ಬಿಆರ್‌ಟಿಎಸ್‌ ಬಸ್‌ ಕಾರು ಡಿಕ್ಕಿ

ಹುಬ್ಬಳ್ಳಿ : ಭೈರಿದೇವರಕೊಪ್ಪ ಕ್ರಾಸ್‌ದಲ್ಲಿ ಸೋಮವಾರ ಕಾರು ಹಾಗೂ ಬಿಆರ್‌ಟಿಎಸ್‌ ಬಸ್‌ ಮಧ್ಯೆ ಅಪಘಾತ ಸಂಭವಿಸಿದೆ. ಇದು ಬಿಆರ್‌ಟಿಎಸ್‌ ಕಾರಿಡಾರ್‌ ಸುರಕ್ಷತೆಯ ಬಗ್ಗೆ ಪ್ರಶ್ನೆ ಮೂಡಿಸಿದೆ. ಬಿಆರ್‌ಟಿಎಸ್‌ ಕಾರಿಡಾರ್‌ ಮಧ್ಯೆ ಕ್ರಾಸಿಂಗ್‌ ಸಮಸ್ಯೆಗೆ ಇದೊಂದು ದೊಡ್ಡ ಉದಾಹರಣೆಯಾಗಿದೆ.

ಭೈರಿದೇವರಕೊಪ್ಪ ಬಸ್‌ ನಿಲ್ದಾಣದ ಬಳಿ ಕಾರ್‌ ಚಾಲಕ ರೋಡ್‌ ಕ್ರಾಸ್‌ ಮಾಡುವ ವೇಳೆ, ಬಿಆರ್‌ಟಿಎಸ್‌ ಕಾರಿಡಾರ್‌ದಲ್ಲಿ ರಭಸವಾಗಿ ಬರುತ್ತಿದ್ದ ಬಸ್‌ ಕಾರಿಗೆ ಡಿಕ್ಕಿ ಹೊಡೆದಿದೆ. ಘಟನೆಯಲ್ಲಿ ಯಾವುದೇ ಪ್ರಾಣ ಹಾನಿ ಸಂಭವಿಸಿಲ್ಲವಾದರೂ, ಕಾರ್‌ ಜಖಂಗೊಂಡಿದೆ. ಈ ಸಂಬಂಧ ಬಿಆರ್‌ಟಿಎಸ್‌ ಬಸ್‌ ಚಾಲಕ ಮತ್ತು ಕಾರ್‌ ಮಾಲೀಕರ ಮಧ್ಯೆ ವಾಗ್ವಾದ ನಡೆದಿದೆ. ನಂತರ ಸ್ಥಳಕ್ಕೆ ಧಾವಿಸಿದ ಪೊಲೀಸರು, ಬಿಆರ್‌ಟಿಎಸ್‌ ಬಸ್‌ ಚಾಲಕ ಮತ್ತು ಕಾರ್‌ ಮಾಲೀಕರನ್ನು ಠಾಣೆಗೆ ಕರೆದ್ಯೊಯ್ದಿದ್ದರು.

ಕಾರ್‌ ದುರಸ್ತಿಯ ವೆಚ್ಚ ಭರಿಸುವಂತೆ ಮಾಲೀಕರು ಪಟ್ಟು ಹಿಡಿದಿದ್ದು ರಾತ್ರಿಯಾದರೂ ಈ ಬಗ್ಗೆ ಪ್ರಕರಣ ದಾಖಲಾಗಿರಲಿಲ್ಲ. ಕಾರಿಡಾರ್‌ ನಿಷೇಧಿತ ವಲಯ ಎಂದು ಪರಿಗಣಿಸಿದರೂ ಕ್ರಾಸಿಂಗ್‌ದಲ್ಲಿ ಈ ಘಟನೆ ನಡೆದಿರುವುದರಿಂದ ಬಿಆರ್‌ಟಿಎಸ್‌ ಮತ್ತು ಪೊಲೀಸರಿಗೆ ತಲೆನೋವಾಗಿ ಪರಿಣಮಿಸಿದೆ.