ಹೆಲ್ದಿ ಬೇಬಿಗಳ ಸ್ವೀಟ್‌ಸ್ಮೈಲ್‌

ಹುಬ್ಬಳ್ಳಿ: ವಿಕ ಕ್ಲಬ್‌ ಹಾಗೂ ಜಸ್ಟ್‌ ಫಾರ್‌ ಕಿಡ್ಸ್‌ ಪ್ರೀ ಸ್ಕೂಲ್‌ ಸಹಯೋಗದಲ್ಲಿ'ಆರೋಗ್ಯವಂತ ಮಗು ಸ್ಪರ್ಧೆ-2019' ಭಾನುವಾರ ನಗರದ ಶಕ್ತಿ ಕಾಲೊನಿಯ ಟ್ಯಾಲೆಂಟ್‌ ಸ್ಪೋರ್ಟ್ಸ್ ಕ್ಲಬ್‌ ಸಭಾಭವನದಲ್ಲಿಜರುಗಿತು.

ಹೆಲ್ದಿ ಬೇಬಿ, ಶೈನಿ ಸ್ಕಿನ್‌ ಹಾಗೂ ಸ್ವೀಟ್‌ ಸ್ಮೈಲ್‌ ಎಂಬ ಮೂರು ವಿಭಾಗದಲ್ಲಿನಡೆದ ಗಂಡು ಮತ್ತು ಹೆಣ್ಣು ಮಗುವಿನ ಸ್ಪರ್ಧೆಯಲ್ಲಿ51 ಮಕ್ಕಳು ಪಾಲ್ಗೊಂಡಿದ್ದರು. 1 ರಿಂದ 4 ವರ್ಷದೊಳಗಿನ ಮಕ್ಕಳ ಈ ಸ್ಪರ್ಧೆಯಲ್ಲಿವಿಕ ಕ್ಲಬ್‌ ಸದಸ್ಯರು ಹಾಗೂ ಸದಸ್ಯರಲ್ಲದವರ ಮಕ್ಕಳಿಗೂ ಭಾಗವಹಿಸಲು ಅವಕಾಶ ಕಲ್ಪಿಸಲಾಗಿತ್ತು. ಸ್ಪರ್ಧೆಯಲ್ಲಿಲವಲವಿಕೆಯಿಂದ ಭಾಗವಹಿಸಿದ್ದ ಮಕ್ಕಳು ತಮ್ಮ ಸಾಮರ್ಥ್ಯವನ್ನು ಸಾಬೀತು ಪಡಿಸಿದರು. ಆರಂಭದಲ್ಲಿಮಗುವಿನ ಎತ್ತರ, ತೂಕ, ಸ್ವಚ್ಛತೆ ಹಾಗೂ ಆರೋಗ್ಯ ಸೇರಿದಂತೆ ವಿವಿಧ ತಪಾಸಣೆ ಮಾಡಲಾಯಿತು.

ಸ್ಪರ್ಧೆಗೆ ಚಾಲನೆ ನೀಡಿದ ಕಿಮ್ಸ್‌ ಆಸ್ಪತ್ರೆಯ ಶಿಶು ವೈದ್ಯೆ ಡಾ.ಪ್ರೀತಿ ಪಾಂಡುರಂಗಿ ಮಾತನಾಡಿ, ಸ್ಪರ್ಧೆಯಲ್ಲಿಸೋಲು-ಗೆಲುವು ಸಾಮಾನ್ಯವಾಗಿದ್ದು, ಪಾಲಕರು ಮತ್ತು ಮಕ್ಕಳು ಎರಡನ್ನು ಸಮನಾಗಿ ಸ್ವೀಕರಿಸಬೇಕು. ಆರೋಗ್ಯವೇ ಭಾಗ್ಯವಾಗಿದ್ದು, ಪಾಲಕರು ತಮ್ಮ ಮಕ್ಕಳ ಆರೋಗ್ಯದ ಬಗ್ಗೆ ವಿಶೇಷ ಕಾಳಜಿ ವಹಿಸಬೇಕು ಎಂದು ಸಲಹೆ ನೀಡಿದರು.

ಅತಿಥಿಯಾಗಿ ಕಿಮ್ಸ್‌ನ ಚರ್ಮರೋಗ ವೈದ್ಯೆ ಡಾ.ಕೀರ್ತಿ ಪವಾರ ಮಾತನಾಡಿ, ಮಗುವಿನ ದೇಹವು ಅತೀ ಸೂಕ್ಮವಾಗಿರುತ್ತದೆ. ಮಗುವಿಗೆ ಸಣ್ಣ-ಪುಟ್ಟ ಕಾಯಿಲೆಗಳು ಬಂದಾಗಲೂ ಸಂಬಂಧಿಸಿದ ವೈದ್ಯರನ್ನು ಸಂಪರ್ಕಿಸಿ ಉತ್ತಮ ಚಿಕಿತ್ಸೆ ಕೊಡಿಸಬೇಕು. ಮಕ್ಕಳ ಆರೋಗ್ಯವನ್ನು ಕಡೆಗಣಿಸಬಾರದು ಎಂದು ಸಲಹೆ ನೀಡಿದರು.

ಜೆ.ಕೆ.ಎಜುಕೇಶನಲ್‌ ಸೊಸೈಟಿಯ ಟ್ಯಾಲೆಂಟ್‌ ಸ್ಪೋರ್ಟ್ಸ್ ಕ್ಲಬ್‌ ಮುಖ್ಯಸ್ಥೆ ವಿದ್ಯಾ ಜಿತೂರಿ ಮಾತನಾಡಿ, ಎಲ್ಲಮಕ್ಕಳನ್ನು ಒಂದೆಡೆ ಸಮಾವೇಶಗೊಳಿಸುವ ಜತೆಗೆ ಉತ್ತಮ ಆರೋಗ್ಯದ ಬಗ್ಗೆ ಸಲಹೆ-ಸೂಚನೆ ನೀಡಲು ಈ ಸ್ಪರ್ಧೆ ವೇದಿಕೆ ಕಲ್ಪಿಸಿದೆ. ಪಾಲಕರು ಮಕ್ಕಳ ಆರೋಗ್ಯದ ಬಗ್ಗೆ ವಿಶೇಷ ಕಾಳಜಿ ವಹಿಸುವ ಜತೆಗೆ ಕ್ರೀಡೆ ಸೇರಿದಂತೆ ಇತರ ಪಠ್ಯೇತರ ಚಟುವಟಿಕೆಯಲ್ಲಿಭಾಗವಹಿಸುವಂತೆ ಪ್ರೇರೇಪಿಸಬೇಕು ಎಂದರು.

ಕಿಮ್ಸ್‌ ಚರ್ಮರೋಗ ವಿಭಾಗದ ಪ್ರಾಧ್ಯಾಪಕ ಡಾ.ಸಿದ್ದಪ್ಪ ದಂಡಿನ್ನವರ, ಜೆ.ಕೆ.ಎಜ್ಯುಕೇಶನಲ್‌ ಸೊಸೈಟಿ ಚೇರಮನ್‌ ಜಗದೀಶ ಕಲ್ಯಾಣಶೆಟ್ಟರ್‌ ಮಾತನಾಡಿದರು.

ಸ್ಪರ್ಧಾ ವಿಜೇತ ಮಕ್ಕಳು
1 ರಿಂದ 4 ವರ್ಷದೊಳಗಿನ ಹೆಲ್ದಿ ಬೇಬಿ, ಶೈನಿ ಸ್ಕಿನ್‌ ಹಾಗೂ ಸ್ವೀಟ್‌ ಸ್ಮೈಲ್‌ ಎಂಬ ಮೂರು ವಿಭಾಗದಲ್ಲಿನಡೆದ ಗಂಡು ಮತ್ತು ಹೆಣ್ಣು ಮಗುವಿನ ಸ್ಪರ್ಧೆಯಲ್ಲಿಒಟ್ಟು 17 ಮಕ್ಕಳು ಬಹುಮಾನ ಪಡೆದರು. ಸ್ಪರ್ಧೆಯ ಹೆಲ್ದಿ ಬೇಬಿಗಳಾಗಿ ಯುವರಾಜ ಹಬೀಬ್‌, ಹರ್ಷಿತಾ ಮಿಸ್ಕಿನ್‌, ತರುಣ ಗಂಗಾವತಿ, ಶ್ರೀನಿಧಿ ಮಿರ್ಜಿ, ಯುಗ ಜೈನ್‌, ಅದ್ವೀತಾ ವಾಳ್ವೇಕರ್‌. ಶೈನಿ ಸ್ಕಿನ್‌ ಸ್ಪರ್ಧೆಯಲ್ಲಿಪ್ರಣವ್‌ ಬಂಕಾಪೂರ,ನಿತ್ಯಾ ಮಹಾಲೆ, ಮೀಥ್‌ ಜೈನ್‌, ರೀಜಾ ದಲ್‌ವಾಲಾ, ಮಯಾನ್‌ ಕೆ. ಪತ್ವಾರಿ, ದಿಷಾ ದಾದೂರ ಹಾಗೂ ಸ್ವೀಟ್‌ ಸ್ಮೈಲ್‌ ವಿಭಾಗದಲ್ಲಿ ಅರೂಷ್‌ ಉಪಾಧ್ಯಾಯ, ಅನ್ವೀ ಸತ್ತೂರ,ಆಯುಷ ಕುಲಕರ್ಣಿ, ಶ್ರದ್ಧಾ ಚೌವ್ಹಾಣ, ಪರೀಧಿ ಟಿ. ವಿಜೇತರಾದರು. ಸ್ಪರ್ಧೆಯ ನಿರ್ಣಾಯಕರಾಗಿ ಕಿಮ್ಸ್‌ ಆಸ್ಪತ್ರೆಯ ಶಿಶು ವೈದ್ಯೆ ಡಾ.ಪ್ರೀತಿ ಪಾಂಡುರಂಗಿ, ಡಾ.ಕೀರ್ತಿ ಪವಾರ, ಡಾ.ಸಿದ್ದಪ್ಪ ದಂಡಿನ್ನವರ ಹಾಗೂ ವಿದ್ಯಾ ಜಿತೂರಿ ಕಾರ್ಯನಿರ್ವಹಿಸಿದರು.