ಬರಪರಿಹಾರ ಕಾಮಗಾರಿ ಆರಂಭಿಸಿ

ಕುಂದಗೋಳ : ಬರದಿಂದ ತತ್ತರಿಸಿದ ರೈತರು ಸಂಕಷ್ಟಕ್ಕೀಡಾಗಿದ್ದು, ಬರ ಪರಿಹಾರ ಕಾಮಗಾರಿ ಇಲ್ಲದೆ, ಬೆಳೆವಿಮೆ ಇಲ್ಲದೆ, ಕಂಗಾಲಾದ ರೈತರ ನೆರವಿಗೆ ಸರಕಾರ ಬರಬೇಕೆಂದು ಎಂದು ರೈತಮುಖಂಡ ಮಲ್ಲಿಕಾರ್ಜುನ ಕಿತ್ತೂರ ಆಗ್ರಹಿಸಿದರು.

ಪಟ್ಟಣದ ತಹಸೀಲ್ದಾರ ಕಚೇರಿ ಮುಂದೆ ಶುಕ್ರವಾರ ರೈತಪರ ವಿವಿಧ ಬೇಡಿಕೆಗಳಿಗೆ ಆಗ್ರಹಿಸಿ ರೈತರು ಹಾಗೂ ಕೂಲಿಕಾರ್ಮಿಕರು ಪ್ರತಿಭಟನೆ ನಡೆಸಿ ತಹಸೀಲ್ದಾರ ಅವರಿಗೆ ಮನವಿ ನೀಡಿ ಮಾತನಾಡಿದರು.

ಎನ್‌ಆರ್‌ಜಿ ಯೋಜನೆಯಡಿ ತಾಲೂಕಿನ ಪ್ರತಿ ಗ್ರಾಮದಲ್ಲೂ ಬರ ಪರಿಹಾರ ಕಾಮಗಾರಿ ಆರಂಭಿಸಬೇಕು. ರೈತರಿಗೆ ಕೂಡಲೇ ಬೆಳೆಪರಿಹಾರ ಒದಗಿಸಬೇಕು, ಬೆಳೆವಿಮೆ ಬೇಗ ಬಿಡುಗಡೆ ಮಾಡಬೇಕು, ಜಿ.ಪಂ ವ್ಯಾಪ್ತಿಯಡಿ ಮೇವು ಬ್ಯಾಂಕ್‌ ತೆರೆಯಬೇಕು, ಸರಿಯಾಗಿ ಕುಡಿಯುವ ನೀರು ಸಿಗುವಂತೆ ನೋಡಿಕೊಳ್ಳಬೇಕು, ಸಾಲಮನ್ನಾ ದೃಢೀಕರಣ ಪತ್ರ ನೀಡಿ-ಮರುಸಾಲ ನೀಡುವಂತಾಗಬೇಕು, ಬೆಳೆವಿಮೆ ತಾರತಮ್ಯ ಹೋಗಲಾಡಿಸಬೇಕು ಎಂದು ಸರಕಾರವನ್ನು ಒತ್ತಾಯಿಸಿದರು.

ವೈ.ಎನ್‌.ಪಾಟೀಲ, ಚಂದ್ರಶೇಖರ ಸೌದತ್ತಿ, ದೇವಪ್ಪ ಇಚ್ಚಂಗಿ, ವಾದಿರಾಜ ಕುಲಕರ್ಣಿ, ಶೇಖಪ್ಪ ಕಂಬಳಿ, ರವಿ ಯರಗುಪ್ಪಿ, ಗಂಗಪ್ಪ ಸಂಶಿ, ಶಂಕ್ರಪ್ಪ ನರಗುಂದ, ಚನಬಸಪ್ಪ ತಟ್ಟಿತೆಲಿ, ಈರಯ್ಯ ಹಿರೇಮಠ, ನಿಂಗಪ್ಪ ಪೂಜಾರ, ತೋಟಪ್ಪಗೌಡ ಪಾಟೀಲ, ನಾಗಪ್ಪ ಕಮ್ಮಾರ, ಶಿವರಾಜ ಖನೋಜ, ರಾಮಣ್ಣ ಅರ್ಣಣಿಗೇರಿ, ವೀರಪ್ಪ ಮಾರಡಗಿ, ವೆಂಕರಡ್ಡಿ ಇಟಗಿ, ರಮೇಶ ಸಂಶಿ ಸೇರಿದಂತೆ ನೂರಾರು ರೈತರು ಹಾಗೂ ರೈತಕಾರ್ಮಿಕರಿದ್ದರು.