ಕೈಮಗ್ಗ ನೇಕಾರರನ್ನು ಉಳಿಸಿ ಬೆಳೆಸಿ

ಧಾರವಾಡ : ತಾಲೂಕಿನ ಹೆಬ್ಬಳ್ಳಿಯ ಖಾದಿ ಕೇಂದ್ರದಲ್ಲಿ ಕೈಮಗ್ಗ ಮತ್ತು ಜವಳಿ ಇಲಾಖೆ ಹಾಗೂ ತಾಲೂಕ ಹೆಬ್ಬಳ್ಳಿ ಕ್ಷೇತ್ರಿಯ ಸೇವಾಸಂಘ ಸಹಯೋಗದೊಂದಿಗೆ ಹಮ್ಮಿಕೊಂಡ 5ನೇ ರಾಷ್ಟ್ರೀಯ ಕೈಮಗ್ಗ ದಿನಾಚರಣೆ ಕಾರ್ಯಕ್ರಮ ಜರುಗಿತು.

ಉದ್ಘಾಟಿಸಿದ ಹೆಬ್ಬಳ್ಳಿ ಕ್ಷೇತ್ರದ ಜಿಲ್ಲಾ ಪಂಚಾಯಿತಿ ಸದಸ್ಯ ಚನ್ನಬಸಪ್ಪ ಬಸಪ್ಪ ಮಟ್ಟಿ ಮಾತನಾಡಿ, ಕೈಮಗ್ಗ ನೇಕಾರರಿಗೆ ಸರಕಾರದ ವಿವಿಧ ಯೋಜನೆಗಳಲ್ಲಿ ದೊರೆಯುವ ಸೌಲಭ್ಯ ಪಡೆದು ಮುಂದೆ ಬರಬೇಕು. ಇಂದಿನ ಮಾರುಕಟ್ಟೆ ಬೇಡಿಕೆಗಳಿಗನುಗುಣವಾಗಿ ಕೈಮಗ್ಗ ಉತ್ಪಾದನೆ ತಯಾರಿಸಬೇಕು. ಕೈಮಗ್ಗ ಬಟ್ಟೆ ಖರೀದಿಸಿ ಕೈಮಗ್ಗ ನೇಕಾರರನ್ನು ಉಳಿಸಿ ಬೆಳೆಸಬೇಕು ಎಂದರು.

ಕೈಮಗ್ಗ ಮತ್ತು ಜವಳಿ ಇಲಾಖೆಯ ಉಪನಿರ್ದೇಶಕ ವೀರೇಶ ಎಸ್‌. ಢವಳೆ ಮಾತನಾಡಿ, ಕೈಮಗ್ಗ ದಿನಾಚರಣೆ ಹಿನ್ನೆಲೆ ಮಹತ್ವ ಹಾಗೂ ಪ್ರಸ್ತುತ ಬೇಡಿಕೆ ಇರುವ ಕೈಮಗ್ಗ ಉತ್ಪನ್ನಗಳ ಉತ್ಪಾದನೆ ಹಾಗೂ ಮಾರಾಟಕ್ಕೆ ಸಂಬಂಧಿಸಿದಂತೆ ಮಾಹಿತಿ ನೀಡಿದರು.

ತಾಪಂ ಸದಸ್ಯ ಎಂ.ಎಂ.ಭಾವಿಕಟ್ಟಿ, ಹೆಬ್ಬಳ್ಳಿ ಗ್ರಾಪಂ ಅಧ್ಯಕ್ಷೆ ರತ್ನವ್ವಾ ಸುಣಗಾರ, ವೀರಪ್ಪ ಬೆಣಚನಮರಡಿ, ಎಂ.ಎಚ್‌. ಅಮ್ರದ ಇದ್ದರು. ಸುರೇಶ ಬನ್ನಿಗಿಡದ ನಿರೂಪಿಸಿದರು. ಜಿ.ಎಂ. ಬ್ಯಾಹಟ್ಟಿ ವಂದಿಸಿದರು.