This story originally published in Times Of India on 06 Jun 2019
ವಿಷಯ ಏನು
ಹೊಸದಾಗಿ ರೂಪುಗೊಂಡಿರುವ ನರೇಂದ್ರ ಮೋದಿ ಸರಕಾರದಲ್ಲಿ ಬಿಜೆಪಿ ಅಧ್ಯಕ್ಷ ಅಮಿತ್ ಶಾ ಅವರು ಕೇಂದ್ರ ಗೃಹ ಸಚಿವರಾಗಿ ನೇಮಕಗೊಂಡ ತಕ್ಷಣ ಜಮ್ಮು ಮತ್ತು ಕಾಶ್ಮೀರದ ಮಾಜಿ ಮುಖ್ಯಮಂತ್ರಿ, ಜೆಕೆ ನ್ಯಾಷನಲ್ ಕಾನ್ಫರೆನ್ಸ್ ಮುಖ್ಯಸ್ಥ ಫಾರೂಕ್ ಅಬ್ದುಲ್ಲಾ ಅವರು "ಭಾರತ್ ಮಾತಾ ಕೀ ಜೈ" ಘೋಷಣೆ ಮಾಡಿದರು ಎನ್ನುತ್ತಾ ವೀಡಿಯೊ ಒಂದು ಸಾಮಾಜಿಕ ಜಾಲ ತಾಣಗಳಲ್ಲಿ ಹಾಗೂ ವಾಟ್ಸ್ಆ್ಯಪ್ನಲ್ಲಿ ಹರಿದಾಡುತ್ತಿದೆ.
ಟ್ವಿಟರ್ ಬಳಕೆದಾರ @intolerantmano2 ಎಂಬವರು ವೀಡಿಯೊ ಒಂದನ್ನು ಶೇರ್ ಮಾಡಿದ್ದು, ಹಿಂದಿಯಲ್ಲಿ "ಅಮಿತ್ ಶಾ ಕೇಂದ್ರ ಗೃಹ ಸಚಿವರಾದ ತಕ್ಷಣದ ಫಾರೂಕ್ ಅಬ್ದುಲ್ಲಾ" ಎಂದು ಸ್ಮೈಲಿಗಳ ಸಹಿತವಾಗಿ ವ್ಯಂಗ್ಯವಾದ ಅಡಿಬರಹ ಹಾಕಿದ್ದರು.
ಈ ಟ್ವೀಟ್ನ ಆರ್ಕೈವ್ ಆಗಿರುವ ಆವೃತ್ತಿ ಇಲ್ಲಿದೆ.
ವೀಡಿಯೊದಲ್ಲಿ, ಫಾರೂಕ್ ಅಬ್ದುಲ್ಲಾ ಅವರು "ನಿಮ್ಮ ಧ್ವನಿ ಎತ್ತರಿಸಿ, ಭಾರತ್ ಮಾತಾಕೀ ಜೈ, ಜೈಹಿಂದ್ ಹೇಳಿ" ಅಂತ ಹಿಂದಿಯಲ್ಲಿ ಹೇಳಿರುವ ಚಿತ್ರಣವಿದೆ. ಇದು ಹೇಳಿದ ಬಳಿಕ, ಕ್ಯಾಮೆರಾ ತಿರುಗಿಸಲಾಗುತ್ತದೆ ಮತ್ತು ಅದು ಪ್ರಧಾನಿ ನರೇಂದ್ರ ಮೋದಿ, ಗೃಹ ಸಚಿವ ಅಮಿತ್ ಶಾ ಮತ್ತು ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಹಾಗೂ ಹಿರಿಯ ಕಾಂಗ್ರೆಸ್ ಮುಖಂಡ ಗುಲಾಂ ನಬಿ ಅಜಾದ್ ಮುಂತಾದವರು ಪ್ರೇಕ್ಷಕರಾಗಿ ಕುಳಿತಿರುವುದರತ್ತ ಕ್ಯಾಮೆರಾ ಕಣ್ಣು ಸರಿಯುತ್ತದೆ.
ಇದೇ ವೀಡಿಯೊವನ್ನು ಫೇಸ್ಬುಕ್ ಬಳಕೆದಾರ ಜಿತೇಂದ್ರ ಜೈನ್ ಅವರು ಶೇರ್ ಮಾಡಿದ್ದು, "ಅಮಿತ್ ಶಾ ಗೃಹ ಸಚಿವರಾದ ತಕ್ಷಣವೇ, ಎಲ್ಲರೂ ಭಾರತ್ ಮಾತಾ ಕೀ ಜೈ, ಜೈಹಿಂದ್ ಘೋಷಿಸಬೇಕು" ಎಂದು ಟಿಪ್ಪಣಿ ಹಾಕಿದ್ದರು.
ಸತ್ಯವೇನು
ಇಲ್ಲ, ಅಮಿತ್ ಶಾ ಗೃಹ ಸಚಿವರಾದ ಬಳಿಕ ಫಾರೂಕ್ ಅಬ್ದುಲ್ಲಾ ಅವರು ಭಾರತ್ ಮಾತಾ ಕೀ ಜೈ ಅಂತ ಘೋಷಣೆ ಕೂಗಿಲ್ಲ. ಅವರು ಈ ರೀತಿ ಘೋಷಣೆ ಮಾಡಿದ್ದು 2018ರ ಆಗಸ್ಟ್ ತಿಂಗಳಲ್ಲಿ. ಮಾಜಿ ಪ್ರಧಾನಿ, ದಿವಂಗತ ಅಟಲ್ ಬಿಹಾರಿ ವಾಜಪೇಯಿ ಅವರಿಗೆ ಶ್ರದ್ಧಾಂಜಲಿ ಸಲ್ಲಿಸಲು ಕರೆಯಲಾಗಿದ್ದ ಸರ್ವ ಪಕ್ಷಗಳ ಪ್ರಾರ್ಥನಾ ಸಭೆಯಲ್ಲಿ ಅವರು ಈ ರೀತಿ ಘೋಷಣೆ ಕೂಗಿದ್ದರು.
ದೃಢೀಕರಣ ವಿಧಾನ
ಫಾರೂಕ್ ಅಬ್ದುಲ್ಲಾ ಭಾರತ್ ಮಾತಾ ಕೀ ಜೈ ಅಂತ ಗೂಗಲ್ನಲ್ಲಿ ಸರ್ಚ್ ಮಾಡಿದರೆ ಸಾಕು, ಅದು ಸತ್ಯವೇನೆಂಬುದನ್ನು ತಿಳಿಸುವಲ್ಲಿಗೆ ಕರೆದೊಯ್ಯುತ್ತದೆ.
ನ್ಯೂಸ್ ನೌ ಹೆಸರಿನ ಯೂಟ್ಯೂಬ್ ಚಾನೆಲ್ಗೆ ಅಪ್ಲೋಡ್ ಮಾಡಿದ ಲಿಂಕ್ ನಮಗೆ ಸಿಕ್ಕಿತು. ವೀಡಿಯೊದಲ್ಲಿ, ಭಾರತ್ ಮಾತಾ ಕೀ ಜೈ ಹಾಗೂ ಜೈಹಿಂದ್ ಎಂಬ ಸ್ಲೋಗನ್ ಕೂಗಿದ ತಕ್ಷಣವೇ, ಅಬ್ದುಲ್ಲಾ "ನಾವೆಲ್ಲರೂ ಇಂದು ಅಟಲ್ಜೀಯವರ ಪುಣ್ಯ ಸ್ಮರಣೆಗಾಗಿ ಒಟ್ಟು ಸೇರಿದ್ದೇವೆ" ಎಂದಿರುವುದು ಕೇಳಿಸುತ್ತದೆ.
ಸಾಕಷ್ಟು ಶೇರ್ ಆಗಿರುವ ಅಬ್ದುಲ್ಲಾ ಅವರ ವೀಡಿಯೊದ ಬಲ ಮೇಲ್ಭಾಗದಲ್ಲಿ 'ಭಾರತ್ ತಕ್' ಎಂಬ ಲೋಗೋ ಕಾಣಿಸಿತು. ಇದೇ ಹೆಸರಿನ ಯೂಟ್ಯೂಬ್ ಚಾನೆಲ್ ಹುಡುಕಿ, ಅದರಲ್ಲಿ ಈ ವೀಡಿಯೊ ಸಿಗಬಹುದೇ ಎಂದು 'ಭಾರತ್ ಮಾತಾ ಕೀ ಜೈ' ಅಂತ ಸರ್ಚ್ ಕೊಟ್ಟೆವು. ಆಗ ವೀಡಿಯೊ ಸಿಕ್ಕಿತು. 'ಫಾರೂಕ್ ಅಬ್ದುಲ್ಲಾ ಬದಲಾಗಿದ್ದಾರೆ: ಈ ವೀಡಿಯೊ ನೋಡಿ' ಶೀರ್ಷಿಕೆಯಲ್ಲಿ ಈ ವೀಡಿಯೊವನ್ನು 2018ರ ಆಗಸ್ಟ್ 20ರಂದು ಅಪ್ಲೋಡ್ ಮಾಡಲಾಗಿತ್ತು.
ಈ ವೀಡಿಯೊದ ಅಡಿಬರಹದಲ್ಲಿ ಈ ವಿವರವಿತ್ತು- "ಮಾಜಿ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿ ಅವರಿಗೆ ಶ್ರದ್ಧಾಂಜಲಿ ಸಲ್ಲಿಸಲು ದಿಲ್ಲಿಯ ಇಂದಿರಾ ಗಾಂಧಿ ಒಳಾಂಗಣ ಸ್ಟೇಡಿಯಂನಲ್ಲಿ ಸರ್ವ ಪಕ್ಷಗಳ ಪ್ರಾರ್ಥನಾ ಸಭೆ ಏರ್ಪಡಿಸಲಾಗಿತ್ತು. ಫಾರೂಕ್ ಅಬ್ದುಲ್ಲಾ ಅವರು ಅಟಲ್ಜೀ ಅವರ ಹಲವಾರು ವಿಷಯಗಳನ್ನು ಉಲ್ಲೇಖಿಸಿದರು ಹಾಗೂ ಭಾರತ್ ಮಾತಾ ಕೀ ಜೈ ಮತ್ತು ಜೈಹಿಂದ್ ಸ್ಲೋಗನ್ಗಳನ್ನೂ ಕೂಗಿದರು" ಎಂದು ಬರೆದಿತ್ತು.
ತೀರ್ಮಾನ
ನರೇಂದ್ರ ಮೋದಿ ಅವರ ನೂತನ ಸಂಪುಟದಲ್ಲಿ ಗೃಹ ಸಚಿವರಾಗಿ ಅಮಿತ್ ಶಾ ಅವರು ನೇಮಕಗೊಂಡ ತಕ್ಷಣ ಜಮ್ಮು ಮತ್ತು ಕಾಶ್ಮೀರದ ಮಾಜಿ ಮುಖ್ಯಮಂತ್ರಿ ಫಾರೂಕ್ ಅಬ್ದುಲ್ಲಾ ಅವರು "ಭಾರತ್ ಮಾತಾ ಕೀ ಜೈ" ಹೇಳಿದರು ಎಂಬ ಹೇಳಿಕೆ ಸತ್ಯಕ್ಕೆ ದೂರವಾದುದು. ಅಬ್ದುಲ್ಲಾ ಅವರು ಈ ರೀತಿ ಘೋಷಣೆ ಕೂಗಿದ್ದು ಕಳೆದ ವರ್ಷ ಮಾಜಿ ಪ್ರಧಾನಿ, ದಿವಂಗತ ಅಟಲ್ ಬಿಹಾರಿ ವಾಜಪೇಯಿಯವರ ಶ್ರದ್ಧಾಂಜಲಿ ಸಭೆಯಲ್ಲಿ.
ವಿಷಯ ಏನು
ಹೊಸದಾಗಿ ರೂಪುಗೊಂಡಿರುವ ನರೇಂದ್ರ ಮೋದಿ ಸರಕಾರದಲ್ಲಿ ಬಿಜೆಪಿ ಅಧ್ಯಕ್ಷ ಅಮಿತ್ ಶಾ ಅವರು ಕೇಂದ್ರ ಗೃಹ ಸಚಿವರಾಗಿ ನೇಮಕಗೊಂಡ ತಕ್ಷಣ ಜಮ್ಮು ಮತ್ತು ಕಾಶ್ಮೀರದ ಮಾಜಿ ಮುಖ್ಯಮಂತ್ರಿ, ಜೆಕೆ ನ್ಯಾಷನಲ್ ಕಾನ್ಫರೆನ್ಸ್ ಮುಖ್ಯಸ್ಥ ಫಾರೂಕ್ ಅಬ್ದುಲ್ಲಾ ಅವರು "ಭಾರತ್ ಮಾತಾ ಕೀ ಜೈ" ಘೋಷಣೆ ಮಾಡಿದರು ಎನ್ನುತ್ತಾ ವೀಡಿಯೊ ಒಂದು ಸಾಮಾಜಿಕ ಜಾಲ ತಾಣಗಳಲ್ಲಿ ಹಾಗೂ ವಾಟ್ಸ್ಆ್ಯಪ್ನಲ್ಲಿ ಹರಿದಾಡುತ್ತಿದೆ.
ಟ್ವಿಟರ್ ಬಳಕೆದಾರ @intolerantmano2 ಎಂಬವರು ವೀಡಿಯೊ ಒಂದನ್ನು ಶೇರ್ ಮಾಡಿದ್ದು, ಹಿಂದಿಯಲ್ಲಿ "ಅಮಿತ್ ಶಾ ಕೇಂದ್ರ ಗೃಹ ಸಚಿವರಾದ ತಕ್ಷಣದ ಫಾರೂಕ್ ಅಬ್ದುಲ್ಲಾ" ಎಂದು ಸ್ಮೈಲಿಗಳ ಸಹಿತವಾಗಿ ವ್ಯಂಗ್ಯವಾದ ಅಡಿಬರಹ ಹಾಕಿದ್ದರು.
ವೀಡಿಯೊದಲ್ಲಿ, ಫಾರೂಕ್ ಅಬ್ದುಲ್ಲಾ ಅವರು "ನಿಮ್ಮ ಧ್ವನಿ ಎತ್ತರಿಸಿ, ಭಾರತ್ ಮಾತಾಕೀ ಜೈ, ಜೈಹಿಂದ್ ಹೇಳಿ" ಅಂತ ಹಿಂದಿಯಲ್ಲಿ ಹೇಳಿರುವ ಚಿತ್ರಣವಿದೆ. ಇದು ಹೇಳಿದ ಬಳಿಕ, ಕ್ಯಾಮೆರಾ ತಿರುಗಿಸಲಾಗುತ್ತದೆ ಮತ್ತು ಅದು ಪ್ರಧಾನಿ ನರೇಂದ್ರ ಮೋದಿ, ಗೃಹ ಸಚಿವ ಅಮಿತ್ ಶಾ ಮತ್ತು ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಹಾಗೂ ಹಿರಿಯ ಕಾಂಗ್ರೆಸ್ ಮುಖಂಡ ಗುಲಾಂ ನಬಿ ಅಜಾದ್ ಮುಂತಾದವರು ಪ್ರೇಕ್ಷಕರಾಗಿ ಕುಳಿತಿರುವುದರತ್ತ ಕ್ಯಾಮೆರಾ ಕಣ್ಣು ಸರಿಯುತ್ತದೆ.
ಸತ್ಯವೇನು
ಇಲ್ಲ, ಅಮಿತ್ ಶಾ ಗೃಹ ಸಚಿವರಾದ ಬಳಿಕ ಫಾರೂಕ್ ಅಬ್ದುಲ್ಲಾ ಅವರು ಭಾರತ್ ಮಾತಾ ಕೀ ಜೈ ಅಂತ ಘೋಷಣೆ ಕೂಗಿಲ್ಲ. ಅವರು ಈ ರೀತಿ ಘೋಷಣೆ ಮಾಡಿದ್ದು 2018ರ ಆಗಸ್ಟ್ ತಿಂಗಳಲ್ಲಿ. ಮಾಜಿ ಪ್ರಧಾನಿ, ದಿವಂಗತ ಅಟಲ್ ಬಿಹಾರಿ ವಾಜಪೇಯಿ ಅವರಿಗೆ ಶ್ರದ್ಧಾಂಜಲಿ ಸಲ್ಲಿಸಲು ಕರೆಯಲಾಗಿದ್ದ ಸರ್ವ ಪಕ್ಷಗಳ ಪ್ರಾರ್ಥನಾ ಸಭೆಯಲ್ಲಿ ಅವರು ಈ ರೀತಿ ಘೋಷಣೆ ಕೂಗಿದ್ದರು.
ದೃಢೀಕರಣ ವಿಧಾನ
ಫಾರೂಕ್ ಅಬ್ದುಲ್ಲಾ ಭಾರತ್ ಮಾತಾ ಕೀ ಜೈ ಅಂತ ಗೂಗಲ್ನಲ್ಲಿ ಸರ್ಚ್ ಮಾಡಿದರೆ ಸಾಕು, ಅದು ಸತ್ಯವೇನೆಂಬುದನ್ನು ತಿಳಿಸುವಲ್ಲಿಗೆ ಕರೆದೊಯ್ಯುತ್ತದೆ.
ನ್ಯೂಸ್ ನೌ ಹೆಸರಿನ ಯೂಟ್ಯೂಬ್ ಚಾನೆಲ್ಗೆ ಅಪ್ಲೋಡ್ ಮಾಡಿದ ಲಿಂಕ್ ನಮಗೆ ಸಿಕ್ಕಿತು. ವೀಡಿಯೊದಲ್ಲಿ, ಭಾರತ್ ಮಾತಾ ಕೀ ಜೈ ಹಾಗೂ ಜೈಹಿಂದ್ ಎಂಬ ಸ್ಲೋಗನ್ ಕೂಗಿದ ತಕ್ಷಣವೇ, ಅಬ್ದುಲ್ಲಾ "ನಾವೆಲ್ಲರೂ ಇಂದು ಅಟಲ್ಜೀಯವರ ಪುಣ್ಯ ಸ್ಮರಣೆಗಾಗಿ ಒಟ್ಟು ಸೇರಿದ್ದೇವೆ" ಎಂದಿರುವುದು ಕೇಳಿಸುತ್ತದೆ.
ಸಾಕಷ್ಟು ಶೇರ್ ಆಗಿರುವ ಅಬ್ದುಲ್ಲಾ ಅವರ ವೀಡಿಯೊದ ಬಲ ಮೇಲ್ಭಾಗದಲ್ಲಿ 'ಭಾರತ್ ತಕ್' ಎಂಬ ಲೋಗೋ ಕಾಣಿಸಿತು. ಇದೇ ಹೆಸರಿನ ಯೂಟ್ಯೂಬ್ ಚಾನೆಲ್ ಹುಡುಕಿ, ಅದರಲ್ಲಿ ಈ ವೀಡಿಯೊ ಸಿಗಬಹುದೇ ಎಂದು 'ಭಾರತ್ ಮಾತಾ ಕೀ ಜೈ' ಅಂತ ಸರ್ಚ್ ಕೊಟ್ಟೆವು. ಆಗ ವೀಡಿಯೊ ಸಿಕ್ಕಿತು. 'ಫಾರೂಕ್ ಅಬ್ದುಲ್ಲಾ ಬದಲಾಗಿದ್ದಾರೆ: ಈ ವೀಡಿಯೊ ನೋಡಿ' ಶೀರ್ಷಿಕೆಯಲ್ಲಿ ಈ ವೀಡಿಯೊವನ್ನು 2018ರ ಆಗಸ್ಟ್ 20ರಂದು ಅಪ್ಲೋಡ್ ಮಾಡಲಾಗಿತ್ತು.
ಈ ವೀಡಿಯೊದ ಅಡಿಬರಹದಲ್ಲಿ ಈ ವಿವರವಿತ್ತು- "ಮಾಜಿ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿ ಅವರಿಗೆ ಶ್ರದ್ಧಾಂಜಲಿ ಸಲ್ಲಿಸಲು ದಿಲ್ಲಿಯ ಇಂದಿರಾ ಗಾಂಧಿ ಒಳಾಂಗಣ ಸ್ಟೇಡಿಯಂನಲ್ಲಿ ಸರ್ವ ಪಕ್ಷಗಳ ಪ್ರಾರ್ಥನಾ ಸಭೆ ಏರ್ಪಡಿಸಲಾಗಿತ್ತು. ಫಾರೂಕ್ ಅಬ್ದುಲ್ಲಾ ಅವರು ಅಟಲ್ಜೀ ಅವರ ಹಲವಾರು ವಿಷಯಗಳನ್ನು ಉಲ್ಲೇಖಿಸಿದರು ಹಾಗೂ ಭಾರತ್ ಮಾತಾ ಕೀ ಜೈ ಮತ್ತು ಜೈಹಿಂದ್ ಸ್ಲೋಗನ್ಗಳನ್ನೂ ಕೂಗಿದರು" ಎಂದು ಬರೆದಿತ್ತು.
ತೀರ್ಮಾನ
ನರೇಂದ್ರ ಮೋದಿ ಅವರ ನೂತನ ಸಂಪುಟದಲ್ಲಿ ಗೃಹ ಸಚಿವರಾಗಿ ಅಮಿತ್ ಶಾ ಅವರು ನೇಮಕಗೊಂಡ ತಕ್ಷಣ ಜಮ್ಮು ಮತ್ತು ಕಾಶ್ಮೀರದ ಮಾಜಿ ಮುಖ್ಯಮಂತ್ರಿ ಫಾರೂಕ್ ಅಬ್ದುಲ್ಲಾ ಅವರು "ಭಾರತ್ ಮಾತಾ ಕೀ ಜೈ" ಹೇಳಿದರು ಎಂಬ ಹೇಳಿಕೆ ಸತ್ಯಕ್ಕೆ ದೂರವಾದುದು. ಅಬ್ದುಲ್ಲಾ ಅವರು ಈ ರೀತಿ ಘೋಷಣೆ ಕೂಗಿದ್ದು ಕಳೆದ ವರ್ಷ ಮಾಜಿ ಪ್ರಧಾನಿ, ದಿವಂಗತ ಅಟಲ್ ಬಿಹಾರಿ ವಾಜಪೇಯಿಯವರ ಶ್ರದ್ಧಾಂಜಲಿ ಸಭೆಯಲ್ಲಿ.