ಕಣ್ಣಿಗೆ ಕಪ್ಪು ಬಟ್ಟೆ ಕಟ್ಟಿಕೊಂಡು ನಡಿಗೆ ಅಭಿಯಾನ

ಹುಬ್ಬಳ್ಳಿ : ಸಕ್ಷಮ, ಆಶಾಕಿರಣ ಕಿಮ್ಸ್‌, ರೋಟರಿ ಕ್ಲಬ್‌ ಆಫ್‌ ಹುಬ್ಬಳ್ಳಿ ಸಂಸ್ಥೆ ವತಿಯಿಂದ ಶುಕ್ರವಾರ ಬಿವಿಬಿ ಕಾಲೇಜ್‌ ಆವರಣದಲ್ಲಿ ನಡೆದ ಕಣ್ಣಿಗೆ ಕಪ್ಪು ಬಟ್ಟೆ ಕಟ್ಟಿಕೊಂಡು ನಡಿಗೆ ಅಭಿಯಾನ ನಡೆಯಿತು.

ಕೈಯಲ್ಲಿ ನೇತ್ರದಾನ ಶ್ರೇಷ್ಠದಾನ ಮತ್ತು ದೃಷ್ಟಿ ಮಹತ್ವ ಸಾರುವ ಬಿತ್ತಿಪತ್ರ ಹಿಡಿದ ನೂರಾರು ವೈದ್ಯ ವಿದ್ಯಾರ್ಥಿಗಳು ಅಭಿಯಾನದಲ್ಲಿ ಭಾಗವಹಿಸಿದ್ದರು. ಬಿವಿಬಿ ಕಾಲೇಜಿನಿಂದ ಆರಂಭವಾದ ಅಭಿಯಾನ ಕಿಮ್ಸ್‌ವರೆಗೆ ಬಂದು ತಲುಪಿತು.

ಡಾ.ಕೆ.ಎಫ್‌. ಕಮ್ಮಾರ ಮಾತನಾಡಿ, ಮನುಷ್ಯನಿಗೆ ನೇತ್ರ ಅಮೂಲ್ಯ ಅಂಗ. ಮನುಷ್ಯ ನಿಧನವಾದ ನಂತರ ಆತನ ಕಣ್ಣನ್ನು ಮಣ್ಣಲ್ಲಿ ಮಣ್ಣು ಮಾಡುವ ಬದಲು ದೃಷ್ಟಿ ಇಲ್ಲದವರಿಗೆ ನೇತ್ರದಾನ ಮಾಡಿ ಆತನ ಜೀವನಕ್ಕೆ ಬೆಳಕು ನೀಡಬೇಕು ಎಂದರು.

ಅಕ್ಷಮ ಸಂಸ್ಥೆ ಉಪಾಧ್ಯಕ್ಷ ಡಾ.ಸುನೀಲ ಗೋಕಾಕ ಮಾತನಾಡಿದರು.ಡಾ. ಶೋಭಾ ಕಟಕೋಳ, ಡಾ.ರಮೇಶ ಬಾಬು, ಡಾ.ಕೃಷ್ಣ ಪ್ರಸಾದ, ಡಾ.ಗುರು ಪ್ರಸಾದ, ಅಚ್ಯುತ ಲಿಮೆ, ಜಿತೇಂದ್ರ ಮಜೇಥಿಯಾ, ಶೀಧರ ನಾಡಗೇರ, ಪ್ರಶಾಂತ ಅಗರವಾಲ, ಶ್ರೀನಿವಾಸ್‌ ರಾವ, ಜಯಲಾಲ್‌ ಪಟೇಲ್‌, ಅಮೃತ್‌ಲಾಲ್‌ ಪಟೇಲ್‌ ಭಾಗವಹಿಸಿದ್ದರು.