ರೋಗಿ ಕೈಯಲ್ಲಿ ಸಲಾಯಿನ್‌ ಹಿಡಿಸಿದ ಸಿಬ್ಬಂದಿ

ಹುಬ್ಬಳ್ಳಿ: ಕೊರೊನಾ ವೈರಸ್‌ ವಿರುದ್ಧ ಶತಾಯು ಗತಾಯು ಹೋರಾಟದಲ್ಲಿತೊಡಗಿರುವ ಕಿಮ್ಸ… ಸಾರ್ವಜನಿಕ ಪ್ರಶಂಸೆಗೆ ಪಾತ್ರವಾಗಿರುವುದು ಒಂದು ಕಡೆಯಾದರೆ, ಇನ್ನಿತರ ರೋಗಿಗಳ ಬಗ್ಗೆ ಸಿಬ್ಬಂದಿ ನಿಷ್ಕಾಳಜಿ ವಹಿಸುತ್ತಿರುವ ಪ್ರಕರಣ ಮತ್ತೊಂದೆಡೆ ಬೆಳಕಿಗೆ ಬಂದಿದೆ.

ಕಾಲು ಸಮಸ್ಯೆಯ ಹಿನ್ನೆಲೆಯಲ್ಲಿವ್ಯಕ್ತಿಯೊಬ್ಬರು ಕಿಮ್ಸ… ಆಸ್ಪತ್ರೆಗೆ ದಾಖಲಾಗಿದ್ದರು. ರೋಗಿಗೆ ಸಲಾಯನ್‌ ಹಚ್ಚಿದ ಸಿಬ್ಬಂದಿಗಳು ಸ್ಟ್ಯಾಂಡ್‌ ಇಡದೇ ಸಲಾಯನ್‌ ಅನ್ನು ರೋಗಿಯ ಕೈಯಲ್ಲಿಯೇ ಹಿಡಿದುಕೊಳ್ಳಲು ಹೇಳಿದ್ದು, ಸುಮಾರು ಹೊತ್ತು ಕಾಲ ಕಾಲಿನ ನೋವಿನಲ್ಲಿಯೂ ಕೂಡ ರೋಗಿ ತನಗೆ ಹಚ್ಚಿರುವ ಸಲಾಯನ್‌ ಬಾಟಲಿಯನ್ನು ಹಿಡಿದುಕೊಳ್ಳಬೇಕಾಯಿತು. ಈ ಅವ್ಯವಸ್ಥೆಯನ್ನು ಸಾರ್ವಜನಿಕರೊಬ್ಬರು ವೀಡಿಯೊ ಮಾಡಿ ಸಾಮಾಜಿಕ ಜಾಲತಾಣಗಳಲ್ಲಿಹರಿಬಿಟ್ಟಿದ್ದಾರೆ.

ಇದೆಲ್ಲವನ್ನೂ ಗಮನಿಸಿದರೆ ಪ್ರತಿಷ್ಠಿತ ಕರ್ನಾಟಕ ವೈದ್ಯಕೀಯ ವಿಜ್ಞಾನ ಸಂಸ್ಥೆಯಲ್ಲಿಮೂಲಸೌಕರ್ಯಗಳ ಕೊರತೆ ಹಾಗೂ ಸಿಬ್ಬಂದಿ ನಿಷ್ಕಾಳಜಿ ಸ್ಪಷ್ಟವಾಗಿ ಗೋಚರಿಸುತ್ತಿದೆ. ಕೂಡಲೇ ಸಚಿವರು ಹಾಗೂ ಕಿಮ್ಸ… ಆಡಳಿತ ಮಂಡಳಿ ಎಚ್ಚೆತ್ತುಕೊಂಡು ಅವ್ಯವಸ್ಥೆಗೆ ಕಡಿವಾಣ ಹಾಕಬೇಕು ಎಂಬುದು ಸಾರ್ವಜನಿಕರ ಆಗ್ರಹವಾಗಿದೆ.