ಪರಿಸರ ದಿನಕ್ಕೆ 10 ಕಿಮೀ ನಡಿಗೆ

ಗದಗ : ನಗರದ ಅಕ್ಕಿಸ್‌ ಗ್ರುಪ್‌ ಶಾಖೆ ಬುಲ್ಸ್‌ ಜಿಮ್‌ ವತಿಯಿಂದ ವಿಜಯ ಕಲಾ ಮಂದಿರ ಸಂಸ್ಥೆ ಸಹಯೋಗದಲ್ಲಿ ವಿಶ್ವ ಪರಿಸರ ದಿನಾಚರಣೆ ಅಂಗವಾಗಿ 10 ಕಿಮೀ ನಡಿಗೆ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು.

ಕಾರ್ಯಕ್ರಮದಲ್ಲಿ 14 ರಿಂದ 65 ವರ್ಷದೊಳಗಿನ ಸುಮಾರು 120ಕ್ಕೂ ಹೆಚ್ಚು ಜನ ಸದಸ್ಯರು ಭಾಗವಹಿಸಿದ್ದರು. 10 ಕಿಮೀ ನಡಿಗೆ ನಂತರ ಎಲ್ಲರಿಗೂ ಸಸಿ ವಿತರಣೆ ಮಾಡಲಾಯಿತು. ರಾಜೀವಗಾಂಧಿ ನಗರ ಬಡಾವಣೆಯ ಪಿಎಸ್‌ಐ ರವಿ ಪವಾರ, ಡಿವೈಎಸ್ಪಿ ನವೀನಕುಮಾರ, ಮುಕುಂದ ಪೋತ್ನೀಸ್‌, ತನುಜಾ, ವಿಜಯಲಕ್ಷ್ಮೇ ಮಾನ್ವಿ ಇತರರು ಭಾಗವಹಿಸಿದ್ದರು. ಕಾರ್ಯಕ್ರಮವನ್ನು ಪ್ರಶಾಂತ ಬಾಣಿ, ತರಬೇತುದಾರರ ಶಿಶಿರ ಅಕ್ಕಿ, ಶಿವು ಹೂಗಾರ, ವಿಜಯ ಹೊಸಮನಿ, ವಿಜಯ ತಳಗೇರಿ, ಶಿವಕುಮಾರ, ವಿಜಯ ಮತ್ತು ವಿನಯ ಅಕ್ಕಿ ನಡೆಸಿಕೊಟ್ಟರು.