ಮನೆ ಕೀಲಿ ಮುರಿದು ಕಳ್ಳತನ

ಧಾರವಾಡ : ಮನೆಯಲ್ಲಿಯಾರೂ ಇಲ್ಲದಿರುವುದನ್ನು ಗಮನಿಸಿದ ಕಳ್ಳರು ಮನೆ ಕೀಲಿ ಮುರಿದು ನಗದು ಹಾಗೂ ಬಂಗಾರ ಕಳ್ಳತನ ಮಾಡಿದ ಘಟನೆ ಇಲ್ಲಿನ ದಾನುನಗರದಲ್ಲಿಭಾನುವಾರ ನಡೆದಿದೆ.

ದಾನುನಗರದ ಮಹ್ಮದ್‌ ಯೂಸೂಪ್‌ ಬಳ್ಳಾರಿ ಎಂಬುವವರ ಮನೆಯಲ್ಲಿಕಳ್ಳತನ ನಡೆದಿದೆ. ಮನೆಯಲ್ಲಿನ ಟ್ರೇಜುರಿ, ಟ್ರಂಕ್‌ ಒಡೆದು 27 ಸಾವಿರ ನಗದು, ಎರಡು ತೊಲೆ ಬಂಗಾರ ಕಳ್ಳತನ ಮಾಡಿದ್ದಾರೆ. ಸ್ಥಳಕ್ಕೆ ವಿದ್ಯಾಗಿರಿ ಪೊಲೀಸರು ಭೇಟಿ ನೀಡಿ ಪರಿಶೀಲಿಸಿದ್ದಾರೆ.

ಹುಬ್ಬಳ್ಳಿ: ಇಲ್ಲಿನ ಹಳೇ ಹುಬ್ಬಳ್ಳಿ ಅಂಬಣ್ಣನವರ ಬಡಾವಣೆಯ ರಾಜೇಸಾಬ ಬಡಗಿ ಅವರ ಮನೆ ಬಾಗಿಲು ಮುರಿದ ಕಳ್ಳರು, ಬಂಗಾರದ ಆಭರಣ, ನಗದು ಹಾಗೂ ಬೈಕ್‌ ಸೇರಿ ಒಟ್ಟು 3.49 ಲಕ್ಷ ರೂ. ಮೌಲ್ಯದ ವಸ್ತುಗಳನ್ನು ದೋಚಿದ್ದಾರೆ.

ರಾಜೇಸಾಬ ಅವರು ಮನೆ ಬಾಗಿಲಿಗೆ ಬೀಗ ಹಾಕಿ ಸಂಬಂಧಿಕರ ಮನೆಗೆ ಹೋದ ಸಂದರ್ಭದಲ್ಲಿಕಳವು ಆಗಿದೆ. ಅಲ್ಮೇರಾದಲ್ಲಿ55 ಗ್ರಾಂ ಬಂಗಾರದ ಆಭರಣಗಳು, 580 ಗ್ರಾಂ ಬೆಳ್ಳಿ ವಸ್ತುಗಳು, 1.70 ಲಕ್ಷ ನಗದು, ಸಿಲಿಂಡರ್‌ ಹಾಗೂ ಹೊರಗೆ ನಿಲ್ಲಿಸಿದ್ದ ಬೈಕ್‌ ಕಳವು ಮಾಡಿದ್ದಾರೆ. ಹಳೇ ಹುಬ್ಬಳ್ಳಿ ಪೊಲೀಸ್‌ ಠಾಣೆಯಲ್ಲಿದೂರು ದಾಖಲಾಗಿದೆ.