ಕೃಷಿ ಸಚಿವರ ಕ್ಷಮೆಯಾಚನೆಗೆ ಆಗ್ರಹ

ಧಾರವಾಡ: ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆ ರಾಜ್ಯಧ್ಯಕ್ಷ ಚಂದ್ರಶೇಖರ ಕೋಡಿಹಳ್ಳಿ ಅವರ ಬಗ್ಗೆ ಅವಹೇಳನಕಾರಿ ಮಾತನಾಡಿದ ಕೃಷಿ ಸಚಿವ ಬಿ.ಸಿ.ಪಾಟೀಲ ತಕ್ಷಣವೇ ಕ್ಷಮೆ ಯಾಚಿಸಬೇಕು ಆಗ್ರಹಿಸಿ ರೈತ ಸಂಘದ ಕಾರ್ಯಕರ್ತರು ಜಿಲ್ಲಾಧಿಕಾರಿ ಕಚೇರಿ ಎದುರು ಶುಕ್ರವಾರ ಪ್ರತಿಭಟಿಸರು. ಕೆಲಕಾಲ ಪ್ರತಿಭಟಿಸಿದ ರೈತರು, ಸಚಿವ ಬಿ.ಸಿ.ಪಾಟೀಲ ವಿರುದ್ಧ ಘೋಷಣೆ ಕೂಗಿದರು. ಚಂದ್ರಶೇಖರ ಕೋಡಿಹಳ್ಳಿ ಅವರು, ರಾಜ್ಯದ ರೈತರ ಕಣ್ಮನಿ. ಹೋರಾಟದ ಮೂಲಕ ರೈತರ ಸಮಸ್ಯಗಳಿಗೆ ಪರಿಹಾರ ಒದಗಿಸಿದ ರೈತ ನಾಯಕರ ಬಗ್ಗೆ ಅವಹೇಳ ಮಾತನಾಡುವುದು ಖಂಡನೀಯ. ಆದ್ದರಿಂದ ತಕ್ಷಣವೇ ಸಚಿವ ಬಿ.ಸಿ. ಪಾಟೀಲ ರಾಜ್ಯದ ರೈತ ಸಮೂಹಕ್ಕೆ ಬಹಿರಂಗ ಕ್ಷಮೆಯಾಚಿಸಬೇಕು. ಇಲ್ಲದಿದ್ದರೆ, ರಾಜ್ಯಾದ್ಯಂತ ಉಗ್ರ ಹೋರಾಟ ಮಾಡುವುದಾಗಿ ಎಚ್ಚರಿಸಿ ಜಿಲ್ಲಾಧಿಕಾರಿ ಮೂಲಕ ಸರಕಾರಕ್ಕೆ ಮನವಿ ಸಲ್ಲಿಸಿದರು.

ಮುಖಂಡರಾದ ರಮೇಶ ಕಿತ್ತೂರ, ಚನ್ನಬಸಪ್ಪ ಹಡಪದ, ಚಂದ್ರಶೇಖರ ಕುರಳ್ಳಿ, ಕಲ್ಮೇಶ ಲಿಗಾಡೆ, ಇತರರು ಪಾಲ್ಗೊಂಡಿದ್ದರು.