ಕ್ರೀಡೆಯಿಂದ ಉಜ್ವಲ ಭವಿಷ್ಯ: ನಾಗಭೂಷಣ

ಧಾರವಾಡ : ಕ್ರೀಡೆಗಳಲ್ಲಿ ಹೆಚ್ಚು ಕ್ರೀಯಾಶೀಲವಾಗುವುದರಿಂದ ಕ್ರೀಡಾಪಟುಗಳ ಭವಿಷ್ಯ ಉಜ್ವಲವಾಗುತ್ತದೆ ಎಂದು ಪ್ರಾಧ್ಯಾಪಕ ಡಾ.ಎಸ್‌.ಎಂ.ನಾಗಭೂಷಣ ಹೇಳಿದರು. ನಗರದ ರಾಯಾಪೂರದ ಎಸ್‌ಜೆಎಂವಿ ಮಹಾಂತ ಕಲಾ ಹಾಗೂ ವಾಣಿಜ್ಯ ಮಹಾವಿದ್ಯಾಲಯದಲ್ಲಿ ಚಿತ್ರದುರ್ಗದ ಶ್ರೀ ಜಗದ್ಗುರು ಮುರುಘರಾಜೇಂದ್ರ ವಿದ್ಯಾಪೀಠ ಆಶ್ರಯದಲ್ಲಿ ನಡೆದ ಕರ್ನಾಟಕ ವಿಶ್ವವಿದ್ಯಾಲಯ ಪುರುಷರ ಏಕ ವಲಯ ಬಾಲ್‌ ಬ್ಯಾಡ್ಮಿಂಟನ್‌ ಪಂದ್ಯಾವಳಿಯಲ್ಲಿ ಪ್ರಶಸ್ತಿ ವಿತರಿಸಿ ಮಾತನಾಡಿದರು.

ಸಾಧಕ ಪ್ರತಿಭೆಗಳಿಗೆ ಬೆಲೆ ಕಟ್ಟಲು ಸಾಧ್ಯವಿಲ್ಲ. ಕೀರ್ತಿ ಮತ್ತು ಸ್ಪೂರ್ತಿಗಳಿಗೆ ಉತ್ತಮ ಆರೋಗ್ಯಕರ ಜೀವನ ಅಗತ್ಯ. ವಿದ್ಯಾರ್ಥಿಗಳು ಕ್ರೀಡೆಗಳಲ್ಲಿ ಭಾಗವಹಿಸಬೇಕು. ಇತ್ತಿಚೀನ ದಿನಗಳಲ್ಲಿ ಕ್ರೀಡಾ ಚಟುವಟಿಕೆಗಳಿಂದ ದೂರಳಿಯುತ್ತಿದ್ದಾರೆ ಎಂದರು.

ಡಾ.ಸಿ.ಎಂ.ಕಡಕೋಳ ಮಾತನಾಡಿ, ಸೋಲು ಗೆಲುವಿನ ಮೆಟ್ಟಿಲು ಕ್ರೀಡಾಪಟುಗಳ ಆರಂಭದಲ್ಲಿ ಸೋಲು ಅನುಭವಿಸಿದರೆ ಹತಾಶರಾಗದೇ ನಿರಂತರ ಹೆಚ್ಚು ತಾಲೀಮು ನಡೆಸಿ ಸ್ವಯಂ ಆತ್ಮ ವಿಶ್ವಾಸದಿಂದ ಮುನ್ನಡೆದರೆ ಗೆಲುವಿನ ಹಾದಿ ಸನೀಹವಾಗುತ್ತದೆ ಎಂದರು.

ಇದೇ ಸಂದರ್ಭದಲ್ಲಿ ಶಿರಸಿಯ ಎಂಇಎಸ್‌ ವಾಣಿಜ್ಯ ಕಾಲೇಜು ಪ್ರಥಮ, ಶಿರಸಿಯ ಎಂ.ಎಂ ಕಲಾ ಮತ್ತು ವಿಜ್ಞಾನ ಕಾಲೇಜು ಹಾಗೂ ಶಿಗ್ಗಾಂವಿಯ ಎಸ್‌ಆರ್‌ಜೆವಿ ಕಲಾ ಕಾಲೇಜು ದ್ವಿತೀಯ ಸ್ಥಾನ ಹಾಗೂ ವಾಣಿಜ್ಯ ಕಾಲೇಜು ತೃತೀಯ ಸ್ಥಾನ ಪ್ರಶಸ್ತಿ ಪಡೆದವು.

ಬಿ.ಜಿ.ರಕರಡ್ಡಿ, ಡಿ.ನಾಗರಾಜಪ್ಪ, ಡಾ.ಎಸ್‌.ಎಚ್‌.ಪಂಚಾಕ್ಷ ರಿ, ಪ್ರೊ.ಎಸ್‌.ಕೆ.ಕುಂದರಗಿ, ಪ್ರೊ.ಜಿ.ಸಿ.ಕಡ್ಡಿಪುಡಿ ಇದ್ದರು.