ಚಿಕಿತ್ಸಾ ವೆಚ್ಚ ಸರಕಾರವೇ ಭರಿಸಲು ಆಗ್ರಹ

ಧಾರವಾಡ: ಕೊರೊನಾ ಸೋಂಕಿನ ಚಿಕಿತ್ಸಾ ವೆಚ್ಚವನ್ನು ಸರಕಾರವೇ ಭರಿಸಬೇಕು ಎಂದು ಆಗ್ರಹಿಸಿ ಎಸ್‌ಯುಸಿಐ (ಕಮ್ಯುನಿಸ್ಟ್‌) ಪಕ್ಷದ ವತಿಯಿಂದ ಜಿಲ್ಲಾಧಿಕಾರಿ ಕಚೇರಿ ಎದುರು ಸೋಮವಾರ ಪ್ರತಿಭಟನೆ ಮಾಡಲಾಯಿತು.

ಈ ವೇಳೆ ಪಕ್ಷದ ಜಿಲ್ಲಾಸಮಿತಿ ಸದಸ್ಯ ಗಂಗಾಧರ ಬಡಿಗೇರ ಮಾತನಾಡಿ, ರಾಜ್ಯ ಸರಕಾರವು ಕೋವಿಡ್‌- 19 ಸಾಂಕ್ರಾಮಿಕ ಚಿಕಿತ್ಸೆಗಾಗಿ ಖಾಸಗಿ ಆಸ್ಪತ್ರೆ ಬಳಸಿಕೊಳ್ಳಲು ತೀರ್ಮಾನಿಸಿದ್ದು, ಅವುಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದೆ. ಇದರ ಪ್ರಕಾರ ಆಯುಷ್ಮಾನ್‌ ಭಾರತ್‌- ಆರೋಗ್ಯ ಕರ್ನಾಟಕ ಯೋಜನೆ ಅನ್ವಯವಾಗುವ ರೋಗಿಗಳಿಗೆ, ಪ್ರತಿ ದಿನಕ್ಕೆ ಸೌಲಭ್ಯಕ್ಕೆ ಅನುಗುಣವಾಗಿ ದರ ನಿಗದಿಪಡಿಸಲಾಗಿದೆ. ಅದೇ ರೀತಿ ಆಯುಷ್ಮಾನ್‌ ಭಾರತ್‌- ಆರೋಗ್ಯ ಕರ್ನಾಟಕ ಯೋಜನೆಗೆ ಒಳಪಡದ ಆರೋಗ್ಯ ವಿಮೆ ಅಥವಾ ನಗದು ಪಾವತಿಸುವ ರೋಗಿಗಳಿಗೆ ಈ ದರವು ಇನ್ನೂ ಹೆಚ್ಚಾಗಲಿದೆ. ಇದರಿಂದ ಜನರಿಗೆ ತೊಂದರೆಯಾಗುತ್ತದೆ. ಆದ್ದರಿಂದ ಸರಕಾರವೇ ರೋಗಿಗಳ ಚಿಕಿತ್ಸಾ ವೆಚ್ಚ ಭರಿಸಬೇಕು ಎಂದು ಆಗ್ರಹಿಸಿದರು.

ಭವಾನಿ ಶಂಕರ, ಲಕ್ಷತ್ರ್ಮಣ ಜಡಗನ್ನವರ, ಮಹಾಂತೇಶ ಬೀಳೂರ, ವಿಜಯಲಕ್ಷಿತ್ರ್ಮೕ ದೇವತ್ಕÇ, ಹನುಮೇಶ ಹುಡೇದ, ರಣಜೀತ ದೂಪದ, ದೇವಮ್ಮ ದೇವತ್ಕಲ್‌, ಶಶಿಕಲಾ ಮೇಟಿ, ಕೊಟ್ರೇಶ್‌ ಹುಬ್ಬಳ್ಳಿ, ನಿಂಗಮ್ಮ ಹುಡೇದ ಇತರರು ಪ್ರತಿಭಟನೆಯಲ್ಲಿಭಾಗವಹಿಸಿದ್ದರು.