ಶಿಕ್ಷಕರಿಂದ ದೇಶದ ಪ್ರಗತಿ ಸಾಧ್ಯ

ಹುಬ್ಬಳ್ಳಿ : ಶಿಕ್ಷ ಕರು ಸಾಮಾಜಿಕ ಸಮಸ್ಯೆಗಳಿಗೆ ಸ್ಪಂದಿಸುವ ಮೂಲಕ ವಿದ್ಯಾರ್ಥಿಗಳ ಜ್ಞಾನಾರ್ಜನೆಗೆ ನೆರವಾಗಬೇಕು ಎಂದು ನಿವೃತ್ತ ಪೊಲೀಸ್‌ ಅಧಿಕಾರಿ ಡಾ.ಡಿ.ವಿ.ಗುರುಪ್ರಸಾದ ಹೇಳಿದರು.

ಕೆಎಲ್‌ಇ ಸಂಸ್ಥೆಯ ಪಿ.ಸಿ.ಜಾಬಿನ ವಿಜ್ಞಾನ ಮಹಾವಿದ್ಯಾಲಯದ ಸಿಬ್ಬಂದಿ ಉದ್ದೇಶಿಸಿ ಬುಧವಾರ ಮಾತನಾಡಿ, ಶಿಕ್ಷ ಕರಿಂದ ದೇಶದ ಪ್ರಗತಿ ಸಾಧ್ಯ ಎಂದರು.

ಕೆಲಸಕ್ಕೆ ಸೇರಿದ ನಂತರ ಕಲಿಕೆ ಕಡಿಮೆಯಾಗುತ್ತಿರುವದಕ್ಕೆ ಮತ್ತು ಸಂಶೋಧನೆ ಎಂಬುದು ಇಂದು ಹೊರಗುತ್ತಿಗೆ ಆಗುತ್ತಿರುವದಕ್ಕೆ ವಿಷಾದಿಸಿದರು.13 ದೇಶಗಳ 55 ವಿಶ್ವವಿದ್ಯಾಲಯಗಳಲ್ಲಿನ ತಮ್ಮ ಅನುಭವಗಳನ್ನು ಹಂಚಿಕೊಂಡ ವಿದ್ಯಾರ್ಥಿಗಳ ಶ್ರೇಯಸ್ಸಿಗೆ ನಿರಂತರ ಕಾರ್ಯ ಮಾಡುವ ಸೇವೆಯನ್ನು ಬೆಳೆಸಿಕೊಳ್ಳಬೇಕೆಂದರು.

ಶಿಕ್ಷ ಕರು ಸಂವಹನ ಕೌಶಲ್ಯದೊಂದಿಗೆ ಮತ್ತು ಸಂಶೋಧನೆಗಳ ಬಗೆಗೆ ಆಸಕ್ತಿ ಹೊಂದಬೇಕೆಂದರು.ವಿದ್ಯಾರ್ಥಿಗಳ ಮನಸ್ಸು ಪರಿವರ್ತನೆ ಆಗುವಂತೆ ಕಾರ್ಯ ಮಾಡಿ ,ತಮ್ಮ ತಮ್ಮ ಸೇವೆಗಳ ಬಗೆಗೆ ಸಂತೃಪ್ತಿ ಹೊಂದಬೇಕೆಂದರು. ಹೆಣ್ಣುಮಕ್ಕಳ ಮೇಲೆ ದೌರ್ಜನ್ಯಗಳು ಹೆಚ್ಚುತ್ತಿದ್ದು, ಅವುಗಳನ್ನು ತಡೆಗಟ್ಟಲು ಎಲ್ಲರೂ ಪ್ರಯತ್ನಿಸಬೇಕೆಂದರು.

ಪ್ರಾಚಾರ್ಯ ಡಾ. ಎಸ್‌.ವಿ. ಹಿರೇಮಠ ಅಧ್ಯಕ್ಷ ತೆ ವಹಿಸಿದ್ದರು. ಇಂಗ್ಲೀಷ ವಿಭಾಗದ ಮುಖ್ಯಸ್ಥರಾದ ಡಾ.ಎಂ.ವಾಯ್‌.ಮೋಳೆಕರ ವಂದಿಸಿದರು.