪದೇ ಪದೇ ಟ್ರಾಫಿಕ್ ರೂಲ್ಸ್ ಬ್ರೇಕ್ ಮಾಡಿ ಅಡ್ಡಾಡುತ್ತಿದ್ದವರಿಗೆ ಸಂಚಾರಿ ಪೊಲೀಸರಿಂದ ದೊಡ್ಡ ದಂಡವೇ ಬಿದ್ದಿದೆ. ಇನ್ನು ಪೊಲೀಸರ ಬಲೆಗೆ ಬಿದ್ದು, ದೊಡ್ಡ ದಂಡದ ಲಿಸ್ಟ್ ತೆಗೆದುಕೊಂಡಾತನನ್ನು ಹುಬ್ಬಳ್ಳಿಯ ಮಹ್ಮದ್ ರಫೀಕ್ ಗುಡಗೇರಿ ಎಂದು ಗುರುತಿಸಲಾಗಿದೆ. ಈತ ಒಂದಲ್ಲ, ಎರಡಲ್ಲ, ಬರೋಬ್ಬರಿ 23 ಬಾರಿ ಸಂಚಾರ ನಿಯಮಗಳನ್ನು ಉಲ್ಲಂಘಿಸಿದ್ದಾನೆ. ಅದರ ಪರಿಣಾಮ ಶುಕ್ರವಾರ (ನವೆಂಬರ್‌ 25) ಈತನಿಗೆ 17,500 ಸಾವಿರ ರೂ. ದಂಡ ಪಾವತಿಸುವಂತೆ ಸೂಚಿಸಲಾಗಿದೆ.
2017ರಿಂದಲೂ ಸಂಚಾರಿ ನಿಯಮ ಉಲ್ಲಂಘನೆ!
2017 ರಿಂದಲೂ ಈತ ನಗರದ ವಿವಿಧೆಡೆ ಹೆಲ್ಮೆಟ್ ಹಾಕದೆ ಸಂಚರಿಸಿದ್ದಾನೆ. ಆತನ ದುರದೃಷ್ಟವೋ ಏನೋ ಗೊತ್ತಿಲ್ಲ ಶುಕ್ರವಾರ ಹುಬ್ಬಳ್ಳಿ ಉತ್ತರ ಸಂಚಾರಿ ಠಾಣೆ ಪೊಲೀಸರ ಕಣ್ಣಿಗೆ ಬಿದ್ದಿದ್ದಾನೆ. ಈತನ ಬೈಕ್ ನಂಬರ್ ಎಂಟ್ರಿ ಮಾಡುತ್ತಿದ್ದಂತೆಯೇ ದಂಡದ ದೊಡ್ಡ ಪಟ್ಟಿಯೇ ಹೊರಬಿದ್ದಿದೆ. ಎಎಸ್ಐ ರಮಜಾನಭಿ ಅಳಗಡವಾಡಿ ಮತ್ತು ಕಾನಸ್ಟೇಬಲ್ ಸಂತೋಷ ಚವ್ಹಾಣ್ ಬೈಕ್ ಸವಾರನನ್ನು ತಡೆದು ದಂಡದ ಲಿಸ್ಟ್ ಕೊಟ್ಟಿದ್ದಾರೆ.
ದುಡ್ಡು ಕಟ್ಟಲು ಆಗದೇ ಬೈಕ್ ಬಿಟ್ಟು ಹೋದ ಯುವಕ
ನಂತರ ದಂಡದ ದೊಡ್ಡ ಪಟ್ಟಿ ನೋಡುತ್ತಿದ್ದಂತೆ ಶಾಕ್ ಆದ ಬೈಕ್ ಸವಾರ, ಅಷ್ಟೊಂದು ದುಡ್ಡು ನನ್ನ ಬಳಿ ಇಲ್ಲ. ಬೈಕ್ ನ್ನು ನೀವೇ ಇಟ್ಟುಕೊಳ್ಳಿ ಅಂತ ಟ್ರಾಫಿಕ್ ಪೊಲೀಸರಿಗೆ ಕೊಟ್ಟು ಹೊರಟು ಹೋಗಿದ್ದಾನೆ. ಸದ್ಯ ದಂಡದ ಬದಲಿಗೆ ಬೈಕ್ ತೆಗೆದುಕೊಂಡು ಬಂದಿರೋ ಪೊಲೀಸರು ಸಂಚಾರಿ ಠಾಣೆಯಲ್ಲಿ ಅದನ್ನು ಭದ್ರವಾಗಿ ಇಟ್ಟಿದ್ದಾರೆ. ಈ ಘಟನೆ ಹುಬ್ಬಳ್ಳಿ-ಧಾರವಾಡದಲ್ಲಿ ಟ್ರಾಫಿಕ್ ನಿಯಮ ಉಲ್ಲಂಘಿಸುವ ಬೈಕ್ ಸವಾರರನ್ನು ಬೆಚ್ಚಿ ಬೀಳಿಸಿದೆ.