ಪಶ್ಚಿಮ ಬಂಗಾಳದಲ್ಲಿನ ವೈದ್ಯರ ಮೇಲಿನ ದೌರ್ಜನ್ಯಕ್ಕೆ ಖಂಡನೆ

ಹುಬ್ಬಳ್ಳಿ :ಪಶ್ಚಿಮ ಬಂಗಾಳದ ಯುವ ವೈದ್ಯ ಡಾ.ಪರಿಬಾಹ ಮುಖರ್ಜಿ ಮೇಲಿನ ಹಲ್ಲೆ ಘಟನೆ ಹಾಗೂ ವೈದ್ಯರ ಮೇಲೆ ನಡೆಯುತ್ತಿರುವ ದೌರ್ಜನ್ಯ ಖಂಡಿಸಿ ಐಎಂಎ ದೇಶದ್ಯಾಂತ ಕರೆ ನೀಡಿದ ಪ್ರತಿಭಟನೆಗೆ ಬೆಂಬಲಿಸಿ ಜೂ. 17 ರಂದು ಸಾಮಾನ್ಯ ವೈದ್ಯಕೀಯ (ಒಪಿಡಿ) ಸೇವೆ ಸ್ಥಗಿತಗೊಳಿಸಲು ಐಎಂಎ ಹುಬ್ಬಳ್ಳಿ ಶಾಖೆ ನಿರ್ಧರಿಸಿದೆ.

ವೈದ್ಯರ ಮೇಲೆ ನಡೆಯುತ್ತಿರುವ ದೌರ್ಜನ್ಯಕ್ಕೆ ಕಡಿವಾಣ ಹಾಕಬೇಕು, ಆಸ್ಪತ್ರೆಗಳಿಗೆ ರಕ್ಷಣೆ ಹಾಗೂ ಭದ್ರತೆ ಒದಗಿಸಬೇಕು ಎಂದು ಒತ್ತಾಯಿಸಿ ಜೂ. 14 ರಂದು ತಹಸೀಲ್ದಾರ್‌ ಮೂಲಕ ಪಶ್ಚಿಮ ಬಂಗಾಳ ಸರಕಾರಕ್ಕೆ ಮನವಿ ಸಲ್ಲಿಸಲಾಗಿದೆ.

ಜೂ. 15 ವೈದ್ಯರು ಕಪ್ಪು ಪಟ್ಟಿ ಕಟ್ಟಿಕೊಂಡು ಮೊಂಬತ್ತಿ ಮೆರವಣಿಗೆ ಮಾಡಿ ಪ್ರತಿಭಟನೆ ನಡೆಸಲಾಗಿದೆ. ಜೂ. 16 ರಂದು ಧರಣಿ, ಶಾಂತಿ ಮೆರವಣಿಗೆ ನಡೆಸಲಿದೆ. ಜೂ. 17 ರಂದು ಹುಬ್ಬಳ್ಳಿಯ ಎಲ್ಲ ಆಸ್ಪತ್ರೆಗಳ ಸಾಮಾನ್ಯ ವೈದ್ಯಕೀಯ (ಒಪಿಡಿ) ಸೇವೆಗಳನ್ನು ಸ್ಥಗಿತಗೊಳಿಸಲಾಗುವುದು. ಆದರೆ, ತುರ್ತು ಸೇವೆಗಳು ಯತಾಸ್ಥಿತಿಯಲ್ಲಿ ಮುಂದುವರೆಲಿಯವೆ ಎಂದು ಐಎಂಎ ಹುಬ್ಬಳ್ಳಿ ಶಾಖೆ ಅಧ್ಯಕ್ಷ ಡಾ.ಅಭಯ ಮಟ್ಕರ್‌, ಪ್ರಧಾನ ಕಾರ್ಯದರ್ಶಿ ಡಾ.ಸಚಿನ್‌ ರೇವಣಕರ್‌ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.