ಭಯೋತ್ಪಾದಕರ ವಿರುದ್ಧ ಉಗ್ರ ಕ್ರಮ ಕೈಗೊಳ್ಳಿ

ಕುಂದಗೋಳ : ಪುಲ್ವಮಾದ ಹತ್ತಿರದಲ್ಲಿ ನಡೆದ ಪಾಕಿಸ್ತಾನ ಉಗ್ರರ ಕೃತ್ಯ ಖಂಡಿಸಿ ಕೂಡಲೇ ಅವರ ವಿರುದ್ಧ ಉಗ್ರಕ್ರಮ ಕೈಗೊಳ್ಳುವಂತೆ ರಾಜ್ಯಪಾಲರಿಗೆ ತಹಸೀಲ್ದಾರ ಬಿ.ಎಂ.ಮೆಳವಂಕಿ ಮೂಲಕ ತಾಲೂಕು ವಕೀಲರ ಸಂಘವು ಮನವಿ ಸಲ್ಲಿಸಿತು.

ಕೋರ್ಟ್‌ ಕಲಾಪಗಳಿಂದ ದೂರುಳಿದ ನ್ಯಾಯವಾದಿಗಳು ಉಗ್ರರ ಕುಕೃತ್ಯದಲ್ಲಿ ಹುತಾತ್ಮರಾದ 44 ಯೋಧರ ಆತ್ಮಕ್ಕೆ ಶಾಂತಿ ಕೋರಿ ನಂತರ ತಹಸೀಲ್ದಾರ ಕಚೇರಿಗೆ ಆಗಮಿಸಿ ಕೂಡಲೇ ಭಯೋತ್ಪಾದಕರ ದಮನಕ್ಕೆ ಕೇಂದ್ರ ಸರಕಾರ ಮುಂದಾಗಿ ಉಗ್ರರಿಗೆ ತಕ್ಕ ಪಾಠ ಕಲಿಸಬೇಕು ಎಂದು ಮನವಿಯಲ್ಲಿ ತಿಳಿಸಲಾಗಿದೆ.

ವಕೀಲರ ಸಂಘದ ಅಧ್ಯಕ್ಷ ಎಸ್‌.ಎಸ್‌.ಪಾಟೀಲ, ಕಾರ್ಯದರ್ಶಿ ವೈ.ಎಂ.ತಹಸೀಲ್ದಾರ, ಹಿರಿಯ ನ್ಯಾಯವಾದಿಗಳಾದ ಅಶೋಕ ಕ್ಯಾರಕಟ್ಟಿ, ಅಶೋಕ ಕಟಗಿ, ಜಿ.ಬಿ.ಸೊರಟೂರ, ಆರ್‌.ಎನ್‌.ಕಮತದ, ಪ್ರಕಾಶ ಸೊರಟಿ, ಮಂಜುನಾಥ ಬೂದಿಹಾಳ, ಐ.ಎಂ.ಕೋಣನವರ, ಯು.ಎಂ.ಪಾಟೀಲ, ಆರ್‌.ಬಿ.ತೊಂಡೂರ, ಪಿ.ಎಸ್‌.ಪಾಟೀಲ, ನಾರಾಯಣ ಹಂಚಾಟೆ ಇದ್ದರು.