ಸತತ ಅಧ್ಯಯನದಿಂದ ಯಶಸ್ಸು

ಧಾರವಾಡ: ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿಯಶಸ್ಸು ಸಾಧಿಸಲು ಸತತ ಅಧ್ಯಯನ ಅಗತ್ಯ ಎಂದು ಎಸಿಪಿ ಎಂ.ಎನ್‌. ರುದ್ರಪ್ಪ ಹೇಳಿದರು.
ಕ್ಲಾಸಿಕ್‌ ಶೈಕ್ಷಣಿಕ ಮತ್ತು ಸಾಂಸ್ಕೃತಿಕ ಅಭಿವೃದ್ಧಿ ಸಂಸ್ಥೆಯ ಕ್ಲಾಸಿಕ್‌ ಪದವಿ ಮಹಾವಿದ್ಯಾಲಯದಲ್ಲಿಬಿಎ, ಬಿಕಾಂ ಮತ್ತು ಬಿಎಸ್ಸಿ ವಿದ್ಯಾರ್ಥಿಗಳಿಗೆ ಆಯೋಜಿಸಿದ್ದ ಸ್ಪರ್ಧಾತ್ಮಕ ಪರೀಕ್ಷಾ ತರಬೇತಿ ಕಾರ್ಯಾಗಾರ ಉದ್ಘಾಟಿಸಿ ಮಾತನಾಡಿದರು.

ವಿದ್ಯಾರ್ಥಿಗಳು ಎಲ್ಲಮೂಲಗಳಿಂದ ಜ್ಞಾನವನ್ನು ಸಂಗ್ರಹಿಸಿಕೊಳ್ಳಬೇಕು. ಪಠ್ಯ ಮತ್ತು ಪಠ್ಯೇತರ ಚಟುವಟಿಕೆಗಳಲ್ಲಿಸಮಾನವಾಗಿ ಪಾಲ್ಗೊÙಳ್ಳಬೇಕು. ಇದರಿಂದ ಮಾನಸಿಕ ಹಾಗೂ ದೈಹಿಕ ಸಾಮರ್ಥ್ಯ ಹೆಚ್ಚಲು ಸಾಧ್ಯ ಎಂದು ಹೇಳಿದರು.

ಅಧ್ಯಕ್ಷತೆ ವಹಿಸಿದ್ದ ಕ್ಲಾಸಿಕ್‌ ಸಂಸ್ಥೆಯ ಮುಖ್ಯ ಆಡಳಿತಾತ್ಮಕ ಸಂಯೋಜಕ ಐ. ಜಿ. ಚೌಗಲಾ ಮಾತನಾಡಿ, ಮಾನವ ಸಂಪನ್ಮೂಲ ದೇಶಕ್ಕೆ ಬಹುಮೌಲ್ಯಯುತವಾಗಿರುವುದರಿಂದ ಗುಣಮಟ್ಟದ ಸೇವಾ ವರ್ಗ ಆಡಳಿತಕ್ಕೆ ಅಗತ್ಯವಿದೆ ಎಂದರು.

ಡಾ. ಆರ್‌.ವಿ. ಚಿಟಗುಪ್ಪಿ, ದೀಪಕ ಜೋಡಂಗಿ, ಕುಸುಮಾ ವೈ. ಎಸ್‌.ಪ್ರೊ. ಹೇಮಂತ ಕರ್ಜಗಿ

ಉಪಸ್ಥಿತರಿದ್ದರು. ಡಾ.ಎಂ.ವೈ.ಸಾವಂತ ಸ್ವಾಗತಿಸಿದರು. ಐಶ್ವರ್ಯ ದೊಡಮನಿ ಪ್ರಾರ್ಥಿಸಿದರು. ಬಸವರಾಜ ಕುಪ್ಪಸಗೌಡ್ರ ನಿರೂಪಿಸಿದರು. ಪ್ರೊ.ವಿ.ಎಂ. ಕಾಲಾಳದ ವಂದಿಸಿದರು.