ಯೋಗದಿಂದ ಶಾಂತಿ, ಸಮಾಧಾನ ಲಭ್ಯ

ಧಾರವಾಡ: ಶರೀರ, ಮನಸ್ಸು, ಆತ್ಮಗಳ ಮಿಲನ ಮಾಡುವ ಕ್ರಿಯೆಯೇ ಯೋಗ. ಯೋಗದಿಂದ ಶಾಂತಿ, ಸರಳತೆ, ಸಮಾಧಾನ ಮತ್ತು ನವಚೈತನ್ಯ ಸಿಗಲಿದೆ ಎಂದು ಜಿಲ್ಲಾಪತಂಜಲಿ ಮಹಿಳಾ ಸಮಿತಿಯ ಸಂಘಟನಾ ಕಾರ್ಯದರ್ಶಿ ರೇಣುಕಾ ನಿಂಬಣದೇವರಮಠ ಹೇಳಿದರು.

ಇಲ್ಲಿನ ಕುಮಾರೇಶ್ವರ ನಗರದ ಈಶ್ವರ ದೇವಸ್ಥಾನದಲ್ಲಿಹಮ್ಮಿಕೊಂಡ ವಿಶೇಷ ಯೋಗ ಶಿಬಿರದಲ್ಲಿಮುಖ್ಯ ಅತಿಥಿಯಾಗಿ ಆಗಮಿಸಿ ಬುಧವಾರ ಅವರು ಮಾತನಾಡಿದರು.

ಇದೇ ವೇಳೆ ವೈದ್ಯೆ ಡಾ.ರಶ್ಮಿ ಪಾಟೀಲ ಯೋಗಿಗಳ ಉಚಿತ ಆರೋಗ್ಯ ತಪಾಸಣೆ ಮಾಡಿದರು. ಯೋಗ ತರಬೇತುದಾರರಾದ ವಂದನಾ ಪೂಜಾರಿ, ಆರ್‌.ಜಿ.ಅಗಡಿ, ಮತ್ತು ರೇಣುಕಾ ಲಿಂಬಣದೇವರಮಠ ಅವರನ್ನು ಸನ್ಮಾನಿಸಲಾಯಿತು. ಸುನಿತಾ ಮುನವಳ್ಳಿ ನಿರೂಪಿಸಿ,ವಂದಿಸಿದರು.