ಹೆಚ್ಚುವರಿ ಠಾಣೆಗೆ ಪ್ರಸ್ತಾವ ಸಲ್ಲಿಕೆ

ಧಾರವಾಡ: ಹೆಚ್ಚುವರಿ ಠಾಣೆಗಳಿಗಾಗಿ ಸರಕಾರಕ್ಕೆ ಪ್ರಸ್ತಾವನೆ ಸಲ್ಲಿಸಲಾಗಿದೆ ಎಂದು ಹು-ಧಾ ಮಹಾನಗರ ಪೊಲೀಸ್‌ ಆಯುಕ್ತ ಆರ್‌. ದಿಲೀಪ್‌ ಹೇಳಿದರು.
ಮಂಗಳವಾರ ಸುದ್ದಿಗೋಷ್ಠಿಯಲ್ಲಿಮಾತನಾಡಿದ ಅವರು, ಹುಬ್ಬಳ್ಳಿ-ಧಾರವಾಡ ವರ್ಷದಿಂದ ವರ್ಷಕ್ಕೆ ಬೆಳೆಯುತ್ತಿರುವ ಅವಳಿ ನಗರವಾಗಿದೆ. ಹೀಗಾಗಿ ಸಿಬ್ಬಂದಿ ಜತೆಗೆ ಪೊಲೀಸ್‌ ಠಾಣೆಗಳು ಕೂಡಾ ಹೆಚ್ಚಾಗಬೇಕಾಗಿದೆ ಎಂದರು.

ಮದು ಸೇವಿಸಿ ವಾಹನ ಚಲಾಯಿಸುವವರಿಗೆ ದಂಡ ಹಾಕುತ್ತಾ ಬರಲಾಗುತ್ತಿದೆ. ಹೀಗಾಗಿ ದಂಡ ಕಟ್ಟದ ವಾಹನಗಳನ್ನು ವಶಕ್ಕೆ ಪಡೆದುಕೊಳ್ಳಲಾಗಿದೆ. ನ್ಯಾಯಾಲಯದ ಮೂಲಕ ವಾಹನ ಮಾಲೀಕರು ದಂಡಕಟ್ಟಿ ವಾಹನ ತೆಗೆದುಕೊಂಡು ಹೋಗಬೇಕು. ಒಂದು ವೇಳೆ ವಿಳಂಬವಾದಲ್ಲಿಮುಂದೆ ನ್ಯಾಯಾಲಯದ ಆದೇಶದ ಮೂಲಕ ಮಾಲೀಕರಿಗೆ ನೋಟಿಸ್‌ ಜಾರಿ ಮಾಡಿ ವಾಹನಗಳನ್ನು ಹರಾಜು ಮಾಡಲಾಗುವುದು ಎಂದು ತಿಳಿಸಿದರು.

ಯಾವುದೇ ಪ್ರಕರಣ ದಾಖಲಿಸಲು ಸಾರ್ವಜನಿಕರಿಗೆ ಅವಕಾಶವಿದೆ. ಯಾವುದೇ ರೀತಿ ವಿಳಂಬ ಧೋರಣೆ ಇಲ್ಲ. ಅಂತಹ ಪ್ರಕರಣಗಳು ಇದ್ದರೆ ನೋಡಿ ಪರಿಶೀಲಿಸಲಾಗುವುದು ಎಂದು ಮಾಹಿತಿ ನೀಡಿದ ಅವರು, ಮದ್ಯ ಹೆಚ್ಚು ಮಾರಾಟ ಮಾಡವುಂತೆ ಎಂಎಸ್‌ಐಎಲ್‌ಗಳಿಗೆ ಗುರಿ ನೀಡಬಾರದು ಎಂದು ಪ್ರಶ್ನೆಗೆ ಉತ್ತರಿಸಿದರು. ಎಸಿಪಿ ಎಂ.ಎನ್‌. ರುದ್ರಪ್ಪ ಸೇರಿದಂತೆ ನಗರದ ಪೊಲೀಸ್‌ ಠಾಣೆಗಳ ಇನ್ಸಪೆಕ್ಟರ್‌ಗಳು ಇದ್ದರು.