ಮಾಸ್ಕ್‌ ಹಾಕಿ ಮದುವೆಯಾದ ವಧು-ವರ

ಹುಬ್ಬಳ್ಳಿ: ಎಲ್ಲೆಡೆ ಕೊರೊನಾ ವೈರಸ್‌ ಆತಂಕದ ನಡುವೆಯೇ ಅದರಿಂದ ರಕ್ಷಣೆ ಪಡೆಯುವ ಉದ್ದೇಶದಿಂದ ವಧು ವರರ ಜೋಡಿಯೊಂದು ಮಾಸ್ಕ್‌ ಹಾಕುವ ಮೂಲಕ ಮದುವೆಯಾಗಿ ಹೊಸ ಜೀವನಕ್ಕೆ ಪಾದಾರ್ಪಣೆ ಮಾಡಿದ್ದಾರೆ.

ಇದು ಪ್ರಸ್ತುತ ದಿನಮಾನಗಳಲ್ಲಿಕೊರೊನಾ ಹಾವಳಿಯಿಂದ ಮತ್ತೊಂದು ವಿಶಿಷ್ಟ ಸಂಪ್ರದಾಯಕ್ಕೆ ನಾಂದಿ ಹಾಡಿದಂತಾಗಿದೆ.

ಇಲ್ಲಿನ ಉದಯನಗರದ ಸೋಮಲಿಂಗೇಶ್ವರ ದೇವಸ್ಥಾನದಲ್ಲಿನಡೆದ ಗಾಣಿಗೇರ ಬಂಧುಗಳ ಮದುವೆ ಸಮಾರಂಭದಲ್ಲಿದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಶಿವರಾಜ…, ಪ್ರಶಾಂತಿನಿ ಹಾಗೂ ಸುನೀಲ, ಸುಪ್ರೀಯಾ ಜೋಡಿಗಳು ಪರಸ್ಪರ ಮಾಸ್ಕ್‌ ಹಾಕಿಕೊಂಡು ಮದುವೆ ಶಾಸ್ತ್ರದ ಜತೆಗೆ ಕೊರೊನಾ ಬಗ್ಗೆ ಜಾಗೃತಿ ಮೂಡಿಸಿದರು.

ಕೊರೊನಾ ವೈರಸ್‌ ಭೀತಿ ಹಿನ್ನೆಲೆಯಲ್ಲಿಮಾಸ್ಕ್‌ ಧರಿಸುವುದು ಕಡ್ಡಾಯವಾಗಿರುವುದರಿಂದ ನವ ಜೋಡಿಗಳು ಮದುವೆಗೆ ಬಂದವರಿಗೂ ಮಾಸ್ಕ್‌ ಧರಿಸುವಂತೆ ಮನವಿ ಮಾಡಿದ್ದು, ವಿಶೇಷವಾಗಿತ್ತು.