ಮನಸ್ಸು-ದೇಹದ ವ್ಯಾಯಾಮ ಸಂಗಮವೇ ಯೋಗ

ನವಲಗುಂದ : ಭಾರತದಲ್ಲಿ ಪುರಾತನ ಕಾಲದಿಂದಲೂ ಯೋಗವು ಒಂದು ಜೀವನ ಕ್ರಮವಾಗಿದೆ. ಧ್ಯಾನ, ಮನಸ್ಸು ಮತ್ತು ದೇಹದ ವ್ಯಾಯಾಮಗಳ ಸಂಗಮವೇ ಯೋಗವಾಗಿದೆ ಎಂದು ಶಂಕರ ಕಾಲೇಜು ಪ್ರಾಚಾರ್ಯೆ ಡಾ.ಕಸ್ತೂರಿ ಬಿಕ್ಕಣ್ಣವರ ಹೇಳಿದರು.

ಶುಕ್ರವಾರ ಸ್ಥಳೀಯ ಶ್ರೀ ಶಂಕರ ಕಾಲೇಜಿನಲ್ಲಿ ವಿಶ್ವ ಯೋಗ ದಿನದ ನಿಮಿತ್ತ ಆಯೋಜಿಸಿದ್ದ ಯೋಗ ದಿನಾಚರಣೆಯಲ್ಲಿ ಕಾಲೇಜು ವಿದ್ಯಾರ್ಥಿಗಳಿಗೆ ಯೋಗ ತರಬೇತಿ ನೀಡಿದ ನಂತರ ಮಾತನಾಡಿದರು.

ಜೂ.21ರಂದು ಪ್ರಪಂಚದ 180ಕ್ಕೂ ಅಧಿಕ ದೇಶಗಳು ಯೋಗವನ್ನು ಒಪ್ಪಿಕೊಂಡು ಇಂದು ಅಂತಾರಾಷ್ಟ್ರೀಯ ಯೋಗ ದಿನವನ್ನಾಗಿ ಆಚರಿಸಿ ಜನರನ್ನು ಜಾಗೃತಗೊಳಿಸುವುದರೊಂದಿಗೆ ಭಾರತ ದೇಶದ ಪುರಾತನ ಯೋಗ ಪದ್ಧತಿ ಎಲ್ಲೆಡೆ ಅನುಸರಿಸುತ್ತಿರುವುದು ದೇಶದ ಹೆಮ್ಮೆ ಎಂದರು.

ಪ್ರೊ.ಎಸ್‌.ಎಸ್‌. ಕಾಡಮ್ಮನವರ ಮಾತನಾಡಿ, ಯೋಗಾಸನ ಅಳವಡಿಸಿಕೊಳ್ಳುವುದರ ಪ್ರಯೋಜನ ಹಾಗೂ ಇಂದಿನ ಬದುಕಿನಲ್ಲಿ ಯೋಗವು ಅವಿಭಾಜ್ಯವಾಗಿ ಆಚರಣೆಯಲ್ಲಿ ಬರಬೇಕು ಎಂದು ಅಭಿಪ್ರಾಯಪಟ್ಟರು.

ದೈಹಿಕ ಶಿಕ್ಷ ಣ ಬೋಧಕರಾದ ಎ.ಜಿ. ಜಕ್ಕನಗೌಡ್ರ ವಿವಿಧ ಯೋಗಾಸನಗಳನ್ನು ಹೇಳಿಕೊಟ್ಟರು. ಕಾಲೇಜಿನ ಎನ್‌ಸಿಸಿ, ಎನ್‌ಎಸ್‌ಎಸ್‌, ಸ್ಕೌಟ್ಸ್‌, ಗೈಡ್ಸ್‌, ರೆಡ್‌ಕ್ರಾಸ್‌ ಘಟಕಗಳ ಅಧಿಕಾರಿಗಳು, ಸ್ವಯಂ ಸೇವಕರು ಮತ್ತು ವಿದ್ಯಾರ್ಥಿ, ವಿದ್ಯಾರ್ಥಿನಿಯರು ಉಪಸ್ಥಿತರಿದ್ದರು. ಬಿ.ಎಚ್‌.ಹೂಗಾರ ನಿರ್ವಹಿಸಿದರು.