ರಾಜ್ಯ ಜಾಹೀರಾತು ನೀತಿ ಪರಿಷ್ಕರಣೆ, ಸಲಹೆ ಆಹ್ವಾನ

ಹುಬ್ಬಳ್ಳಿ : ರಾಜ್ಯದ ಜಾಹೀರಾತು ನೀತಿ- 2013 ಅನುಷ್ಠಾನ ನಿಯಮಗಳು 2014 ಜಾರಿಗೆ ಬಂದು ಐದು ವರ್ಷಗಳು ಪೂರ್ಣಗೊಳ್ಳುತ್ತಿರುವ ಹಿನ್ನೆಲೆಯಲ್ಲಿನಿಯಮಗಳನ್ನು ಪರಿಷ್ಕರಿಸಲು ಯೋಜಿಸಲಾಗಿದೆ.

ಆದ ಕಾರಣ, ಜಾಹೀರಾತು ನೀತಿ-2013 ಅನುಷ್ಠಾನ ನಿಯಮಗಳು 2014 ರ ಪರಿಷ್ಕರಣೆ ಸಂಬಂಧ ರಾಜ್ಯದಲ್ಲಿರುವ ಪತ್ರಿಕಾ ಸಂಘಟನೆಗಳಿಂದ ಸಲಹೆಗಳನ್ನು ಆಹ್ವಾನಿಸಲಾಗಿದೆ.

ಜಾಹೀರಾತು ಅನುಷ್ಠಾನ ನಿಯಮಗಳ ಪರಿಷ್ಕರಣೆ ಸಂಬಂಧ ಸಲಹೆಗಳನ್ನು ಲಿಖಿತವಾಗಿ ಆಯುಕ್ತರು, ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆ, ವಾರ್ತಾ ಸೌಧ, ಸಂಖ್ಯೆ: 17 ಭಗವಾನ್‌ ಮಹಾವೀರ ರಸ್ತೆ, (ಇನ್ಫೆಂಟ್ರಿ ರಸ್ತೆ) ಬೆಂಗಳೂರು- 560 001 ಅವರಿಗೆ ಸೆ.30 ರೊಳಗಾಗಿ ಖುದ್ದಾಗಿ ಅಥವಾ ಅಂಚೆ ಮೂಲಕ ಸಲ್ಲಿಸಬಹುದು ಎಂದು ಅಧಿಕೃತ ಪ್ರಕಟಣೆ ತಿಳಿಸಿದೆ.