ಮೂಲ ಸೌಕರ್ಯ ಕಲ್ಪಿಸಲು ಆಗ್ರಹ

ಧಾರವಾಡ: ಇಲ್ಲಿನ ಸೂಪರ್‌ ಮಾರ್ಕೆಟ್‌ ಪಕ್ಕದಲ್ಲಿಬಂಡ ರಸ್ತೆ ಹೊಂದಿರುವ ಜಾಗೆಯಲ್ಲಿಪರಿಶಿಷ್ಟ ಜಾತಿ (ಸಮಗಾರ) ಸಮುದಾಯದ ಚರ್ಮಕಾರ ಫಲಾನುಭವಿಗಳಿಗೆ ಮೂಲ ಸೌಕರ್ಯ ಒದಗಿಸುವಂತೆ ಆಗ್ರಹಿಸಿ ಭಾರತರತ್ನ ಡಾ.ಬಾಬಾಸಾಹೇಬ ಅಂಬೇಡ್ಕರ್‌ ಲಿಡ್ಕರ್‌ ಹಿತಾಭಿವೃದ್ಧಿ ಸಂಘದ ವತಿಯಿಂದ ಹು-ಧಾ ಮಹಾನಗರ ಪಾಲಿಕೆ ಆಯುಕ್ತರಿಗೆ ಮನವಿ ಸಲ್ಲಿಸಿದರು.

ಹಲವು ವರ್ಷಗಳಿಂದ ಪರಿಶಿಷ್ಟ ಜಾತಿ ಸಮಗಾರ ಸಮುದಾಯದ ಚರ್ಮಕಾರ ಉದ್ಯೋಗಸ್ಥರಿಗೆ ಪಾಲಿಕೆಯಿಂದ ಯಾವುದೇ ತರಹದ ಕಾಯಂ ಜಾಗೆ ಸಿಕ್ಕಿಲ್ಲ. ಈ ನಿಟ್ಟಿನಲ್ಲಿಮಳಿಗೆ ನಿರ್ಮಿಸಲು ನಿಯಮಾನುಸಾರ ಪರಿಶಿಷ್ಟ ಜಾತಿ ಅಧಿನಿಯಮದಡಿ ಭೂಬಾಡಿಗೆ ನೀಡಬೇಕು ಎಂದು ಪಾಲಿಕೆ ಆಯುಕ್ತ ಸುರೇಶ ಹಿಟ್ನಾಳ ಅವರಿಗೆ ಮನವಿ ಸಲ್ಲಿಸಿದರು.