ಮಿಸ್ಕಿನ್‌ ಸಹೋದರರಿಬ್ಬರ ಗಡಿಪಾರಿಗೆ ನಿರ್ಧಾರ

ಹುಬ್ಬಳ್ಳಿ : ಮಟಕಾ ಜೂಜಾಟದಲ್ಲಿ ತೊಡಗಿದ್ದ 25 ಜನ ಜೂಜುಕೋರರನ್ನು ಬಂಧಿಸಿರುವ ಶಹರ ಠಾಣೆ ಪೊಲೀಸರು, ಬಂಧಿತರಿಂದ 1.47 ಲಕ್ಷ ರೂ.ನಗದು ಹಾಗೂ ಇತರೆ ಸಾಮಗ್ರಿಗಳನ್ನು ಜಪ್ತಿ ಮಾಡಿದ್ದಾರೆ ಎಂದು ಪೊಲೀಸ್‌ ಆಯುಕ್ತ ಎಂ.ಎನ್‌. ನಾಗರಾಜ್‌ ತಿಳಿಸಿದರು.

ಗುರುವಾರ ಸುದ್ದಿಗೋಷ್ಠಿಯಲ್ಲಿ ಈ ಕುರಿತು ಮಾಹಿತಿ ನೀಡಿದ ಅವರು, ಪ್ರಕರಣಕ್ಕೆ ಸಂಬಂಧಿಸಿದಂತೆ ಹುಬ್ಬಳ್ಳಿಯ ಅಮಿತ್‌ ಮಿಸ್ಕಿನ್‌ ಸೇರಿದಂತ ಒಟ್ಟು 25 ಜನ ಜೂಜುಕೋರರನ್ನು ಬಂಧಿಸಿದ್ದಾರೆ. ಬಂಧಿತರಿಂದ 1.47 ಲಕ್ಷ ರೂ. ನಗದು, 1 ಬೈಕ್‌, 2 ಫ್ಯಾನ್‌, 2 ಪ್ಲಾಸ್ಟಿಕ್‌ ಚೇರ್‌, 2 ಪ್ಲಾಸ್ಟಿಕ್‌ ಸ್ಟೂಲ್‌, ಟೇಬಲ್‌ ಹಾಗೂ ಮಟಕಾ ಜೂಜಾಟಕ್ಕೆ ಬಳಕೆಗೆ ಮಾಡುತ್ತಿದ್ದ ಸಾಮಗ್ರಿಗಳನ್ನು ಜಪ್ತಿ ಮಾಡಲಾಗಿದೆ ಎಂದು ತಿಳಿಸಿದರು.

ಇಲ್ಲಿಯ ಬಾಕಳೆಗಲ್ಲಿ ಓಣಿಯಲ್ಲಿರುವ ಒಂದು ಹಳೆ ಮನೆಯಲ್ಲಿ ಗುರುವಾರ ಸಂಜೆ ಅಮಿತ್‌ ಹಾಗೂ ಸಹಚರರು ಮಟಕಾ ಜೂಜಾಟದಲ್ಲಿ ತೊಡಗಿಕೊಂಡಿದ್ದರು. ಈ ಬಗ್ಗೆ ಖಚಿತ ಮಾಹಿತಿ ಪಡೆದ ಶಹರ ಠಾಣೆ ಪೊಲೀಸರು ಕಾರ್ಯಾಚರಣೆ ನಡೆಸಿ ಆರೋಪಿಗಳನ್ನು ಬಂಧಿಸಿದ್ದಾರೆ ಎಂದರು.

ಇತ್ತೀಚಿಗಷ್ಟೇ ಬಂಧಿತನಾಗಿದ್ದ ಸಚಿನ್‌ ಮಿಸ್ಕಿನ್‌ ಮತ್ತವನ ಸಹೋದರ ಅಮಿತ ಮಿಸ್ಕಿನ್‌ ಮಟಕಾ ಜೂಜಾಟದ ಪ್ರಮುಖ ಆರೋಪಿಗಳಾಗಿದ್ದಾರೆ. ಹೀಗಾಗಿ ಅವರನ್ನು ಗಡಿಪಾರು ಮಾಡಬೇಕೆಂಬ ನಿರ್ಧಾ ಕೈಗೊಳ್ಳಲಾಗಿದೆ ಎಂದು ತಿಳಿಸಿದರು.

ಡಿವೈಎಸ್ಪಿ ರವಿ ಡಿ ನಾಯ್ಕ, ಪಿಐ ಗಿರೀಶ ಭೋಜನ್ನವರ, ಪಿಎಸ್‌ಐಗಳಾ ಬಿ.ಎನ್‌. ಸಾತನ್ನವರ, ಸಚೀನಕುಮಾರ ದಾಸರೆಡ್ಡಿ, ಸೀತಾರಾಮ ಎಸ್‌.ಎಲ್‌., ರಾಘವೇಂದ್ರ ಗುರ್ಲ, ಶ್ರೀಮಂತ ಹುಣಸಿಕಟ್ಟಿ ಹಾಗೂ ಸಿಬ್ಬಂದಿ ಆರ್‌.ಎಂ. ಬಗರಿ, ಎಸ್‌.ಕೆ. ಇಂಗಳಗಿ, ಎಸ್‌.ಬಿ. ಕಟ್ಟಿಮನಿ, ಪ್ರಕಾಶ ಗೋವಿಂದಪ್ಪನವರ, ಶ್ರೀನಿವಾಸ ಯರಗುಪ್ಪಿ ಸೇರಿದಂತೆ ಇತರರು ಕಾರ್ಯಾಚರಣೆ ನಡೆಸಿ ಆರೋಪಿಗಳನ್ನು ಬಂಧಿಸಿದ್ದಾರೆ.