ಪ್ಲೇ ಹೋಂ ಮಗುವಿಗೆ ಲೈಂಗಿಕ ಕಿರುಕುಳ : ವೃದ್ಧನ ಬಂಧನ
ನಗರದ ಪ್ಲೇ ಹೋಂ ಒಂದರ 2 ವರ್ಷ 7 ತಿಂಗಳ ಗಂಡು ಮಗುವಿಗೆ ವೃದ್ಧನೊಬ್ಬ ಲೈಂಗಿಕ ಕಿರುಕುಳ ನೀಡಿದ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.
Vijaya Karnataka 25 Jul 2018, 7:40 am
ಧಾರವಾಡ: ನಗರದ ಪ್ಲೇ ಹೋಂ ಒಂದರ 2 ವರ್ಷ 7 ತಿಂಗಳ ಗಂಡು ಮಗುವಿಗೆ ವೃದ್ಧನೊಬ್ಬ ಲೈಂಗಿಕ ಕಿರುಕುಳ ನೀಡಿದ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.
ಧಾರವಾಡ ಮಾಳಮಡ್ಡಿ ನಿವಾಸಿ ಮನೋಹರ ಕುಲಕರ್ಣಿ (75)ಎಂಬಾತ ಈ ಕೃತ್ಯ ಎಸಗಿದ ಆರೋಪಿ. ಈತನ್ನು ಬಂಧಿಸಿರುವ ವಿದ್ಯಾಗಿರಿ ಠಾಣೆ ಪೊಲೀಸರು ಹುಬ್ಬಳ್ಳಿ ಕಿಮ್ಸ್ನಲ್ಲಿ ವೈದ್ಯಕೀಯ ಚಿಕಿತ್ಸೆಗೆ ಒಳಪಡಿಸಿದ್ದಾರೆ.
ಆರೋಪಿಯ ಮೊಮ್ಮಗ ಅನಾರೋಗ್ಯದಿಂದ ಬಳಲುತ್ತಿದ್ದ. ಆತನ ಯೋಗಕ್ಷೇಮ ವಿಚಾರಿಕೊಳ್ಳಲು ಕೋರಿಕೆ ಮೇರೆಗೆ ಶಾಲಾ ಆಡಳಿತ ಮಂಡಳಿಯು ವೃದ್ಧನಿಗೆ ಶಾಲಾ ಆವರಣದಲ್ಲಿ ಕುಳಿತುಕೊಳ್ಳಲು ಅವಕಾಶ ಮಾಡಿಕೊಡಲಾಗಿತ್ತು. ಅದರಂತೆ ಜು. 19ರಂದು ಶಾಲಾ ಆವರಣದಲ್ಲಿ ಕುಳಿತುಕೊಂಡಿದ್ದ ಈತ ಅಲ್ಲಿಯೇ ಆಟವಾಡುತ್ತಿದ್ದ ಚಿಕ್ಕ ಮಗುವನ್ನು ಪುಸಲಾಯಿಸಿ ಹತ್ತಿರ ಕರೆದು (ಮರ್ಮಾಂಗವನ್ನು ಬಾಯಲ್ಲಿ ಹಾಕಿ) ಲೈಂಗಿಕ ದೌರ್ಜನ್ಯ ಎಸಗಿದ್ದಾನೆ. ಈ ವಿಚಾರವನ್ನು ಮಗು ಪೋಷಕರಿಗೆ ತಿಳಿಸಿದ್ದು, ವಿಚಾರಣೆ ನಡೆಸಿದಾಗ ಆರೋಪಿಯ ಬಣ್ಣ ಬಯಲಾಗಿದೆ.
ಈ ಎಲ್ಲ ಕೃತ್ಯವೂ ಶಾಲಾ ಆವರಣದಲ್ಲಿ ಅಳವಡಿಸಿದ್ದ ಸಿಸಿ ಕ್ಯಾಮರಾದಲ್ಲಿ ಸೆರೆ ಆಗಿದೆ, ಸಿಸಿ ಟಿವಿ ಫುಟೇಜ್ ಆಧಾರದ ಮೇಲೆ ಪೋಷಕರು ನೀಡಿದ ಲಿಖಿತ ದೂರಿನ ಮೇಲೆ ಶಾಲಾ ಮುಖ್ಯಸ್ಥರೇ ವಿದ್ಯಾಗಿರಿ ಪೊಲೀಸ್ ಠಾಣೆಗೆ ದೂರು ದಾಖಲಿಸಿದ್ದಾರೆ. ಈತನ ವಿರುದ್ಧ ಪೋಸ್ಕೋ ಕಾಯ್ದೆಯಡಿ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ ಎಂದು ವಿದ್ಯಾಗಿರಿ ಠಾಣೆ ಪೊಲೀಸರು ತಿಳಿಸಿದ್ದಾರೆ.
ಧಾರವಾಡ ಮಾಳಮಡ್ಡಿ ನಿವಾಸಿ ಮನೋಹರ ಕುಲಕರ್ಣಿ (75)ಎಂಬಾತ ಈ ಕೃತ್ಯ ಎಸಗಿದ ಆರೋಪಿ. ಈತನ್ನು ಬಂಧಿಸಿರುವ ವಿದ್ಯಾಗಿರಿ ಠಾಣೆ ಪೊಲೀಸರು ಹುಬ್ಬಳ್ಳಿ ಕಿಮ್ಸ್ನಲ್ಲಿ ವೈದ್ಯಕೀಯ ಚಿಕಿತ್ಸೆಗೆ ಒಳಪಡಿಸಿದ್ದಾರೆ.
ಆರೋಪಿಯ ಮೊಮ್ಮಗ ಅನಾರೋಗ್ಯದಿಂದ ಬಳಲುತ್ತಿದ್ದ. ಆತನ ಯೋಗಕ್ಷೇಮ ವಿಚಾರಿಕೊಳ್ಳಲು ಕೋರಿಕೆ ಮೇರೆಗೆ ಶಾಲಾ ಆಡಳಿತ ಮಂಡಳಿಯು ವೃದ್ಧನಿಗೆ ಶಾಲಾ ಆವರಣದಲ್ಲಿ ಕುಳಿತುಕೊಳ್ಳಲು ಅವಕಾಶ ಮಾಡಿಕೊಡಲಾಗಿತ್ತು. ಅದರಂತೆ ಜು. 19ರಂದು ಶಾಲಾ ಆವರಣದಲ್ಲಿ ಕುಳಿತುಕೊಂಡಿದ್ದ ಈತ ಅಲ್ಲಿಯೇ ಆಟವಾಡುತ್ತಿದ್ದ ಚಿಕ್ಕ ಮಗುವನ್ನು ಪುಸಲಾಯಿಸಿ ಹತ್ತಿರ ಕರೆದು (ಮರ್ಮಾಂಗವನ್ನು ಬಾಯಲ್ಲಿ ಹಾಕಿ) ಲೈಂಗಿಕ ದೌರ್ಜನ್ಯ ಎಸಗಿದ್ದಾನೆ. ಈ ವಿಚಾರವನ್ನು ಮಗು ಪೋಷಕರಿಗೆ ತಿಳಿಸಿದ್ದು, ವಿಚಾರಣೆ ನಡೆಸಿದಾಗ ಆರೋಪಿಯ ಬಣ್ಣ ಬಯಲಾಗಿದೆ.
ಈ ಎಲ್ಲ ಕೃತ್ಯವೂ ಶಾಲಾ ಆವರಣದಲ್ಲಿ ಅಳವಡಿಸಿದ್ದ ಸಿಸಿ ಕ್ಯಾಮರಾದಲ್ಲಿ ಸೆರೆ ಆಗಿದೆ, ಸಿಸಿ ಟಿವಿ ಫುಟೇಜ್ ಆಧಾರದ ಮೇಲೆ ಪೋಷಕರು ನೀಡಿದ ಲಿಖಿತ ದೂರಿನ ಮೇಲೆ ಶಾಲಾ ಮುಖ್ಯಸ್ಥರೇ ವಿದ್ಯಾಗಿರಿ ಪೊಲೀಸ್ ಠಾಣೆಗೆ ದೂರು ದಾಖಲಿಸಿದ್ದಾರೆ. ಈತನ ವಿರುದ್ಧ ಪೋಸ್ಕೋ ಕಾಯ್ದೆಯಡಿ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ ಎಂದು ವಿದ್ಯಾಗಿರಿ ಠಾಣೆ ಪೊಲೀಸರು ತಿಳಿಸಿದ್ದಾರೆ.