ಯೋಗಾಭ್ಯಾಸದಿಂದ ವಜ್ರಕಾಯದ ದೇಹ

ಕುಂದಗೋಳ : ರೋಗಮುಕ್ತ ಮಾಡುವ ಯೋಗವನ್ನು ಇಂದಿನ ಮಕ್ಕಳು ಹಾಗೂ ಯುವಪೀಳಿಗೆ ತಮ್ಮ ಜೀವನದಲ್ಲಿ ಅಳವಡಿಸಿಕೊಂಡಿದ್ದಾದರೆ ಜೀವನದುದ್ದಕ್ಕೂ ವಜ್ರಕಾಯದವರಾಗಿರಲು ಸಾಧ್ಯ ಎಂದು ಶಿಕ್ಷ ಕ ವೈ.ಎಚ್‌.ಹೊಸಮನಿ ಹೇಳಿದರು.

ತಾಲೂಕಿನ ಚಾಕಲಬ್ಬಿ ಗ್ರಾಮದ ಸ್ವಾಮಿ ವಿವೇಕಾನಂದ ಗೆಳೆಯರ ಬಳಗ ಹಮ್ಮಿಕೊಂಡಿದ್ದ ಯೋಗದಿನಾಚರಣೆಯಲ್ಲಿ ಮುಖ್ಯ ಅತಿಥಿಯಾಗಿ ಪಾಲ್ಗೊಂಡು ಮಾತನಾಡಿದರು.

ಮಕ್ಕಳು ಮತ್ತು ಯುವಕರೆಲ್ಲರೂ ತಾವು ಅಭ್ಯಸಿಸುವ ಪಾಠ ಮತ್ತು ಆಟದೊಂದಿಗೆ ಯೋಗವನ್ನೂ ಕಲಿತುಕೊಂಡು, ಬದುಕನ್ನು ಸದೃಢವಾಗಿಸಿಕೊಳ್ಳುವದರೊಂದಿಗೆ ಇಂದು ವಿಯೆಟ್ನಾಂನಲ್ಲಿ ಯೋಗ ಶಿಕ್ಷ ಕನಾಗಿ ಬೆಳೆಯುತ್ತಿರುವ ಜಗದೀಶ ಆಜೂರ ಅವರಂತೆ ಯೋಗದಲ್ಲಿ ಹೆಸರುಗಳಿಸಿರಿ ಎಂದು ಕರೆಕೊಟ್ಟರು.

ಮಂಜುನಾಥ ಬಾರಕೇರ, ಅಂತರಾಷ್ಟ್ರೀಯ ಯೋಗಶಿಕ್ಷ ಕ ಜಗದೀಶ ಆಜೂರ, ಎಸ್‌.ಎಸ್‌.ಕಾಕಡೆ, ಗುರುನಾಥ ಹೊನ್ನಿಹಳ್ಳಿ, ಸದಾನಂದ ಪೂಜಾರ, ಗಿರೀಶ ಹುಚ್ಚೋಗಿ, ವಿಠ್ಠಲ ಘಾಟಗೆ, ರಮೇಶ ಹರಳಿ, ಚನ್ನಪ್ಪ ಪೂಜಾರ ಹಾಗೂ ಸ್ವಾಮಿ ವಿವೇಕಾನಂದ ಗೆಳೆಯರ ಬಳಗ ಪದಾಧಿಕಾರಿಗಳು ಮತ್ತು ಸರ್ವ ಸದಸ್ಯರು ಉಪಸ್ಥಿತರಿದ್ದರು.