ಕೇಂದ್ರ ಸರಕಾರದ ನಿರ್ಧಾರಕ್ಕೆ ಸ್ವಾಗತ

ಹುಬ್ಬಳ್ಳಿ : ಆರ್ಥಿಕವಾಗಿ ಹಿಂದುಳಿದ ಮೇಲ್ವರ್ಗದವರಿಗೆ ಶೇ.10ರಷ್ಟು ಮೀಸಲಾತಿ ಕಲ್ಪಿಸುವ ನಿಟ್ಟಿನಲ್ಲಿ ಸಂವಿಧಾನ ತಿದ್ದುಪಡಿಗೆ ಎರಡೂ ಸದನದಲ್ಲಿ ಅನುಮೋದನೆ ಪಡೆದ ಪ್ರಧಾನಿ ಮೋದಿ ನೇತೃತ್ವದ ಕೇಂದ್ರ ಸರಕಾರದ ನಿರ್ಧಾರವನ್ನು ಜಂಗಮಾಭಿವೃದ್ಧಿ ಸಂಘವು ಸ್ವಾಗತಿಸಿದೆ.

ಪ್ರತಿಭಾವಂತರಿಗೆ ಈ ಮೀಸಲಾತಿ ಅನುಕೂಲವಾಗಿದ್ದು, ಸಾಮಾಜಿಕ ಸುರಕ್ಷತೆ ಲಭಿಸಲಿದೆ. ಈ ಮೂಲಕ ದೇಶದ ಸಮಗ್ರ ಅಭಿವೃದ್ಧಿ ಆಗಲಿದೆ. ಈ ನಿಟ್ಟಿನಲ್ಲಿ ರಾಜಕೀಯ ಬೆರೆಸದೇ ಎಲ್ಲ ಪಕ್ಷಗಳು ಕೇಂದ್ರ ಸರಕಾರಕ್ಕೆ ಬೆಂಬಲ ನೀಡಬೇಕೆಂದು

ಸಂಘದ ವತಿಯಿಂದ ನಡೆದ ಸಭೆಯಲ್ಲಿ ಒತ್ತಾಯಿಸಿದೆ.

ಎನ್‌.ಬಿ. ಹಿರೇಮಠ ಅಧ್ಯಕ್ಷತೆ ವಹಿಸಿದ್ದರು. ಜಿ.ಆರ್‌. ಆಂದಾನಿಮಠ, ಆರ್‌.ಎಂ. ಹಿರೇಮಠ, ಮಹಾಂತೇಶ ಗಿರಿಮಠ, ಚೆನ್ನಯ್ಯ ಚೌಕಿಮಠ, ಶಂಕರ ಹಿರೇಮಠ, ಜಿ.ಎಂ. ಚಿಕ್ಕಮಠ, ಇ.ಎಲ್‌. ಹಿರೇಮಠ, ಎಸ್‌.ಎಂ. ರುದ್ರಯ್ಯ, ಎಸ್‌.ಎ. ಪ್ರಭುದೇವರಮಠ, ಎಂ.ಎ. ಹಿರೇಮಠ, ಕಾಡಯ್ಯ ಹಿರೇಮಠ, ಎಸ್‌.ಆರ್‌. ವಾರಿಕಲ್ಲಮಠ ಇದ್ದರು.