FAKE ALERT: 1990-2020 ರವರೆಗೆ ಕೆಲಸ ಮಾಡಿದ್ದರೆ ₹1.2 ಲಕ್ಷ ಸಿಗುತ್ತದೆಯೇ? ವಾಸ್ತವಾಂಶ ಹೀಗಿದೆ!

ಹೊಸದಿಲ್ಲಿ: ಪ್ರಧಾನಿ ಮೋದಿ ಬರೋಬ್ಬರಿ 20 ಲಕ್ಷ ರೂಪಾಯಿಯ ಬೃಹತ್‌ ಪ್ಯಾಕೇಜ್‌ ಘೋಷಣೆ ಮಾಡಿದ ಕೂಡಲೇ ಜನರ ಖಾತೆಗಳಿಗೆ ದುಡ್ಡು ಬಂದು ಬೀಳಲಿದೆ ಎಂಬ ಸುಳ್ಳು ಸುದ್ದಿಗಳು ಹರಿದಾಡತೊಡಗಿವೆ.

ವಾಟ್ಸಪ್‌ನಲ್ಲಿ ಹೀಗೊಂದು ಸುಳ್ಳು ಸುದ್ದಿ ಭಾರೀ ಟ್ರೋಲ್‌ ಆಗುತ್ತಿದೆ. ಈ ಕುರಿತು ಸ್ವತಃ ಬ್ಯೂರೋ ಆಫ್‌ ಫ್ರಾಡಲೆಂಟ್‌ ವೆಬ್‌ಸೈಟ್‌ ಎಚ್ಚರಿಕೆ ನೀಡಿದ್ದು, ಇಂತಹ ಸುಳ್ಳುಸುದ್ದಿಗಳ ಕುರಿತು ಎಚ್ಚರಿಕೆಯಿಂದ ಇರುವಂತೆ ಸೂಚಿಸಿದೆ.



ಏನಿದು ಸುಳ್ಳುಸುದ್ದಿ: 1990-2020ರವರೆಗೆ ಕೆಲಸ ಮಾಡಿದ ಕಾರ್ಮಿಕರು ಸರ್ಕಾರದಿಂದ 1.20 ಲಕ್ಷ ರೂ. ಪಡೆಯಲು ಅರ್ಹರಾಗಿದ್ದಾರೆ. ಕಾರ್ಮಿಕ ಮತ್ತು ಉದ್ಯೋಗ ಸಚಿವಾಲಯವೇ ಹಣ ನೀಡಲಿದೆ ಎಂಬ ಸುಳ್ಳು ಸಂದೇಶ ವಾಟ್ಸಪ್‌ನಲ್ಲಿ ಹರಿದಾಡುತ್ತಿದೆ.

FAKE ALERT: ಕಾಶ್ಮೀರದ ಕುಲ್ಗಾಂನಲ್ಲಿ ಯೋಧರಿಂದ ಪ್ರತಿಭಟನಾಕಾರರ ಮೇಲೆ ಪೆಲ್ಲೆಟ್‌‌ ಗನ್‌ ದಾಳಿ?

1990-2020ರ ನಡುವೆ ಕೆಲಸ ಮಾಡಿದ ಕಾರ್ಮಿಕರಿಗೆ ಕಾರ್ಮಿಕ ಮತ್ತು ಉದ್ಯೋಗ ಸಚಿವಾಲಯದಿಂದ 1.20 ಲಕ್ಷ ರೂ. ಪಡೆಯುವ ಹಕ್ಕು ಇದೆ ಎಂದು ಸಂದೇಶದಲ್ಲಿ ತಿಳಿಸಲಾಗಿದೆ. ಇದೇ ಸಂದೇಶದಲ್ಲಿ ನಕಲಿ ವೆಬ್‌ಸೈಟ್‌ನ ಯುಆರ್‌ಎಲ್‌ ( URL) ಅನ್ನು ಸಹ ನೀಡಲಾಗಿದೆ. ಈ ವೆಬ್‌ಸೈಟ್‌ನಲ್ಲಿರುವ ಪಟ್ಟಿಯಲ್ಲಿ ನಿಮ್ಮ ಹೆಸರಿದೆಯೇ ಪರಿಶೀಲಿಸಲು ಅದರ ಮೇಲೆ ಕ್ಲಿಕ್ ಮಾಡಿ ಎಂಬ ಒಕ್ಕಣೆಯನ್ನೂ ಸೇರಿಸಲಾಗಿದೆ.

Fake News Alert: ಮಸೀದಿಗಾಗಿ ನರಬಲಿ..? ಸುಳ್ಳು ಸುದ್ದಿಯಿಂದ ನೂರೆಂಟು ಗೊಂದಲ..!

ವಾಸ್ತವ: ಇದು ನಕಲಿ ಸಂದೇಶ. ಅಂತಹ ಯಾವುದೇ ಪಟ್ಟಿಯನ್ನು ಸರಕಾರವಾಗಲೀ, ಕಾರ್ಮಿಕ ಮತ್ತು ಉದ್ಯೋಗ ಸಚಿವಾಲಯವಾಗಲಿ ಪ್ರಕಟ ಮಾಡಿಲ್ಲ. ಅಂತಹ ಸುಳ್ಳು ಸಂದೇಶಗಳ ಕುರಿತು ಎಚ್ಚರಿಕೆಯಿಂದ ಇರಿ ಅಲ್ಲದೆ, ಅಂತಹ ಸಂದೇಶಗಳು ಬಂದರೆ ಅದನ್ನು ಮತ್ತೊಬ್ಬರಿಗೆ ಫಾರ್ವರ್ಡ್‌ ಮಾಡಬೇಡಿ. ಇಂತಹ ಯಾವುದೇ ನಕಲಿ ವೆಬ್‌ಸೈಟ್‌ URL ಗಳನ್ನು ಕ್ಲಿಕ್ ಮಾಡಬೇಡಿ.