ಖಾಸಗಿ ಆಸ್ಪತ್ರೆಯವರಿಗೆ ಶೇ.50 ಬೆಡ್‌ ನೀಡಿಲು ಜಿಲ್ಲಾಧಿಕಾರಿ ತಾಕೀತು

ಹುಬ್ಬಳ್ಳಿ : ಸರಕಾರದ ನಿರ್ದೇಶನದಂತೆ ಖಾಸಗಿ ಆಸ್ಪತ್ರೆಗಳು ಶೇ.50 ಹಾಸಿಗೆಗಳನ್ನು ಕೋವಿಡ್‌ ರೋಗಿಗಳಿಗೆ ಮೀಸಲಿಡಬೇಕು. ಖಾಸಗಿ ಆಸ್ಪತ್ರೆಗಳಿಗೆ ಜಿಲ್ಲಾಡಳಿತದಿಂದ ಅಗತ್ಯ ಸಹಾಯ ಒದಗಿಸಲಾಗುವುದು ಎಂದು ಜಿಲ್ಲಾಧಿಕಾರಿ ನಿತೇಶ್‌ ಪಾಟೀಲ್‌ ಹೇಳಿದರು.

-ಖಾಸಗಿ ಆಸ್ಪತ್ರೆಗೆ ಊಟ, ಅಗತ್ಯ ಸಿಬ್ಬಂದಿ ಜಿಲ್ಲಾಡಳಿತದಿಂದಲೇ ಪೂರೈಕೆ
-ಕ್ಯಾನ್ಸರ್‌, ಹೆರಿಗೆ ಆಸ್ಪತ್ರೆಗೆ ವಿನಾಯಿತಿ ನೀಡಲು ಆಸ್ಪತ್ರೆಯವರ ಕೋರಿಕೆ

ಅವರು ಬೈಲಪ್ಪನವರ ನಗರದ ಐಎಂಎ ಸಭಾಂಗಣದಲ್ಲಿಖಾಸಗಿ ಆಸ್ಪತ್ರೆಗಳ ಮುಖ್ಯಸ್ಥರೊಂದಿಗೆ ಭಾನುವಾರ ಸಭೆ ನಡೆಸಿದರು. ಜಿಲ್ಲೆಯಲ್ಲಿ2 ಸಾವಿರ ಕೋವಿಡ್‌-19 ಪ್ರಕರಣಗಳು ದೃಢಪಟ್ಟಿವೆ. ಯಾವುದೇ ಲಕ್ಷಣ ಇಲ್ಲದ ಎಲ್ಲರೋಗಿಗಳಿಗೆ ಜಿಲ್ಲಾಡಳಿತದಿಂದಲೇ ಕೋವಿಡ್‌ -19 ಆರೈಕೆ ಕೇಂದ್ರಗಳಲ್ಲಿಇರಿಸಿ ಚಿಕಿತ್ಸೆ ನೀಡಲಾಗುತ್ತದೆ. ಸಾರಿ ಹಾಗೂ ಐಎಲ…ಐ ಸೇರಿದಂತೆ ಇತರೆ ಗಂಭೀರ ಲಕ್ಷಣವುಳ್ಳವರನ್ನು ಕೋವಿಡ್‌ ಆಸ್ಪತ್ರೆಗಳಲ್ಲಿದಾಖಲಿಸಲಾಗುವುದು. ಕಿಮ್ಸ…, ಡಿಮ್ಹಾನ್ಸ್‌ ಹಾಗೂ ಎನ್‌ಎಂಆರ್‌ ಲ್ಯಾಬ್‌ಗಳಲ್ಲಿಮಾದರಿ ಪರೀಕ್ಷಿಸಲಾಗುತ್ತಿದೆ. ದಿನಕ್ಕೆ 1300 ಟೆಸ್ಟ್‌ ಮಾಡಲಾಗುತ್ತಿದೆ. ಬೆಳಗಾವಿ, ಹಾವೇರಿ, ಗದಗ, ಕೊಪ್ಪಳ, ಬಿಜಾಪುರ, ಬಾಗಲಕೋಟ, ದಾವಣಗೆರೆ ಹಲವು ಜಿಲ್ಲೆಗಳಿಂದ ಟೆಸ್ಟಿಗೆ ಮಾದರಿಗಳು ಬರುತ್ತವೆ. ಹೀಗಾಗಿ ಪರೀಕ್ಷಾ ವರದಿ ನೀಡುವುದು ತಡವಾಗುತ್ತದೆ. 1200 ಹಾಸಿಗೆಗಳ ಸಾಮರ್ಥ್ಯವುಳ್ಳ ಕಿಮ್ಸ…ನಲ್ಲಿ600 ಹಾಸಿಗೆಗಳನ್ನು ಕೋವಿಡ್‌ ರೋಗಿಗಳಿಗೆ ಮೀಸಲಿರಿಸಲಾಗುವುದು ಎಂದರು.

ಈಗಾಗಲೇ ಧಾರವಾಡದ ಎಸ್‌ಡಿಎಂ ಖಾಸಗಿ ಆಸ್ಪತ್ರೆಯಲ್ಲಿಸೋಂಕಿತರಿಗೆ ಚಿಕಿತ್ಸೆ ನೀಡಲಾಗುತ್ತಿದೆ. ಆಸ್ಪತ್ರೆಗೆ ಆ್ಯಂಟಿಜನ್‌ ಟೆಸ್ಟ್‌ಗಳನ್ನು ನೀಡಿದ್ದು, ಬಹುಬೇಗ ಪತ್ತೆ ಹಚ್ಚಬಹುದಾಗಿದೆ. ಹಲವು ಖಾಸಗಿ ಆಸ್ಪತ್ರೆಗಳು ಕೋವಿಡ್‌ ರೋಗಿಗಳಿಗೆ ಹಾಸಿಗೆ ನೀಡಲು ಮುಂದೆ ಬಂದಿವೆ. ಪ್ಲಾಸ್ಮಾ ಥೆರಪಿ ಚಿಕಿತ್ಸೆ ನೀಡಲು ಮುಂದೆ ಬರುವ ಖಾಸಗಿ ಆಸ್ಪತ್ರೆಗಳಿಗೆ, ಈಗಾಗಲೇ ಗುಣಮುಖರಾಗಿರುವ ಕೋವಿಡ್‌ ರೋಗಿಗಳ ಮಾಹಿತಿ ನೀಡಲಾಗುವುದು. ಯಾವುದೇ ಖಾಸಗಿ ಆಸ್ಪತ್ರೆಗಳು ಗರ್ಭಿಣಿಯರ ಕೋವಿಡ್‌ ತಪಾಸಣೆ ನಡೆಸಲು ಹಣ ತೆಗೆದುಕೊಳ್ಳಬಾರದು. ಕೋವಿಡ್‌ ರೋಗಿಗಳಿಗೆ ಚಿಕಿತ್ಸೆ ನೀಡುವ ಖಾಸಗಿ ಆಸ್ಪತ್ರೆಗಳಿಗೆ ಊಟದ ವ್ಯವಸ್ಥೆ, ಅಗತ್ಯ ಸಿಬ್ಬಂದಿಯನ್ನು ಜಿಲ್ಲಾಡಳಿತದಿಂದಲೇ ಪೂರೈಸಲಾಗುವುದು ಎಂದು ಹೇಳಿದರು.

ಕ್ಯಾನ್ಸರ್‌ ಹಾಗೂ ಹೆರಿಗೆ ಆಸ್ಪತ್ರೆಗಳಿಗೆ ಕೋವಿಡ್‌ ಚಿಕಿತ್ಸೆಯಿಂದ ವಿನಾಯಿತಿ ನೀಡಬೇಕು ಎಂದು ಖಾಸಗಿ ವೈದ್ಯರು ಜಿಲ್ಲಾಡಳಿತಕ್ಕೆ ಮನವಿ ಮಾಡಿದರು.