ಕನ್ನಡ ಭಾಷೆ ಉಳಿಸಿ ಬೆಳೆಸಿ

ಧಾರವಾಡ: ಕನ್ನಡ ಭಾಷೆಯನ್ನು ಉಳಿಸಿ ಬೆಳೆಸಲು ಯುವಕರು ಶ್ರಮಿಸಬೇಕು ಎಂದು ಜಯಕರ್ನಾಟಕ ರಾಜ್ಯಪ್ರಧಾನ ಕಾರ್ಯದರ್ಶಿ ರಾಮಚಂದ್ರಯ್ಯ ಹೇಳಿದರು. ನಗರದ ಅಂಬೇಡ್ಕರ ಭವನದಲ್ಲಿ ಜಯ ಕರ್ನಾಟಕ ಸಂಘಟನೆಯ ವತಿಯಿಂದ ಕ್ರಿಸ್‌ಮಸ್‌ ಹಬ್ಬದ ನಿಮಿತ್ತ ನಾನಾ ಕ್ಷೇತ್ರದಲ್ಲಿ ಸಾಧನೆ ಮಾಡಿದ ಸಾಧಕರಿಗೆ ಸನ್ಮಾನ ಹಾಗೂ ಅನಾಥ ಮಕ್ಕಳಿಗೆ ಪುಸ್ತಕ ವಿತರಣಾ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು.

ಇದೇ ಸಂದರ್ಭದಲ್ಲಿ ಜಿಲ್ಲೆಯ ನಾದ ಝೇಂಕಾರ ಸಾಂಸ್ಕೃತಿಕ ಸಂಘದವರು ಉತ್ತರಖಂಡದಲ್ಲಿ ನಡೆಯಲಿರುವ ರಾಷ್ಟ್ರೀಯ ಯುವಜನನೋತ್ಸವ ಕಾರ್ಯಕ್ರಮಕ್ಕೆ ಆಯ್ಕೆಯಾಗಿರುವ ಯಮನಪ್ಪ ಜಾಲಗಾರ, ಫಕ್ಕೀರಪ್ಪ ಮಾಧನಭಾವಿ, ಪ್ರಮೋದಕುಮಾರ ಕೆಂಗೇರಿ, ಶ್ರೀಧರ ಭಂಜತ್ರಿ, ಶಿವಕುಮಾರ ಮಂಗಳೂರು, ರವಿ, ಪ್ರಸನ್ನ ಶಿಂಧಗಿ ಅವರನ್ನು ಸನ್ಮಾನಿಸಲಾಯಿತು.

ಈ ಸಂದರ್ಭದಲ್ಲಿ ಜಿಲ್ಲಾ ಶಹರ ಅಧ್ಯಕ್ಷ ಪವನಕುಮಾರ ಚೌಟಾ, ರಾಘವೇಂದ್ರ ಮಾ ಘಟ್ಟದ, ಮಾರುತಿ ಬಾರಕೇರ, ಶಶಿಧರ ಮೇಗೇರಿ ಉಪಸ್ಥಿತರಿದ್ದರು.