ಸಂಸ್ಕಾರ್‌ ಶಾಲೆ ಚಾಂಪಿಯನ್‌

ಹುಬ್ಬಳ್ಳಿ: ಡಾ.ಆರ್‌.ಬಿ.ಪಾಟೀಲ್‌ ಮಹೇಶ್‌ ಪಿಯು ಕಾಲೇಜಿನಲ್ಲಿಬುಧವಾರ ವಾರಧಿ 2.0 ಅಂತರ್‌ ಶಾಲಾ ಸ್ಪರ್ಧೆ ಏರ್ಪಡಿಸಲಾಗಿತ್ತು. ಬೇರೆ ಬೇರೆ ಶಾಲೆಗಳಿಂದ 320ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಸ್ಪರ್ಧೆಯಲ್ಲಿಭಾಗವಹಿಸಿದ್ದು ಸಂಸ್ಕಾರ ಆಂಗ್ಲಮಾಧ್ಯಮ ಶಾಲೆಯ ವಿದ್ಯಾರ್ಥಿಗಳು ಬೇರೆ ಬೇರೆ ವಿಭಾಗದಲ್ಲಿಬಹುಮಾನ ಪಡೆದು ಚಾಂಪಿಯನ್‌ ಪಟ್ಟ ಮುಡಿಗೇರಿಸಿಕೊಂಡಿದ್ದಾರೆ. ಜೀತ್‌ ಕಿ ಉಡಾನ (ಹಿಂದಿ ರಸಪ್ರಶ್ನೆ ಸ್ಪರ್ಧೆ) ಪ್ರಥಮ, ಪ್ಲೇವರ್ಸ್ಮ್‌ (ಅಡುಗೆ ಸ್ಪರ್ಧೆ) ಪ್ರಥಮ, ಮಿಲ್ಲಿಪ್ಯೂಯಸ್‌(ಹಾಡಿನ ಸ್ಪರ್ಧೆ) ದ್ವಿತೀಯ, ರಾಯಲ್‌ ರಂಬಲ್‌ ( ನಾಯಕತ್ವ ಸ್ಪರ್ಧೆ) ದ್ವಿತೀಯ ಸ್ಥಾನ ಪಡೆದಿದೆ.

ಸಂಸ್ಕಾರ ಶಾಲೆಯ ವಿದ್ಯಾರ್ಥಿಗಳು ಅಂತರ್‌ ಶಾಲಾ ಸ್ಪರ್ಧೆಯಲ್ಲಿಜನರಲ್‌ ಚಾಂಪಿಯನ್‌ಶಿಪ್‌ ಟ್ರೋಫಿ ಪಡೆದು ಶಾಲೆಗೆ ಕೀರ್ತಿ ತಂದಿದ್ದಾರೆ. ವಿದ್ಯಾರ್ಥಿಗಳ ಸಾಧನೆಗೆ ಎಲ್ಲಆಡಳಿತ ಮಂಡಳಿ ಸದಸ್ಯರು ಹಾಗೂ ಶಿಕ್ಷಕರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ ಎಂದು ಪ್ರಾಂಶುಪಾಲರಾದ ನೈನಾ ಪಿ.ಸಿ ತಿಳಿಸಿದ್ದಾರೆ.