ಚಿಗರಿಯಲ್ಲಿ ಸಂಚರಿಸಿದ ಉಪರಾಷ್ಟ್ರಪತಿ

ಹುಬ್ಬಳ್ಳಿ: ಚಿಗರಿ ಬಸ್‌ನಲ್ಲಿಯೇ ಸಂಚರಿಸಿ ಇಲ್ಲಿಯ ನವನಗರ ಬಸ್‌ ನಿಲ್ದಾಣಕ್ಕೆ ಆಗಮಿಸಿದ ಉಪರಾಷ್ಟ್ರಪತಿ ವೆಂಕಯ್ಯ ನಾಯ್ಡು ಹು-ಧಾ ತ್ವರಿತ ಸಾರಿಗೆ ವ್ಯವಸ್ಥೆ (ಎಚ್‌ಡಿಬಿಆರ್‌ಟಿಎಸ್‌), ಬಸ್‌ ನಿಲ್ದಾಣ ಮತ್ತು ಕಾರಿಡಾರ್‌ ವೀಕ್ಷಣೆ ಮಾಡಿದರು.

ಭಾನುವಾರ ಇಲ್ಲಿಯ ಹೊಸೂರು ಬಸ್‌ ನಿಲ್ದಾಣದಿಂದ ಚಿಗರಿ ಬಸ್‌ನಲ್ಲಿನವನಗರದ ಬಸ್‌ ನಿಲ್ದಾಣದ ವರೆಗೆ ಆಗಮಿಸಿದ ಉಪರಾಷ್ಟ್ರಪತಿಗಳು, ಕಾರಿಡಾರ್‌ ಮತ್ತು ಸಾರಿಗೆ ವ್ಯವಸ್ಥೆ ಅವಲೋಕಿಸಿದರು. ಈ ವೇಳೆ ಬಿಆರ್‌ಟಿಎಸ್‌ ಎಂ.ಡಿ.ರಾಜೇಂದ್ರ ಚೋಳನ್‌ ಸಾರಿಗೆ ವ್ಯವಸ್ಥೆ ಬಗ್ಗೆ ವಿವರಣೆ ನೀಡಿದರು.

ಚಿಗರಿ ಬಸ್‌ನಲ್ಲಿಯೇ ನವನಗರಕ್ಕೆ ಬಂದು ಇಲ್ಲಿಯ ಬಸ್‌ ನಿಲ್ದಾಣವನ್ನು ಉದ್ಘಾಟಿಸಿದ ಅವರು, ಸ್ಮಾರ್ಟ್‌ ಕಾರ್ಡ್‌ ಬಳಕೆ ಮೂಲಕ ನಿಲ್ದಾಣದ ಹೊರಗೆ ಬಂದು ಲಿಫ್ಟ್‌ ಮೂಲಕ ಫ್ಲೈಓವರ್‌ಗೆ ತೆರಳಿದರು. ಈ ವೇಳೆ ಬಿಆರ್‌ಟಿಎಸ್‌ ಅಧಿಕಾರಿಗಳು ಬಸ್‌ ನಿಲ್ದಾಣದ ವಿವರಣೆ ನೀಡಿದರು.

ಕೇಂದ್ರ ಸಚಿವ ಪ್ರಹ್ಲಾದ ಜೋಶಿ, ಕೈಗಾರಿಕೆ ಸಚಿವ ಜಗದೀಶ ಶೆಟ್ಟರ್‌, ಡಿಸಿಎಂ ಲಕ್ಷ್ಮಣ ಸವದಿ, ಗೋವಿಂದ ಕಾರಜೋಳ, ಶಾಸಕರಾದ ಬಸವರಾಜ ಹೊರಟ್ಟಿ, ಅರವಿಂದ ಬೆಲ್ಲದ, ಅಮೃತ ದೇಸಾಯಿ, ಶಂಕರಪಾಟೀಲ ಮುನೇನಕೊಪ್ಪ, ಪ್ರಸಾದ ಅಬ್ಬಯ್ಯ, ಎಸ್‌.ವಿ.ಸಂಕನೂರ, ಜಿಲ್ಲಾಧಿಕಾರಿ ಎಂ.ದೀಪಾ, ವಿಎಸ್‌ವಿ ಪ್ರಸಾದ ಸೇರಿದಂತೆ ಇತರರು ಇದ್ದರು.