ವೈರಲ್ ಆದ ಸುದ್ದಿ ಏನು?
ಯುದ್ಧ ವಿಮಾನವೊಂದು ಹಾರಿಸಿದ ಕ್ಷಿಪಣಿ ದಾಳಿಯಲ್ಲಿ ಹಲವು ಕಟ್ಟಡಗಳು ಧ್ವಂಸವಾಗುತ್ತಿರುವ ಹಾಗೂ ಜನತೆಯನ್ನು ಗುಂಡಿಟ್ಟು ಸಾಯಿಸುತ್ತಿರುವ ವೀಡಿಯೋ ಒಂದು ವಾಟ್ಸ್ಆ್ಯಪ್ ನಲ್ಲಿ ವ್ಯಾಪಕವಾಗಿ ಹರಿದಾಡಿತು. ಈ ವೀಡಿಯೋ ಜತೆಗೆ '300ಕ್ಕೂ ಹೆಚ್ಚು ಭಯೋತ್ಪಾದಕರನ್ನು ಭಾರತೀಯ ವಾಯುಪಡೆ ಕೊಂದು ಹಾಕಿದೆ. ಜೈಹಿಂದ್' ಎಂಬ ಸಂದೇಶವೂ ಹರಿದಾಡುತ್ತಿತ್ತು.
ಫೆಬ್ರವರಿ 26ರ ಬೆಳಗಿನ ಜಾವ ಭಾರತೀಯ ವಾಯುಪಡೆ ಯುದ್ಧ ವಿಮಾನಗಳು ಪಾಕಿಸ್ತಾನದ ಬಾಲಾಕೋಟ್ನ ಜೈಷೆ ಮೊಹಮ್ಮದ್ ಉಗ್ರ ನೆಲೆಗಳ ಮೇಲೆ 'ಮಿಲಿಟರಿಯೇತರ' 'ಪೂರ್ವಭಾವಿ' ವೈಮಾನಿಕ ದಾಳಿ ನಡೆಸಿವೆ ಎಂದು ಸರಕಾರ ಹೇಳಿತ್ತು.
ಸತ್ಯಾಂಶವೇನು?
ಇದು ಒಂದು ಬಗೆಯ ಗೇಮ್ ವೀಡಿಯೋ ಆಗಿದ್ದು, ನೈಜ ವೀಡಿಯೋ ದೃಶ್ಯವಲ್ಲ. 'Arma 2' ಎಂಬ ಗೇಮ್ ಒಂದರ ವೀಡಿಯೋ ಇದು ಎಂಬುದನ್ನು ನಾವು ಕಂಡುಕೊಂಡಿದ್ದೇವೆ.
ಪರಿಶೀಲನೆ ಮತ್ತು ದೃಢೀಕರಣ:
ವಾಟ್ಸ್ಆ್ಯಪ್ನಲ್ಲಿ ನಮಗೆ ಬಂದ ವೀಡಿಯೋವನ್ನು ಇನ್ವಿಡ್ ಗೂಗಲ್ ಕ್ರೋಮ್ ಎಕ್ಸ್ಟೆನ್ಶನ್ ಗೆ ಅಪ್ಲೋಡ್ ಮಾಡಿ ವಿಶ್ಲೇಷಣೆ ನಡೆಸಿದೆವು. ಗೂಗಲ್ ರಿವರ್ಸ್ ಇಮೇಜ್ ಸರ್ಚ್ ಉಪಕರಣ ಬಳಸಿ ಆ ವೀಡಿಯೋದ ಫ್ರೇಮ್ಗಳನ್ನು ಪರಿಶೀಲಿಸಿದೆವು. ವಿವಾದಿತ ವೀಡಿಯೋವನ್ನೇ ಹೋಲುವ ಥಂಬ್ನೇಲ್ ಚಿತ್ರ ಕಾಣಿಸಿತು.
ಯೂಟ್ಯೂಬ್ ಚಾನೆಲ್ನಲ್ಲಿ ಪರಿಶೀಲಿಸಿದಾಗ 'ಅಬ್ದುಲ್ಲಾ ಅಲ್ಲಾಹ್ ಬಿನ್ ಮೊಹಮ್ಮದ್' ಹೆಸರಿನ ಚಾನೆಲ್ ಒಂದು ಕಾಣಿಸಿತು. ಅದರಲ್ಲಿ ಎರಡು ವೀಡಿಯೋಗಳಿದ್ದವು. 'ಡಬಲ್ ಡೋಪ್ಲರ್' ಶೀರ್ಷಿಕೆಯಡಿ 'Really Short Engagement (ft. Taliban) - Apache Gunner FLIR Cam #6- Arma 2' ಎಂಬ ಒಂದು ವೀಡಿಯೋ ಕಾಣಿಸಿತು. ಅದೇ ವೀಡಿಯೋದ ಸಂಕ್ಷಿಪ್ತ ಭಾಗವೇ ವಾಟ್ಸ್ಆ್ಯಪ್ನಲ್ಲಿ ವೈರಲ್ ಆಗಿದೆ. ಅರ್ಮಾ 2 ಎಂಬುದು ಮುಕ್ತ ಬಳಕೆಯ ಮಿಲಿಟರಿ ಸಿಮ್ಯುಲೇಶನ್ ವೀಡಿಯೋ ಗೇಮ್ ಆಗಿದ್ದು 2009ರಲ್ಲಿ ಬಿಡುಗಡೆಯಾಗಿತ್ತು.
ಮೂಲ ವೀಡಿಯೋ ಇಲ್ಲಿದೆ ನೋಡಿ:
ನಿರ್ಣಯ:
ಫೆಬ್ರವರಿ 26ರಂದು ನಸುಕಿನ ಜಾವ ಬಾಲಾಕೋಟ್ ಉಗ್ರ ನೆಲೆಗಳ ಮೇಲೆ ಭಾರತೀಯ ವಾಯುಪಡೆಯ ದಾಳಿಯ ದೃಶ್ಯವೆಂದು ಹೇಳಿಕೊಂಡು ವಾಟ್ಸ್ಆ್ಯಪ್ನಲ್ಲಿ ವೈರಲ್ ಆದ ಈ ವೀಡಿಯೋ ವಾಸ್ತವದಲ್ಲಿ ವೀಡಿಯೋ ಗೇಮ್ ಒಂದರ ತುಣುಕಾಗಿದೆ.
ಯುದ್ಧ ವಿಮಾನವೊಂದು ಹಾರಿಸಿದ ಕ್ಷಿಪಣಿ ದಾಳಿಯಲ್ಲಿ ಹಲವು ಕಟ್ಟಡಗಳು ಧ್ವಂಸವಾಗುತ್ತಿರುವ ಹಾಗೂ ಜನತೆಯನ್ನು ಗುಂಡಿಟ್ಟು ಸಾಯಿಸುತ್ತಿರುವ ವೀಡಿಯೋ ಒಂದು ವಾಟ್ಸ್ಆ್ಯಪ್ ನಲ್ಲಿ ವ್ಯಾಪಕವಾಗಿ ಹರಿದಾಡಿತು. ಈ ವೀಡಿಯೋ ಜತೆಗೆ '300ಕ್ಕೂ ಹೆಚ್ಚು ಭಯೋತ್ಪಾದಕರನ್ನು ಭಾರತೀಯ ವಾಯುಪಡೆ ಕೊಂದು ಹಾಕಿದೆ. ಜೈಹಿಂದ್' ಎಂಬ ಸಂದೇಶವೂ ಹರಿದಾಡುತ್ತಿತ್ತು.
ಫೆಬ್ರವರಿ 26ರ ಬೆಳಗಿನ ಜಾವ ಭಾರತೀಯ ವಾಯುಪಡೆ ಯುದ್ಧ ವಿಮಾನಗಳು ಪಾಕಿಸ್ತಾನದ ಬಾಲಾಕೋಟ್ನ ಜೈಷೆ ಮೊಹಮ್ಮದ್ ಉಗ್ರ ನೆಲೆಗಳ ಮೇಲೆ 'ಮಿಲಿಟರಿಯೇತರ' 'ಪೂರ್ವಭಾವಿ' ವೈಮಾನಿಕ ದಾಳಿ ನಡೆಸಿವೆ ಎಂದು ಸರಕಾರ ಹೇಳಿತ್ತು.
ಸತ್ಯಾಂಶವೇನು?
ಇದು ಒಂದು ಬಗೆಯ ಗೇಮ್ ವೀಡಿಯೋ ಆಗಿದ್ದು, ನೈಜ ವೀಡಿಯೋ ದೃಶ್ಯವಲ್ಲ. 'Arma 2' ಎಂಬ ಗೇಮ್ ಒಂದರ ವೀಡಿಯೋ ಇದು ಎಂಬುದನ್ನು ನಾವು ಕಂಡುಕೊಂಡಿದ್ದೇವೆ.
ಪರಿಶೀಲನೆ ಮತ್ತು ದೃಢೀಕರಣ:
ವಾಟ್ಸ್ಆ್ಯಪ್ನಲ್ಲಿ ನಮಗೆ ಬಂದ ವೀಡಿಯೋವನ್ನು ಇನ್ವಿಡ್ ಗೂಗಲ್ ಕ್ರೋಮ್ ಎಕ್ಸ್ಟೆನ್ಶನ್ ಗೆ ಅಪ್ಲೋಡ್ ಮಾಡಿ ವಿಶ್ಲೇಷಣೆ ನಡೆಸಿದೆವು. ಗೂಗಲ್ ರಿವರ್ಸ್ ಇಮೇಜ್ ಸರ್ಚ್ ಉಪಕರಣ ಬಳಸಿ ಆ ವೀಡಿಯೋದ ಫ್ರೇಮ್ಗಳನ್ನು ಪರಿಶೀಲಿಸಿದೆವು. ವಿವಾದಿತ ವೀಡಿಯೋವನ್ನೇ ಹೋಲುವ ಥಂಬ್ನೇಲ್ ಚಿತ್ರ ಕಾಣಿಸಿತು.
ಯೂಟ್ಯೂಬ್ ಚಾನೆಲ್ನಲ್ಲಿ ಪರಿಶೀಲಿಸಿದಾಗ 'ಅಬ್ದುಲ್ಲಾ ಅಲ್ಲಾಹ್ ಬಿನ್ ಮೊಹಮ್ಮದ್' ಹೆಸರಿನ ಚಾನೆಲ್ ಒಂದು ಕಾಣಿಸಿತು. ಅದರಲ್ಲಿ ಎರಡು ವೀಡಿಯೋಗಳಿದ್ದವು. 'ಡಬಲ್ ಡೋಪ್ಲರ್' ಶೀರ್ಷಿಕೆಯಡಿ 'Really Short Engagement (ft. Taliban) - Apache Gunner FLIR Cam #6- Arma 2' ಎಂಬ ಒಂದು ವೀಡಿಯೋ ಕಾಣಿಸಿತು. ಅದೇ ವೀಡಿಯೋದ ಸಂಕ್ಷಿಪ್ತ ಭಾಗವೇ ವಾಟ್ಸ್ಆ್ಯಪ್ನಲ್ಲಿ ವೈರಲ್ ಆಗಿದೆ. ಅರ್ಮಾ 2 ಎಂಬುದು ಮುಕ್ತ ಬಳಕೆಯ ಮಿಲಿಟರಿ ಸಿಮ್ಯುಲೇಶನ್ ವೀಡಿಯೋ ಗೇಮ್ ಆಗಿದ್ದು 2009ರಲ್ಲಿ ಬಿಡುಗಡೆಯಾಗಿತ್ತು.
ಮೂಲ ವೀಡಿಯೋ ಇಲ್ಲಿದೆ ನೋಡಿ:
ನಿರ್ಣಯ:
ಫೆಬ್ರವರಿ 26ರಂದು ನಸುಕಿನ ಜಾವ ಬಾಲಾಕೋಟ್ ಉಗ್ರ ನೆಲೆಗಳ ಮೇಲೆ ಭಾರತೀಯ ವಾಯುಪಡೆಯ ದಾಳಿಯ ದೃಶ್ಯವೆಂದು ಹೇಳಿಕೊಂಡು ವಾಟ್ಸ್ಆ್ಯಪ್ನಲ್ಲಿ ವೈರಲ್ ಆದ ಈ ವೀಡಿಯೋ ವಾಸ್ತವದಲ್ಲಿ ವೀಡಿಯೋ ಗೇಮ್ ಒಂದರ ತುಣುಕಾಗಿದೆ.