ವಿಶ್ವ ತಂಬಾಕು ಸೇವನಾ ರಹಿತ ದಿನ ಆಚರಣೆ

ಧಾರವಾಡ : ನಗರದ ಡಾ.ಮಹಾಂತಸ್ವಾಮಿ ಹಿರೇಮಠ ಆಯುರ್ಧಾಮದಲ್ಲಿ ವಿಶ್ವ ತಂಬಾಕು ಸೇವನಾ ರಹಿತ ದಿನವನ್ನು ಶುಕ್ರವಾರ ಆಚರಿಸಲಾಯಿತು.
ಬಳಿಕ ಮಾತನಾಡಿದ ಡಾ.ಮಹಾಂತಸ್ವಾಮಿ ಹಿರೇಮಠ ಅವರು, ತಂಬಾಕು ಸೇವನೆ ಮಾಡುವುದರಿಂದ ಮೆದುಳು ಹಾಗೂ ಮಾನವನ ಶರೀರವನ್ನ ಹಾಳುಮಾಡುವ 600ಕ್ಕಿಂತ ಹೆಚ್ಚಿನ ರಸಾಯನಿಕಗಳಿವೆ. ಅಲ್ಲದೆ ತಂಬಾಕಿನಲ್ಲಿ ಕ್ಯಾನ್ಸರಕಾರಕ, ನರದೌರ್ಭಲ್ಯ ತರುವ ವಿಷಕಾರಕ ವಸ್ತುಗಳಿವೆ. ಜತೆಗೆ ಗುಟಕಾದಲ್ಲಿ ಹಾನಿಕಾರಕ ಕಾರ್ಬನ್‌ಮೋನಾಕ್ಸೈಡ್‌ನಂತಹ ರಸಾಯನಿಕಗಳು ಇರುವುದರಿಂದ ಯುವಕರು ತಂಬಾಕು ಪದಾರ್ಥಗಳಾದ ಗುಟಕಾ, ಸಿಗರೇಟ್‌ ಸೇವನೆಯಿಂದ ದೂರವಿರಬೇಕು ಎಂದರು.

ಇದೇ ವೇಳೆ 18 ಜನರಿಗೆ ತಂಬಾಕು ಬಿಡಲು ಉಚಿತ ಔಷಧ ವಿತರಿಸಿದರು. 30 ಜನ ಬಾಯಿ ನೋವು ಹಾಗೂ ನರದೌರ್ಭಲ್ಯ ಹೊಂದಿರುವ ರೋಗಿಗಳಿಗೆ ಉಚಿತ ತಪಾಸಣೆ ಮಾಡಲಾಯಿತು. ವೀರಣ್ಣ ವಂದಗನೂರ, ರಾಚಯ್ಯ, ನವೀನ, ಮಂಜುನಾಥ, ನೀಲಲೋಚನಾ ಹಿರೇಮಠ ಸೇರಿದಂತೆ ಇತರರು ಇದ್ದರು.