ಆಧಾರ್‌ ನೋಂದಣಿ ಶಿಬಿರ

ಗದಗ: ಜಿಲ್ಲೆಯಲ್ಲಿಆಧಾರ್‌ ಯೋಜನೆಗೆ ಸಂಬಂಧಿಸಿದ ವಿಶೇಷ ಆಧಾರ್‌ ನೋಂದಣಿ ಶಿಬಿರವನ್ನು ಸಾರ್ವಜನಿಕರ ಆಧಾರ್‌ ಕಾರ್ಡ್‌ಗಳ ಸಮಸ್ಯೆ ನಿವಾರಿಸಲು ಡಿ.6 ರಂದು ಜಿಲ್ಲಾಧಿಕಾರಿ ಕಾರ್ಯಾಲಯದ ಅಡಿಟೋರಿಯಂ ಹಾಲ್‌ನಲ್ಲಿ ಆಯೋಜಿಸಲಾಗಿದೆ.

ಶಿಬಿರದಲ್ಲಿಅನೇಕ ಬಾರಿ ಆಧಾರ್‌ ನೋಂದಣಿ ಮಾಡಿಸಿದವರು ಸಹ ಆಧಾರ್‌ ಜನರೇಟ್‌ ಆಗದಿರುವವರು. ಬಯೋಮೆಟ್ರಿಕ್‌ ಬೇರೆಯವರಿಗೆ ಹೊಂದಾಣಿಕೆಯಾಗುತ್ತಿದ್ದು ಮತ್ತು ಆ ನಿವಾಸಿಗೆ ಪರಿಚಯ ಇಲ್ಲದಿರುವುದು. ಸುಮಾರು ಬಾರಿ ಆಧಾರ್‌ ಬಯೋಮೆಟ್ರಿಕ್‌ ಅಪ್ಡೇಟ್‌ ಮಾಡಿಸಿದರೂ ತಿರಸ್ಕೃತವಾಗಿರುವುದು. ಕಳಪೆ ಬಯೋಮೆಟ್ರಿಕ್‌ ಪ್ರಕರಣ ಮತ್ತು ಇತರೆ ಆಧಾರ್‌ ಕಾರ್ಡ್‌ಗೆ ಸಂಬಂಧಿಸಿದ ಸಮಸ್ಯೆಗಳ ಬಗ್ಗೆ ಚರ್ಚಿಸಿ ಸೂಕ್ತ ಪರಿಹಾರ ಒದಗಿಸಲು ಶಿಬಿರ ಏರ್ಪಡಿಸಲಾಗಿದೆ ಎಂದು ಜಿಲ್ಲಾಧಿಕಾರಿ ಕಾರ್ಯಾಲಯ ಪ್ರಕಟಣೆ ತಿಳಿಸಿದೆ.